ISAI 57:11 - Mara Bible RV (BSI)

¹¹ Ahy ma chi chi ta, Ahy nâ ngiarohpa vâta ma, Haipa bie reih chi ta; Kei nâ thei khao leipa chi ta, Na palôh liata eina so khao vei chi tly? A chalih thlâh ha na ta, Bohpi ei chalih thlâh hapa vâta, Eina chi leipa chi châ vei ma?

ISAI 57:11 ပူးပေါင်းရင်းမြစ်များ

HLAZY 50:21

Cha hmozy cha tao chi ta, Châhrasala a chalih thlâh ha na ta, Nâma hawhpa khiah ma ei châ eina tah chi. Châhrasala tahmâ cha, cha ra aw na ta, Hmiadaisâ ta ei cha leih bâ aw.

HLAZY 78:36

Châhrasala ama pakah ta papyupahly pakhei ei ta, Ama paleih ta haipa bie ama rei thlu tyh.

BIESOZY 29:25

Chyhsapa cha a china ta anosasy khoheih a chôkhâh ta, Abeipa a ngâtuhpa deikua cha â boh aw.

BIECHHOTUHPA 8:11

Moleina hmo a taopazy cha thlai ta hriepa ama châ leipa vâta, chyhsa sawzy palôh cha moleina kyh liata a riah a pha tlamaw tyh.

ISAI 26:10

Moleipa cha khokheipa a châ khiahta cha, Siana a chu beih aw vei; Adona râh liata avyuhna tao pyly aw ta, Abeipa rônahna hmô hlei aw vei.

ISAI 30:9

Phopi chhorupa châ ei ta, Saw haihthaipa, Abeipa pachuna bie a thei khoh leipa sawzy ama châ.

ISAI 42:14

Bohpi a vaw chalih ha na ta, A thlih thlâh hapa ta maoh ei oh lylia. Tahmâ deikua cha, Chanô sawzeihpa hawhta awh aw na ta, Huchahâpa nata huhiahpa ta ei y bâ aw.

ISAI 44:20

Cha hawhpa chyhsa cha, Buchâh a niepa châ ta; Palôh sie chheipa chyhsa ta A pasiechheisa hapa a châ. Anosasyh ta a pachha thei leipa ta, “Ei ku chachâh lâta haipa bie a y ma?” A tah thei awpa duahmo liata a duah hra vei.

ISAI 47:7

“Abeinô ei châ kôzaw aw,” tah chi ta, Cha hmozy cha na palôh liata soh beih leipa chi ta, Ama chhâ nawpazie chhao pachâ va chi.

ZEREMIAH 2:32

Laihsa kôpa ta a sôh nata thih atobinazy a my aw ma? Myuh ta a myuh chysia a my thei aw ma? Ei phopi deikua cha na my ha ei ta, Noh rei tiah lei eina my ha ei.

ZEREMIAH 3:21

Izarei sawzy cha ama lâpi pavia ei ta, Abeipa ama Khazohpa ama my hapa vâta, Awphy tlâh lakizy liata ao theipa châ ta, Izarei sawzy chana nata ahawna aozy theipa a châ.

ZEREMIAH 38:19

Bei Zedekia ta Zeremiah hnohta, “Kaldia mo ta âmo a bai hapa Zu chyhsazy ku liata na hlâ aw ei ta, Zu chyhsazy ta nôchhie kawpa ta eina taola aw ei, tahpa ei chipa vâta a châ,” tah ta.

ZEREMIAH 41:18

Nethaniah sawchapawpa Ismela ta Babylaw bei ta râhvaotuhpa ta a taopa Ahi­ka sawchapawpa Kedaliah a thie hapa vâta, Kaldia mo chi ei ta, Izi râh lâ sie amâ chhuahpa a châ.

ZEREMIAH 42:20

Nâmo tlai ta, ‘Abeipa eima Khazohpa lâ thlah miah chhâpa la, Abeipa eima Khazohpa ta a reipa maih miah chho la, eima tao aw,’ tahpa ta Abeipa nama Khazohpa lâ na tuah ei chi ta, châhrasala dôveina nama palôh liata a ypa tlao a vaw châ.

EZEKIA 13:22

Chyhsa siapa cha, kei ta a pachâ ei parôhsa leipa chhao ta, haipa bie ta a palôh pasasa ei chi ta, moleipa ku thapatlôpa ta, a hrona pachha nawpa ta lâpi pha leipa â heihsai awpa a byuh leizie nama chhopa vâta,

HÔSIA 11:12

Epharai ta haipa bie ta na chadô ta, Izarei chhôhkha ta dôveina ta eina chadô ei. Zudâh deikua cha, Khazohpa nata charei khoh ta, Pathaihpa chô liata ngâchhihpa ta a y.

MATHAI 25:25

Chavâta chi na ta, sie na ta, na talent kha alei liata ei nyu haw. Moh teh, na eih ualua ta na hmô heih hih,’ tah ta.

HMOTAOPAZY 5:3

Pity ta, “Anania, Thlahpa Pathaihpa dô awpa nata râh zuana ty phih bâ awpa ta, khazia Sâtâ ta na palôh a pabie?

2 THYSALAWNIKA 2:9

Ryhpa paraotuhpa cha, hmotaotheina to nata ngiana nata hmonoâhpa ta dôveina to hmâpa ta, Sâtâ hmotaotheina chhaota â vy aw.

1 TIMAWTHY 4:2

Cha hawhpa pachunazy cha phapakheipa haihthaipazy tawhta vaw pua ta, ama chhie nata pha pahnona cha thua sahpa ta pakâ hapa hawhta a châ.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.