ISAI 57:20 - Mara Bible RV (BSI)

²⁰ Moleipazy deikua cha, Tilaipi a chatlaopa hawhta châ ei ta, A chalih beih veih ei; Ama tizy ta apuapa papua ei ta, Chiatlao zy ama papua tyh.

ISAI 57:20 ပူးပေါင်းရင်းမြစ်များ

2 ABEIZY 6:11

Cha kyh liata Aramia bei cha a palôh nôpo kaw ta. A chakaotuhpazy aw ta, ama hnohta, “Eima hry liana heta ahy ma Izarei bei chhâh a châ tahpa na chho aw veih ei chi ma?” tah ta.

ISAI 3:11

Moleipa cha a hu a po na! Chhiena a tyh aw ta, A hmotaopazy viarithôpa a châ aw.

ISAI 3:9

Ama hmia phao ta ama châna palâsa ta, Ama moleina Sawdawmâ hawhta ama phuah; Nyu veih ei. Ama hu a po na! Âmosasyh ta raona amâ taopa a châ.

ISAI 48:22

“Moleipazy châta thlalôhna rai y vei,” Abeipa ta a tah.

ISAI 59:8

Thlalôhna lâthlôh pahno leipa ei ta, Ama lâpizy liata adona y vei. Ama lâpizy â kopa ta tao ei ta, Cha liata a siepa ahy hmahta thlalôhna hmô veih ei.

ZEREMIAH 49:23

He he Dâmaskâ kyh a châ: “Hâmathi nata Apâ cha, Thâtih chhiepa ama theipa vâta, Nozapa ta ama y. Chipa ta zao khai ei ta, Tilaipi chalihsa thei leipa hawhta, Tymâpa ta ama y.

ZUDÂH 1:12

Chazy chata china châh rai pahno leipa ta, nama kyhpachâna kyhchhi patizy niepa ta papuapalei ei ta, ti hnei leipa meihdo, thlih ta a phao pahaipa, châhvâ tho a pathei leipa, ei no a thi hapa nata a thari phia hapazy ama châ.

ZUDÂH 1:13

Tilaipi chatlaopa a pathluahpa, âmo maophyuhna buchaphy a papuapazy châ ei ta, awhsi viavipa, zoh kaluhpa liata chhâzaw ta a y awpazy ama châ.