ISAI 57:2 - Mara Bible RV (BSI)

² Thlalôhna liata â ngia hapa tlao a châ. Â dopa ta a hrohpazy cha, Ama rakhô liata thlalôhpa ta amâ zia tyh.

ISAI 57:2 ပူးပေါင်းရင်းမြစ်များ

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

2 THÂTIHZYRONA 16:14

Dâvi khihpi liata ano châta thlâ â taopa liata pabu ei ta. Ropahâhpa taotuhpazy ta ia-ô chi to tawhta ama taopa ropahâhpa to ta a biepa rakhô liata pazia ei ta, ano palyupalihna châta mei thata patih ei ta.

ZAWBÂ 3:17

Cha liana cha moleipazy ta patypamâ khao leipa ei ta, Cha liana cha thachhâpazy amâ pahâ.

HLAZY 37:37

Chyhsa phapakipa ngia la, Chyhsa dopa moh tua; A chhâ nawpa cha thlalôhna a châ.

BIECHHOTUHPA 12:7

dohlei a yna tyhpa alei lâ a kua heih hlâta nata thlahpa a pietuhpa Khazohpa lâ a kua heih hlâta, châ Taotuhpa cha khâ a thei mah y.

ISAI 14:18

Râh to beizy cha rônahpa ta a zia ei ta, Âmo thlâ chyu liata amâ zia.

ISAI 26:7

Mosiapa lâpi cha a raih ta, Hy Khazoh Siapa, nâma tlai ta Mosiapa lâpi cha na patlâsa tyhpa a châ.

ZEREMIAH 6:16

Abeipa ta hetana heta a tah: “Lâpizy liata a duahpa ta moh u la, Lâthlôh phapa yna lâhlôzy thâtih hiahri u la, Cha lâpi cha a chhih teh u; Nama thlahpa châta apahâna nama hmô aw,” tah ta. Châhrasala Izarei sawzy ta, “Cha lâpi cha a chhih aw ma pi,” tah ei ta.

EZEKIA 32:25

Sawvawhpazy hry liata ano nata a sahlaozy châta rakhô taopa ei ta, a thlâzy a kiapâh liata y ta, ama zydua ta chopawtaileipa, zaozi ta thiepazy ama châ. Ahrohpazy râh chichhihpa ta a taotuhpazy châ ei ta, khaohtlô liata a tla hapazy hnohta nozapa ta y ei ta, sawvawhpazy hry liata sopa ama châ.

DÂNIAH 12:13

Nâ deikua cha na sie nawpa lâpi liata a chhâna taihta sie mah y. A pahâ aw chi ta, nohzy a chhâ tita, na lymâ hmô awpa ta na thyu heih aw,” tah ta.

MATHAI 25:21

A zibeipa ta a hnohta, ‘Chakaotuhpa phapa nata ngâchhihpa, na tao pha na. Hmo chyhta chô liata ngâchhih chi ta, a hluhpi chô liata ei cha paysa aw. Na zibeipa alyna liata a ngia teh,’ tah ta.

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

LUKA 16:22

Sipasapa cha thi ta, vâlyuhchâpazy ta a chhi ei ta, Abarahâ kalachhôh tlôkhei ei ta. Chyhsa hneirôhpa chhao cha thi ta, pabupa châ ta.

LUKA 2:29

“Hy Abeipa, na bie hawhta, Châ chakaotuhpa he Thlahlôhpa ta pasiesa bâ mah y.

LUKA 7:50

Zisu ta chanô hnohta, “Nâ ngiapâna ta a cha pachha haw. Thlahlôhpa ta sie mah y,” tah ta.

2 KAWRINI 5:1

Eima pahrâna lei byureih he phiepa châ hra sala, vârâh liata chhâzaw o eima hnei tahpa eima pahno. Cha o cha ku ta sa leipa, Khazohpa taopa a châ.

2 KAWRINI 5:8

Thlalôhpa ta eima y. Pôhpa o liata y leipa ta, eima y nawpa o liata Abeipa hnohta y awpa eima khoh via.

PHILIPI 1:23

A likah liata pachâna pahno leipa ta ei y. Kei la sie ta, Krista hnohta y bâ awpa ei khoh. Cha cha kei châta a pha via syulyu.

BIEPHUAH 14:13

Chatawhcha avâ tawhta ao ta, “Hetana heta roh teh: Tahmâ tawhta la, Abeipa liata athipazy ama nohlao aw,” a tahpa thei na ta. Thlahpa ta, “A châ na, ama hriapasanazy a pahâsai aw ei ta, ama hmotaopazy ta a zi aw ei!” tah ta.