ISAI 57:15 - Mara Bible RV (BSI)

¹⁵ Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 57:15 ပူးပေါင်းရင်းမြစ်များ

ÂTHAONA 21:33

Abarahâ ta Besebâ liana cha Tamâri tho loh ta, cha liata Abeipa, Chhâzaw Khazohpa moh pado ta.

1 ABEIZY 8:27

“Châhrasala Khazohpa cha alei chô liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha nâ tlôh lei pachai aw dia!

2 THÂTIHZYRONA 34:27

he su nata a chhôh liata a pahrâpazy kyh liata Abeipa biezy na thei nahta, na palôh panaipa ta, Khazohpa hmiakô liata a panawh chi ta. Ei hmiakô liata a panawhpa ta, na chysiazy hrie chi ta, ei hmiakô liata na chapa vâta, kei chhao ta ei cha thei haw, Abeipa ta a tah.

ZAWBÂ 22:29

Khazohpa cha reisipazy a pachha tyhpa vâta, Panawhpa ama châ tita, ‘Apalaina vâta a châ,’ na tah aw.

ZAWBÂ 6:10

Cha cha ei hnangâhna châ aw ta, Ei pasa kawpa chhao ta ei reithai aw, Pathaihpa bie ei paphasai leipa vâta.

HLAZY 111:9

A phopi hnohta chatlaina vaw tuah ta, Tlyzaw châta a biehrai a pie. A moh cha Pathaihpa nata Zachhihpa a châ.

HLAZY 115:3

Keimo Khazohpa cha vârâh liata y ta, A khopa maih a tao tyh.

HLAZY 123:1

Hy nâ, vâ beidyuchhai liata a tyuhpa y, Nâma lâta ei mo ei kaw khaih.

HLAZY 138:6

Abeipa cha chônôchaipa a châ tarawpa ta, Chyhsa nawhpazy pachâ ta; Akhotlâhpazy deikua cha, Â hlapi tawhta a pahno ei.

HLAZY 138:7

Nôpona hry liata ei chareipa chhao ta, Ei hrona pahlôh chi ta; Ei chariahpazy hiehâhna lâ na ku pazawhpa ta, Na ku chachâh lâta eina pachha tyh chi.

HLAZY 147:3

Palôh keichheihpazy patlâh ta, Ama hmahzy a chahrypa ei.

HLAZY 34:18

Abeipa cha palôh keichheihpazy a hnia ta, Thlahpa a ngiapachhipazy a pachha tyh.

HLAZY 34:19

Mosiapa cha pasa hluhpi tao ta, Châhrasala cha zydua tawhta Abeipa ta a pachha lymâ.

HLAZY 51:17

Khazohpa khopa atheihnazy cha palôh keichheihpa châ ta, Hy Khazohpa, palôh keichheihpa nata ropa cha dytha aw va chi.

HLAZY 51:19

Chatanachata atheihna dopazy liata a ly aw chi ta, Raopa hlânazy nata tlokhuh raopa hlânazy liata a lypa ta, Na maisâh liata viahchao tôhpazy hlâpa a châ aw.

HLAZY 83:18

Nâ deita he Zehôvâh moh a phaohpa châ chi ta, Khizaw zydua liata Chônôchaipa na châ tahpa ama pahno aw.

HLAZY 90:2

Tlâhpizy ama y hlâta y ha chi ta, Leilô nata khizaw zy na padua hlâ chhao ta na y haw; Chhâzaw nata tlyzaw ta Khazohpa na châ.

HLAZY 93:2

Na beidyuchhai cha hlâno tawhta pa-ipa châ ta, Nâ cha tlyzaw tawhtapa na châ.

HLAZY 97:9

Hy Abeipa, nâ cha alei chô zydua liata chônôchaipa châ chi ta, Khazoh zydua chô lâta cheihchalopa na châ.

HLAZY 99:3

Na moh rônahpa nata zachhihpa cha reithai mawh ei sy! Abeipa cha a pathaih na!

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?

PUASAINA 15:13

“Na kyhpachâna tleih leipa ta phopi na chatlaipa cha a chhi chi ta, Na thatlôna ta na yna su pathaihpa lâ nâ chhi ei.

PUASAINA 15:18

Abeipa cha tlyzaw ta ryu a reih aw.”

PUASAINA 40:34

Chatawhcha ahmaohna poh o cha meihdo ta vaw pahly ta, achhyna byureih cha Abeipa rônahna ta bie ha ta.

PUASAINA 40:35

Cha hawhta meihdo a vaw chhoh ta, Abeipa rônahna ta achhyna byureih a bie hapa vâta, Mawsi cha ahmaohna poh o chhôh lâ a ngia thei khao vei.

BIESOZY 16:19

Apalaipazy hry liata hraona sôh a raipa hlâta cha, Sipasapazy hry liata areisina palôh phaopa a pha via.

BIESOZY 8:23

Tlyzaw ta a ypa châ na ta, Leilô y hlâta taopa châ na ta, Tao tuachaipa ei châ.

ISAI 18:4

Abeipa ta ei hnohta hetana heta a tah: “Noh sa nota noh lopa hawhta, Ei pahrâna su tawhta a chalihpa ta sai aw na ta, Sâh hria noh lo nota avâ meihdo hawhta, A chalihpa ta ei sai thlâh ha aw.”

ISAI 33:5

Vâ chô sâhpa liata a pahrâpa a châpa vâta, Abeipa cha cheihchalopa ta y ta, Zaio cha adona nata siana ta a pabie aw.

ISAI 40:28

Pahno beih va chi ma? Thei beih va chi ma? Abeipa cha tlyzaw Khazohpa châ ta, Khizaw kaokih a Taotuhpa mah a châ tâh. Panao beih leipa ta, A thachhâ beih vei; A novâhzie chhao, A laichadai thei awpa rimâ châ vei.

ISAI 52:13

Pachâ teh u, nâ chakaotuhpa cha, So kawpa ta hmo a tao aw; Palyupalihpa nata pasâhsapa ta y aw ta, Cheihchalopa ta a y aw.

ISAI 6:1

Bei Uzia a thi kô ta, Abeipa cha beidyuchhai a sâhpa nata a chaluahpa liata â tyu thlâh hapa hmô na ta. A poh rônahpa ta Achhyna o pabie khai ha ta.

ISAI 6:3

Chatawhcha serâfi pakha ta serâfi hropa hnohta, “Pheisaihzy Abeipa cha, A pathaih na, a pathaih na, a pathaih na; Leilô zydua a rônahna ta a bie,” tahpa ta a awsao raihrie ei ta.

ISAI 63:15

Vârâh tawhta za sai la, moh tua, Na pathaihna su tawhta za sai la, Na rônahna su tawhta za sai tua. Na phahnai ngiahna kha khataih liata y ta, Na thatlôna khataih liata a y haw? Na palôh pathyuna nata na thapasana zy kha, Eima châta pakhâpa a châ ha he zaw.

ZEREMIAH 10:10

Abeipa deikua cha Khazoh hmeiseihpa châ ta, Khazoh hrohpa nata tlyzaw Bei a châ. A hiehâhna ta alei a chalyu ta, Phopizy ta a pathiiana tao thei veih ei.

CHAPHÔHTUNA 3:41

Eima palôh nata eima kuzy chaluah sih la, Avâ Khazohpa lâ chaluah suh u:

EZEKIA 16:63

Na hmotaopa zydua vâta chatlaina ei cha taopa tita, na moleinazy a thei heihpa ta nozaohpa ta y aw chi ta, na nozapa vâta na pakah â khao aw va chi,” Abeipa Zehôvâh ta a tah.

EZEKIA 9:4

Abeipa ta a hnohta, “Zerusale khihpi chahryh la, khihpi chhôh liata hmo pasichhihpa taopazy vâta a hrôpa nata a rôhpazy chyhsazy khi liata ngiana tao mah y,” tah ta.

DÂNIAH 2:11

Abei hmo a hnawpa he a ru tu ha na; khazohzy na tah leipa ta cha ahy hmahta he hmo he abei a chhopasia thei awpa y aw veih ei, khazohzy hra cha chyhsazy hry liata pahrâ tlôh ei vâ,” tah ei ta.

DÂNIAH 4:17

He pachiana bie he vaituhpazy biepiepa ta taopa châ ta, biepathlupa he mo pathaihpazy bie ta taopa a châ. Chônôchaipa cha chyhsazy khinarâh chô liata ryu a reihpa châ ta, a pie khohpa hnohta khinarâh pie ta, chyhsa nawh chaipazy chhao a pabeisa thei ei tahpa chyhsazy ta ama pahno thei nawpa ta,’ tah ta.

DÂNIAH 4:34

Cha nohzy chhâna liata, kei, Nebukaneza cha avâ lâ ei mo kaw khaih na ta, chatanachata ei pahnona cha kei lâta vaw kua heih ta, Chônôchaipa cha reithai na ta, tlyzaw ta a hrohpa cha reithaipa ta ei palyupalih. A ryureina cha tlyzaw ryureina châ ta, A khinarâh chhâ zydua ta â duah.

ZÔELA 2:13

“Nama poh châ leipa ta, Nama pathipalôh hrie teh u,” Abeipa ta a tah. Abeipa nama Khazohpa lâ kua teh u, Ano cha ngiachhiena nata zawngiahna a hneipa châ ta, Nônaina nata kyhpachâna ta a biepa a châ; Chhiena patlôsa lei awpa ta A palôh a panano theipa a châ.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

MIKÂ 6:8

“Hy chyhsapa, Abeipa ta hmo phapa a cha chho haw; Abeipa ta khâpa ma a châ hnaw? Adona taopa ta, Ngâchhihna pasô ta, Nawhna hro hrokheipa ta, Na Khazohpa nata charei khohpa he châ vei ma?”

ZEKARIA 2:13

Chyhsapa zydua saih u, Abeipa cha a pahrâna su pathaihpa tawhta kaw thyu ha ta, chavâta a hmiakô liata sidiapa ta y muh vy.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

MATHAI 6:9

Chavâta nâmo la hetana heta thlahchhâ tyh muh vy: “‘Eima Paw vârâh liatapa, Na moh zachhih mawh sy.

LUKA 1:49

Atotaotheipa ta hmo rônahpa na taopa ta, A moh cha pathaihpa a châ.

LUKA 4:18

“Abeipa Thlahpa cha ei chô liata y ta, Dyhchhiepazy hnohta thâtihpha chho awpa ta sathaw eina thu. Atâhpazy hnohta puana bie chho ta, Mochaopazy mopavâsa awpa ta na tuah ta, Tlybaipazy khotalaina pie ta,

HMOTAOPAZY 3:14

Mopathaihpa nata Mosiapa kha dytha ei chi ta, lianycheihpa kha cha papuapa awpa ei ta tlao namâ haw.

RAWMA 1:20

Mo ta hmô thei leipa a châna, a chhâzaw hmotaotheina nata a Khazoh châna zy cha, khizaw tao tua no tawhta hmôpa ta y ta, hmotaopazy liata a siapa ta â lâ. Chavâta rei nawpa hnei veih ei.

2 KAWRINI 1:4

Ano cha eima riethei taona zydua liata thlah miah palôhtuhpa a châ. Chatanachata keimo chhao, Khazohpa ta thlah miah a palôhna cha hmâpa ta, rietheina kheihawhpa rai a taopazy thlah eima palôh thei hra aw.

2 KAWRINI 2:7

Hrie via awpa hlâta cha, a ngiahthai u la, a thlah palôh teh u. Chataleipatala pachârôhna ta a vaosao pathlei aw na.

2 KAWRINI 7:6

Châhrasala palôh rietheipazy thlapalôhtuhpa Khazohpa ta Titu vaw tuah ta, thlah miah a palôh haw.

RYHPACHANEINA 33:27

Tlyzaw Khazohpa cha na pahrâna châ ta, A ry lâta chhâzaw bâhzy a y; Na hmiakô tawhta chariahpa papua ta, ‘Pahleipadia teh u,’ a tahtuhpa a châ.

1 TIMAWTHY 1:17

Chhâzaw Beipa, thi thei leipa, hmô thei leipa nata Khazohpa a y chhôhpa hnohta chhâzaw nata tlyzaw ta palyupalihna nata rônahna y mawh sy. Amen.

1 TIMAWTHY 6:16

Ano deita cha thi thei leina hnei ta, khaihpa a hnia thei rimâ leipa liata a pahrâ. Ano cha ahy hmah hmô beih leipa nata hmô thei leipa a châ. Khazohpa hnohta palyupalihna nata hmotaotheina chhâzaw ta y mawh sy. Amen.

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!

ZÂMIE 4:6

Châhrasala ngiachhiena hluh via ta tlao a vaohei tyh. Chavâta Biehrai ta, “Khazohpa ta apalaipazy a dyuh ta, areisipazy deikua a ngiachhie tyh,” a tahpa a châ.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”

BIEPHUAH 15:4

Hy Abeipa, ahy ma cha chi leipa ta y aw ta, Na moh palyupalih leipa ta a y aw? Pathaihpa cha nâ dei na châ. Na pachiana siaziezy palâhâhpa a châ hapa vâta, Phopi zydua a vy aw ei ta, Ama châ vaw chhy aw.”

BIEPHUAH 3:7

“Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.

BIEPHUAH 4:8

Hmohrohneipa miapalihzy cha mathlaw miacharu hnei chyu ei ta, ama pôhpa chô lâ nata chhôh lâ mokhaoh ta a biepa ama châ. Chatanachata, “Atotaotheipa Abeipa Khazohpa, A y hapa, a y haipa nata a vaw y awpa cha, A pathaih na, a pathaih na, a pathaih na,” tahpa ta a chalih beih leipa ta, chhô nah zâ ta ama reithai.

1 SAMUELA 2:2

“Abeipa hawhta pathaihpa y veih ei: Nâ leipa ta mohropa y leipa ei ta, Eima Khazohpa hawhpa lôpanô y veih ei.