ISAI 56:7 - Mara Bible RV (BSI)

⁷ Ei tlâh pathaihpa lâ a chhi aw ei na ta, Ei thlahchhâna o liata thaphapa ta ei paysa aw ei; Ama raopa hlânazy nata amâ theihnazy cha, Ei maisâh liata ei pyh aw. Ei o cha phopi zydua châta Thlahchhana o tahpa a châ aw.”

ISAI 56:7 ပူးပေါင်းရင်းမြစ်များ

1 ABEIZY 8:41

“Cha hawhna hra chata, chihropa chyhsa, na phopi Izarei saw a châ leipa chhao na moh vâta râh hlapi tawhta â vy aw.

HLAZY 2:6

“Ei tlâh pathaihpa Zaio tlâh liata, Ei Beipa ei patyusa haw,” a tah aw.

PUASAINA 28:38

Cha cha Arawna khi liata y aw ta, Izarei sawzy ta ama hmopiepa pathaihpa châta ama hlâ awpa hmo pathaihpazy liata moleina a ypazy cha, Arawna ta phaoh khai aw ta, Abeipa hmiakô liata a ly tlâh ama châ thei nawpa ta, Arawna khi liata khâ a y thlâh ha awpa a châ.

ISAI 11:9

Ei tlâh pathaihpa liata cha, Apasasana rai y khao leipa aw ta, Aparaona chhao y khao aw vei. Tilaipi cha tizy ta a biepa hawhta, Leilô he Abeipa pahnona ta a bie khai aw.

ISAI 19:19

Cha noh liata, Izi râh liah khophie liata Abeipa châta maisâh y aw ta, a râhri liata Abeipa châta lôbô a y aw.

ISAI 19:21

Cha noh liata, Abeipa ta Izi mo cha a pahnosa aw ta, Izi mo ta Abeipa cha ama pahno aw. Atheihna nata hmohlâpa ta Abeipa cha a chhypa ta, Abeipa liata bie a taih aw ei ta, ama bietaizy ama patlô aw.

ISAI 25:6

He tlâh liana heta, Pheisaihzy Abeipa ta phopi zydua châta kyhchhi a tao aw; Pati pahâhpa to niena kyhchhi châ aw ta, Kresawhti hlôpa dona kyhchhi a châ aw; Sa rupa lathli bawna kyhchhi châ aw ta, Kresawhti suapa dona kyhchhi a châ aw.

ISAI 56:5

Sawchapawzy nata sawchanôzy hlâta pha viapa ei pie aw ei; Atheithlâhna hmo nata moh phana zy Ei o chhôh liata pie aw ei na ta, Ei thokhyzy chhôh liata ei pie aw ei. Tlyzaw ta a y awpa moh pie aw ei na ta, Ama moh lei khao aw vei.

ISAI 57:13

Baona hiapa ta na aw tita, Nothlahpa na sopakhypazy ta Cha pachha mawh ei sy. Châhrasala âmo cha thlih ta cheih aw ei ta, Ei kha hu sopa ta a phaoh pathlah khai aw ei. Keima nâ chhaipa deikua cha râh ryu to aw ta, Ei tlâh pathaihpa ryu a to aw.

ISAI 60:11

Râhzy tawhta sôh nata thihzy vaw phaoh ei sala, Ama beizy ta hmia amâ vaw sah thei nawpa ta, Na thokhy ochhizy cha, Khâ pahypa châ bâ aw ta, Chhô nah zâ ta khaw khao aw veih ei.

ISAI 60:7

Kedâ mietaku zawzy nâ lâ a vaw hmaoh aw ei ta, Nebaiô mietaku tôhpazy ­ta ama cha chakao aw. Ei maisâh liata hlâ awpa châta a pyh tlâhpa châ aw ei ta, Ei o rônahpa cha ei parônahsa via rili aw.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ISAI 65:11

“Nâmo, Abeipa siesaipa ta, Ei tlâh pathaihpa my ei chi ta, Vâphana châta tlâhkhai a chhuahdypa ta, Tovyuh châta nyu liata Kresawhti ropahâhpa a patlai tyhpazy deikua cha,

ISAI 65:25

Changie nata mietakutaw zy Hmaohkha ta ama tlaih aw; Chakeibarôhneipa cha, Viahchao tôhpa hawhta sâhkô bâ aw ta, Dohlei cha parih pati a châ aw. Ei tlâh pathaihpa liata cha, A pasasa khao leipa aw ei ta, A parao khao aw veih ei,” Abeipa ta a tah.

ZEREMIAH 7:11

He keima moh tlai ta bipa o he, parutuhpazy lôpu hawhta ma nama mo liata a y haw? Pachâ teh u, cha cha keima tlai ta ei hmô haw, Abeipa ta a tah.

EZEKIA 20:40

“Izarei pathla zydua ta, ama zydua tlai ta, Izarei râh liata ei tlâh pathaihpa, Izarei tlâh sâhpa liata na chakao aw ei ta, cha liata âmo ei ly aw ei. Cha liata, nama thyunazy, nama hmohlâpa pha chaipazy nata nama atheihna pathaihpazy ei châ hnaw aw ei.

EZEKIA 47:22

Râh cha Izarei sawzy ta nama ryuto râh ta a rai aw ei chi ta, nama hry liata chihropa a pahrâpa, nama hry liata saw a hnei hapazy chhao nama rai hra aw. Âmo cha Izarei saw ta a pihpa hawhta châ aw ei ta, Izarei chizy hry liata, nâmo hawhta ryuto râh ama hnei hra awpa a châ.

ZÔELA 3:17

“Chatanachata kei he ei tlâh pathaihpa Zaio liata a pahrâpa, Abeipa nama Khazohpa ei châ tahpa nama pahno aw. Zerusale cha khihpi pathaihpa châ aw ta, Chihropazy ta chapia heih khao aw veih ei.

ZEKARIA 8:3

Abeipa ta hetana heta a tah: Zaio lâ kua aw na ta, Zerusale liah liata ei pahrâ aw. Chatanachata Zerusale cha Khihpi Ngâchhihpa tahpa ta bipa châ aw ta, Pheisaihzy Abeipa tlâh cha Tlâh Pathaihpa tahpa a châ aw.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

MATHAI 21:13

Ama hnohta, “‘Ei o cha thlahchhâna o tahpa a châ aw’ tahpa ta ropa châ ta, nâmo deikua ta parutuhpazy lôpu ta nama tao haw,” tah ta.

MÂKA 11:17

Âmo cha pachu ta, ama hnohta, “‘Ei o cha phopi zydua châta thlahchhâna o ama bi aw,’ tahpa ta ropa châ vei ma? Nâmo deikua ta cha, parutuhpazy lôpu ta nama tao ha he zaw,” tah ta.

LUKA 19:46

ama hnohta, “‘Ei o cha thlahchhâna o a châ aw,’ tahpa ropa châ ta, nâmo deikua ta cha hraotuhpazy lôpu ta tlao nama tao haw,” tah ta.

RAWMA 12:1

Chavâta unawh saih u, Khazohpa ngiachhiena vâta, atheihna hrohpa nata pathaihpa nata a pyh tlâh châ awpa ta, nama pôhpa cha Khazohpa lâ hlâ awpa ta ei châ haw ei. Cha cha thlahpa ta Khazohpa namâ chhynazie awpa a châ.

1 TIMAWTHY 2:8

Chapawzy cha su to liata ku pathaihpa avâ lâ pazawhpa ta, hiehâh leipa nata a eichhia leipa ta thlah ama chhâ tyh awpa ei khoh.

HEBRAI 12:22

Nâmo deikua la, Zaio Tlâh, Khazohpa hrohpa khihpi, vâ Zerusale, vâlyuhchâpa rei tiah leizy alyna pakhypi su lâ namâ vy hih.

HEBRAI 13:15

Chatanachata ano zawhzi ta reithaina atheihna cha Khazohpa hnohta khâ hlâ suh vy. Cha cha a moh achâhkheina hmaozy theilâpa a châ.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.