ISAI 57:13 - Mara Bible RV (BSI)

¹³ Baona hiapa ta na aw tita, Nothlahpa na sopakhypazy ta Cha pachha mawh ei sy. Châhrasala âmo cha thlih ta cheih aw ei ta, Ei kha hu sopa ta a phaoh pathlah khai aw ei. Keima nâ chhaipa deikua cha râh ryu to aw ta, Ei tlâh pathaihpa ryu a to aw.

ISAI 57:13 ပူးပေါင်းရင်းမြစ်များ

2 ABEIZY 3:13

Elaisâh ta Izarei bei hnohta, “Nâ nata kei ta azaona khâpa eima hnei? Na paw hrohsopazy lâ sie la, na nô hrohsopazy lâ sie teh,” tah ta. Izarei bei ta a hnohta, “Sie aw va na., He bei pathôhzy he Môabâ ku liata hlâ awpa ta Abeipa ta miah a awpakhypa a châ hih,” tah ta.

ZAWBÂ 21:18

Ziza hmiakô liata sawphao hawh châ ei ta, Chothyu ta saviah a phaopa hawh châ veih ei ma?

HLAZY 1:4

Hmoparaopazy deikua, cha hawhta châ leipa ei ta, Sâh sihpa ziza ta a phaopa hawhta ama châ.

HLAZY 118:8

Chyhsapa ngâpa hlâta, Abeipa a chhaipa a pha via.

HLAZY 125:1

Abeipa a ngâtuhpazy cha Zaio Tlâh pasie thei rimâ leipa, Chhâzaw ta a y thlâh hapa hawhta ama châ.

HLAZY 37:11

Areisipazy deikua cha râh he ryu ta to aw ei ta, Thlalôhpa ta y aw ei ta, Amâ ly ngaita aw.

HLAZY 37:22

Abeipa ta byhnâ a piepazy ta, Râh ryu to aw ei ta, Abeipa ta chhie a sa hapazy deikua cha, Chhawh pathlahpa ama châ aw.

HLAZY 37:29

Mosiapazy cha râh ryu to aw ei ta, Cha liata chhâzaw ta ama pahrâ aw.

HLAZY 37:3

Abeipa cha ngâ la, Hmo pha tao mah y; He râh liata pahrâ la, Ngâchhihna zi lymâ mah y.

HLAZY 37:34

Abeipa cha hâ la, A lâpi a chhih mah y; Cha cheihchalopa ta, Râh ryu cha patosa aw ta, Moleipazy chhawh pathlahpa ama châ nota na hmô aw ei.

HLAZY 37:9

Hmoparaopazy cha chhawh pathlahpa châ aw ei ta, Abeipa a hâtuhpazy deikua cha, râh he ryu ta ama to aw.

HLAZY 58:9

Nama beihzy ahloh tho mei ta a palalôh hlâta, Tho hrohpa ta tlyma, tho raohpa ta tlyma, Moleipa cha phi pathlahpa a châ aw.

HLAZY 84:12

Hy Pheisaihzy Abeipa, Nâma châ ngâtuhpa cha a nohlao na!

BIESOZY 28:25

Karâypa chyhsa cha ahryuna pathyu ta, Abeipa a ngâtuhpa deikua cha pathawhsapa a châ aw.

ISAI 11:9

Ei tlâh pathaihpa liata cha, Apasasana rai y khao leipa aw ta, Aparaona chhao y khao aw vei. Tilaipi cha tizy ta a biepa hawhta, Leilô he Abeipa pahnona ta a bie khai aw.

ISAI 14:32

Râh vyuhpa lyuhchâpazy cha, Kheihta a chhy awpa ma a châ aw? “Abeipa ta Zaio padua ha ta, A phopi saw pasa a taopazy cha, Cha liata amâ chhai aw,” Tahpa ta a chhy awpa a châ.

ISAI 25:4

Sipasapa châta thokhy châ chi ta, Dyhchhiepa nôpo daihti liata a thokhy na châ; Thlihpipa tawhta abohna châ chi ta, Noh lopa châta nohdi na châ. Nôchhiepa hu deikua cha, Thlihpipa ta pâhchhô a vawhpa hawhta châ ta;

ISAI 40:24

Lopa nata tupa châ ei ta, Alei liata thari ama thla pathaopa nahta, Âmo cha a hu ta hmô ta, Ama uah ha tyh; Chatanachata sâh sihpa hawhta, Chothyu ta a phaoh pathlah ha tyh ei.

ISAI 41:16

Âmo cha zie aw chi ta, Thlih ta phaoh aw ta; Chothyu ta a hiepatla khai aw ei. Chatawhcha Abeipa liata a ly aw chi ta, Izarei Mo Pathaihpa cha nâ palaikhei aw.

ISAI 45:20

“A pahmaohpa ta a vy u la, Nâmo, phopi laibâhpazy saih u, Hmaohkha ta a vaw hnia teh u! Ama tho khazoh nothlahpa a phaoh laihpa phopizy ta Pahnona rai hnei leipa ei ta, A pachha thei leipa khazoh lâ thlah khâ ama chhâ tyh.

ISAI 49:8

Abeipa ta hetana heta a tah: “Khokheina daihti liata châ chhy na ta, Pachhana noh liata ei cha bao. Râh paduapathi ta, Roryhrapa ta a y hapa ryuto râhzy rai awpa ta, Biehrai phopi châta cha tao na ta, ei cha rao.

ISAI 56:7

Ei tlâh pathaihpa lâ a chhi aw ei na ta, Ei thlahchhâna o liata thaphapa ta ei paysa aw ei; Ama raopa hlânazy nata amâ theihnazy cha, Ei maisâh liata ei pyh aw. Ei o cha phopi zydua châta Thlahchhana o tahpa a châ aw.”

ISAI 60:21

Na phopi cha ama zydua ta mosiapa châ khai aw ei ta, Râh cha tlyzaw ta ama hnei aw. Palyupalihpa ta ei y thei nawpa ta, Âmo cha chhyh thao awpa ta loh ei na ta, Ei ku raihriazy ama châ.

ISAI 65:11

“Nâmo, Abeipa siesaipa ta, Ei tlâh pathaihpa my ei chi ta, Vâphana châta tlâhkhai a chhuahdypa ta, Tovyuh châta nyu liata Kresawhti ropahâhpa a patlai tyhpazy deikua cha,

ISAI 65:25

Changie nata mietakutaw zy Hmaohkha ta ama tlaih aw; Chakeibarôhneipa cha, Viahchao tôhpa hawhta sâhkô bâ aw ta, Dohlei cha parih pati a châ aw. Ei tlâh pathaihpa liata cha, A pasasa khao leipa aw ei ta, A parao khao aw veih ei,” Abeipa ta a tah.

ISAI 65:9

Zakaw tawhta chipathlazy papua aw na ta, Zudâh tawhta ei tlâhzy a to awpa ei papua aw. Ei tlyhpazy ta tlâhzy cha to aw ei ta, Nâ chakaotuhpazy ta cha liata ama pahrâ aw.

ISAI 66:20

Nama unawhpa zydua cha, Abeipa lâta hmohlâpa châta râh to tawhta a vaw chhi aw ei ta, arâzy, talailihzy, asynazy, sabaituzy, râraoseihpazy kiapa ta ei tlâh pathaihpa Zerusale lâ amâ vaw chhi aw,” Abeipa ta a tah. “Izarei sawzy ta hmobaoh pathaihpa ta Abeipa o lâ niepa hlâna ama vaw cheipa hawhta, nama unawhzy cha Abeipa lâta hmohlâpa châta amâ vaw chhi aw.

ZEREMIAH 2:28

Na khazohzy kha khataih liata ama y haw? Nâ ta nâ taopa khazohzy kha khataih liata ma ama y haw? Na nôpona daihti liata ama cha pachha thei awpa khiahta cha, Thyu bao ei sa; Hy Zudâh, Zudâh khihpi hluhpa zie ta vei ma Na khazohzy ama hluh vei?

ZEREMIAH 22:20

“Lebanaw lâ khypa ta awh la, Bâsanâ liata na ao papua la, Abari tawhta awh teh, Na kyhpachâpa zydua pahleipadiapa ama châ khai ha hih.

ZEREMIAH 22:22

Thlih ta na mietaku vaituhpa zydua vaih aw ta, Na kyhpachâpazy sei ta ama sie aw; Nâ chhao na moleina zydua vâta, Nozapa nata nohzaopa ta na y aw.

ZEREMIAH 30:14

Na kyhpachâpazy ta cha my khai ha ei ta, Cha pachâ khao veih ei; Na thaileichâna lai tu ha ta, Na moleina a hluh tupa vâta, Chariah tu ta cha tu na ta, Zawngiahna a hnei leipa khakhaipa hawhta ei cha hrie.

EZEKIA 20:40

“Izarei pathla zydua ta, ama zydua tlai ta, Izarei râh liata ei tlâh pathaihpa, Izarei tlâh sâhpa liata na chakao aw ei ta, cha liata âmo ei ly aw ei. Cha liata, nama thyunazy, nama hmohlâpa pha chaipazy nata nama atheihna pathaihpazy ei châ hnaw aw ei.

HÔSIA 13:3

Chavâta mydi ameih hawhta châ aw ei ta, My diati thlai ta a paipa hawhta ama châ aw. Sawhri tawhta sâh sihpa zie pathlahpa hawhta châ aw ei ta, Opy tawhta meikhuh a puapa hawhta ama châ aw.

ZÔELA 3:17

“Chatanachata kei he ei tlâh pathaihpa Zaio liata a pahrâpa, Abeipa nama Khazohpa ei châ tahpa nama pahno aw. Zerusale cha khihpi pathaihpa châ aw ta, Chihropazy ta chapia heih khao aw veih ei.

ZEKARIA 7:13

“Aw ei na ta châhrasala nathlie khoh veih ei. Chavâta na aw ei ta, kei chhao ta nathlie veih ei na.

RYUREITUHPAZY 10:14

Vawh u la, namâ tlyhpa khazohzy cha va pado teh u. Âmo chata nama nôpona daihtizy liata cha pachha mawh ei sy,” tah ta.