ISAI 56:4 - Mara Bible RV (BSI)

⁴ Abeipa ta hetana heta a tah: “Ei Pahânohzy chay ta, Nâ palysapa hmozy a tlyhpa ta, Ei biehrai khâchâ â patupa hrilyupazy cha,

ISAI 56:4 ပူးပေါင်းရင်းမြစ်များ

2 SAMUELA 23:5

“Ei pathlazy he Khazohpa hmiakô liata paduapa châ veih ei ma? Khazohpa ta chhâzaw biehrai ei hnohta hraih ta, Ato yzie pahneisapa ta a pa-i. Chavâta ei pachhana kih patlô leipa ta ypa ta, Ei khopa na pie leipa ta a y aw ma?

HLAZY 119:111

Na bieraopazy cha kei châta ei chhâzaw ryuto châ ta, Ei palôh alyna a châ.

HLAZY 25:10

A biehrai nata a ryhpa a zyhtuhpazy châta la, Abeipa lâpi zydua cha kyhpachâna nata ngâchhihna sai a châ.

ISAI 27:5

Cha ta a châ vei khiahta cha, Ei thokhy liata a vaw chhai ei sala, Nâ vaw dyh mawh ei sy, Nâ vaw dyh mawh ei sy.”

ISAI 55:3

Nama nah pachôhpa ta kei lâ a vy u la, Nama hro thei nawpa ta ei bie nathlie teh u, Nama hnohta tlyzaw biehrai ei tao aw; Dâvi hnohta bie ei taihpa kha pa-i aw na ta, Ei kyhpachâna ngâchhihpa ei pa-i aw.

ISAI 56:2

Cha hawhta a taopa chyhsa cha, Thlaochhipa ta y aw ta; Chazy khâchâ â patupa chyhsa sawchapawpa cha, Thlaochhipa ta a y aw. Ano cha Pahânoh chaypa ta a papuapalei leipa châ ta, Hmo pha leipa taona tawhta a ku a vaih tyhpa a châ.”

ISAI 56:6

“Abeipa chakaopa ta a moh pasô ta, A chakaotuhpa châ awpa ta Abeipa a pazao ta, Pahânoh papuapalei leipa ta a phapa ta chay ta, Ei biehrai khâchâ â patupa ta, Abeipa a pazaopa chihropazy cha,

ISAI 58:13

“Na phei ta Pahânoh parao leipa sala, Ei noh pathaihpa noh ta na rai hria khah y; Pahânoh cha hmo lychhihpa tah la, Abeipa noh pathaihpa cha, Noh zachhihpa tahpa ta palyupalih mah y; Nâma lâpi a chhih leipa la, Na khopa tao leipa la, Bie reih chakhyh khah y.

ZEREMIAH 50:5

“Zaio lâpi hiahri aw ei ta, Zaio lâ hmiachhypa ta, ‘A vy teh u, Chhâzaw biehrai my khao lei awpa tao sih la, Abeipa cha a zao ei suh u,’ ama tah aw.

LUKA 10:42

Hmo miakha deita a byuh. Mâri ta tovyuh phapa a tlyh ta, cha cha lapa awpa châ vei,” tah ta.

HEBRAI 6:17

Khazohpa ta â chhuahna anano beih leipa cha, bietai ryutotuhpazy hnohta tha via ta a pamosa khoh tita, bietai hmâpa ta a pa-i tyh.

ZAWSUA 24:15

Abeipa chakaopa cha a pha lei awpa hawhta nama pahno khiahta cha, tanoh he ahy ma nama chakao aw, a tlyh teh u. Châ pathlatuhpazy ta Chavah haosâ liata ama chakao tyhpa khazohzy kha ma, nama pahrâ haipa râh Amawri mo khazohzy he ma, a tlyh teh u. Kei nata ei chhôhkha ta la Abeipa eima chakao aw,’” tah ta.