ISAI 56:6 - Mara Bible RV (BSI)

⁶ “Abeipa chakaopa ta a moh pasô ta, A chakaotuhpa châ awpa ta Abeipa a pazao ta, Pahânoh papuapalei leipa ta a phapa ta chay ta, Ei biehrai khâchâ â patupa ta, Abeipa a pazaopa chihropazy cha,

ISAI 56:6 ပူးပေါင်းရင်းမြစ်များ

1 ABEIZY 8:41

“Cha hawhna hra chata, chihropa chyhsa, na phopi Izarei saw a châ leipa chhao na moh vâta râh hlapi tawhta â vy aw.

ISAI 14:1

Abeipa ta Zakaw ngiachhiepa ta, Izarei a tlyh heih aw ta, ama râh tlai liata a paysa heih aw ei. Chihropazy ta âmo cha a bai aw ei ta, Zakaw pathlazy cha amâ pazao aw.

ISAI 44:5

Chyhsa pakha ta, ‘Abeipa eih ei châ,’ tah aw ta, Chyhsa hropa ta Zakaw moh a bi aw ta, Mohropa ta a ku liata ‘Abeipa eih,’ tahpa ropa ta, Anosasyh ta Izarei moh â bi aw.”

ISAI 58:13

“Na phei ta Pahânoh parao leipa sala, Ei noh pathaihpa noh ta na rai hria khah y; Pahânoh cha hmo lychhihpa tah la, Abeipa noh pathaihpa cha, Noh zachhihpa tahpa ta palyupalih mah y; Nâma lâpi a chhih leipa la, Na khopa tao leipa la, Bie reih chakhyh khah y.

ISAI 60:10

Chihropazy ta na thokhyzy paduapathi aw ei ta, Ama beizy ta ama cha chakao aw. Ei hiehâhpa ta cha tu ei na ta, Châhrasala ei khokheina ta ei cha ngiachhie heih ei.

ISAI 61:5

Hmia pahno leipazy ta nama sahroh zawzy a duapâ aw ei ta, Ama lao ama pabâsa aw; Chihropazy ta nama leizy palie aw ei ta, Nama kre sadôzy ama mohôh aw.

ISAI 61:6

Nâmo deikua cha, Abeipa theihthaipazy tahpa châ aw ei chi ta, Eima Khazohpa chakaotuhpazy ama cha tah aw. Râh hropazy hneirôna nie aw ei chi ta, Ama rônahna namâ palaikhei aw.

ZEREMIAH 50:5

“Zaio lâpi hiahri aw ei ta, Zaio lâ hmiachhypa ta, ‘A vy teh u, Chhâzaw biehrai my khao lei awpa tao sih la, Abeipa cha a zao ei suh u,’ ama tah aw.

EZEKIA 20:13

“Châhrasala Izarei pathlazy cha râhchawhpa liana khata na chakhia ei ta, chyhsapa ta zyh sala a hro nawpa ta ei piepa ei bieraopazy a chhih leipa ei ta, ei ryhpazy dythapa ta, ei Pahânohzy thata ama papuapalei. Chavâta râhchawhpa liata pamua ha awpa ei ta, ei pathiiana ama chô liata lei thlu a chhuah na ta.

EZEKIA 47:22

Râh cha Izarei sawzy ta nama ryuto râh ta a rai aw ei chi ta, nama hry liata chihropa a pahrâpa, nama hry liata saw a hnei hapazy chhao nama rai hra aw. Âmo cha Izarei saw ta a pihpa hawhta châ aw ei ta, Izarei chizy hry liata, nâmo hawhta ryuto râh ama hnei hra awpa a châ.

ZEKARIA 6:15

“Lâhlapi liata a ypazy a vy aw ei ta, Abeipa Achhyna o sana liata amâ hlao hra aw. Chatanachata Pheisaihzy Abeipa ta nama hnohta eina tuah tlai tahpa nama pahno aw. Abeipa nama Khazohpa bie pakhâta ta nama zyh khiahta la, he hmozy he a vaw tlô aw,” tah ta.

HMOTAOPAZY 11:23

Bânabâ cha Antiôkâ tlô ta, Khazohpa ngiachhiena raihria a hmô nahta, a ly ngaita ta, achhuahna a ipa hneipa ta, Abeipa châta ngâchhih awpa ta âmo cha pasyu ta.

HMOTAOPAZY 2:41

A bie a zyhpa maihta bâti châ ei ta, cha noh liata chyhsa sâh thôh rachhôh baichhapa ama châ.

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

1 KAWRINI 16:22

Ahy rai Abeipa kyh a pachâ leipa cha chhiesapa ta y mawh sy. Mârânâthâ! Eima Beipa, a vy mah y!

2 KAWRINI 8:5

Cha chhao cha eima pangiasa leipa hawhta ama tao. Abeipa liata âmosasyh a hlâ tua ei ta, cha khai tawhta, Khazohpa khozie hawhta keimo liata miah amâ ngiarih.

KALATIA 5:6

Krista Zisu liata la, chopawtaipa tlyma, chopawtaileipa tlyma, phahnaina hnei veih ei. Kyhpachâna ta rai a hriapa ngiapâna dei he a phahnai.

EPHESI 6:24

Kyhpachâna dia beih leipa ta eima Beipa Zisu Krista kyh pachâtuhpa zydua hnohta ngiachhiena y mawh sy.

ZÂMIE 1:12

Pasiana liata â ipa ta a duahpa cha a nohlao na. Pasiana a pahnie tita, Khazohpa ta ano kyh a pachâtuhpazy hnohta bie â taihpa hrona lakho a to aw.

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?

BIEPHUAH 1:10

Abeipa noh liata Thlahpa ta vaw y na ta, chatawhcha ei hnôhky lâta chiahmie pyu hawhta ao paro ngaitapa thei na ta, ao chata,