ISAI 57:10 - Mara Bible RV (BSI)

¹⁰ Na siena lâpi pasipa vâta, Na tha chhâ kaw hra sala, “Hnabeiseihna rai y vei,” Tah va chi; Thatlôna thiehpa hmô chi ta, Chavâta panao va chi.

ISAI 57:10 ပူးပေါင်းရင်းမြစ်များ

ISAI 47:13

Ryhraona tao awpa na hnei hluhpa vâta, Na rie a thei kaw khawh; Avâ liata hmozy a pahrua thaipazy cha a vaw duah ei sala, Awhsi a moh thaipazy a vaw duah hra ei sala, Thlâpâ diehpa moh ta, Na chô liata hmo a tlô awpa châ chho tyhpazy chhao, A vaw duah ei sala, Cha pachha mawh ei sy.

ZEREMIAH 18:12

“Châhrasala âmo ta, ‘Cha cha phahnaina hnei vei! Keimo pachâpa hawhta y aw pi ta, chyhsa to keimo palôh chhorupa moleina hawhta eima tao aw,’ ama tah haw.

ZEREMIAH 2:25

Phei ruapa ta na y awpa pasaih leipa la, Na rao a hi awpa pasaih khah y. Châhrasala, “Hnabeiseihna y khao vei, Chihropazy vâia ha ei na ta, Âmo tlao ei pazi lâlao aw ei,” tah chi ta.

ZEREMIAH 2:36

“Khazia na yzie pananopa ta, Nâ khiekhâ ngâ thlâh haw? Asuria ta maophyuhpa ta a cha sopa hawhna khata, Izi ta maophyuhpa ta a cha soh aw.

ZEREMIAH 3:3

Chavâta vâsua pakhâpa châ ta, Châhvâ avâ suah khao vei. Chatanachôta âzuahnô hmia phaoh chy chi ta, Nozana châh chhao pahno va chi.

ZEREMIAH 5:3

Hy Abeipa, ngâchhihna vei ma na mo ta a tlua tyh vei? Âmo cha tu chi ta, Châhrasala pasa a pahno hlei leipa ei ta, Âmo cha palâ chi ta, Châhrasala chhoreina a pyh khoh hlei veih ei. Ama hmia alô hlâta pachâsa via ei ta, Ro khoh veih ei.

ZEREMIAH 9:5

Chyhsa to ama vaih dôvei ei ta, Biedopa a reihpa y veih ei. Ama paleih cha haipa bie rei nawpa ta pachu ei ta, Moleina taopa ta âmosasyh ta ama rie amâ pathei tyh.

EZEKIA 24:12

Cha hawhta taopa chhao ta, a upa cha sia hlei leipa ta, mei chhao ta pasia thei vei.

HABAKU 2:13

Moh tua u, phopizy ta mei ta a kâ thlâh ha awpa châta hriapasa ei ta, Râhzy ta hraoleipa liata âmosasyh ama rie amâ pathei; Cha cha Pheisaihzy Abeipa taopa châ vei ma?

RAWMA 7:9

Eikhano kha ryhpa hnei leipa ta hroh na ta, châhrasala biepiepa a vaw y nahta, moleina a vaw hra ta, kei cha ei thi haw.