ISAI 56:3 - Mara Bible RV (BSI)

³ Abeipa a pazaopa chihropa ta, “Abeipa ta a phopi nata eina panano thlyu aw,” Tah leipa sala; Hrilyupa ta, “Moh teh u, tho raohpa ei châ hih,” Tah khah sy.

ISAI 56:3 ပူးပေါင်းရင်းမြစ်များ

2 THÂTIHZYRONA 6:32

“Cha hawhna hra chata, na phopi Izarei saw a châ leipa chihropa chyhsa ta, na moh rônahpa nata na ku thatlôpa nata na bâh pazawhpa thâtih a theipa vâta, râh hlapi tawhta a vy sala, he o lâ a heihpa ta thlah a chhâ tita,

ESTHERI 9:27

Zuzy ta âmo chhâ nata ama pathlazy chhâ liata nata âmo a baipa phopi zydua ta, cha noh nozy cha, châ liata ropa hawhta kô chareih daihti raopa liata hmâh lymâ awpa ta â ipa ta bie a taih ei ta.

ISAI 14:1

Abeipa ta Zakaw ngiachhiepa ta, Izarei a tlyh heih aw ta, ama râh tlai liata a paysa heih aw ei. Chihropazy ta âmo cha a bai aw ei ta, Zakaw pathlazy cha amâ pazao aw.

ISAI 39:7

Na sawchapawpa, na chhôh tawhta a pua awpa, nâ ta na sa awpazy tlai chhao siekheipa châ aw ei ta, Babylaw abei o liata hrilyupa ta ama y aw, a tah,” tah ta.

ISAI 56:5

Sawchapawzy nata sawchanôzy hlâta pha viapa ei pie aw ei; Atheithlâhna hmo nata moh phana zy Ei o chhôh liata pie aw ei na ta, Ei thokhyzy chhôh liata ei pie aw ei. Tlyzaw ta a y awpa moh pie aw ei na ta, Ama moh lei khao aw vei.

ISAI 56:6

“Abeipa chakaopa ta a moh pasô ta, A chakaotuhpa châ awpa ta Abeipa a pazao ta, Pahânoh papuapalei leipa ta a phapa ta chay ta, Ei biehrai khâchâ â patupa ta, Abeipa a pazaopa chihropazy cha,

ZEREMIAH 50:5

“Zaio lâpi hiahri aw ei ta, Zaio lâ hmiachhypa ta, ‘A vy teh u, Chhâzaw biehrai my khao lei awpa tao sih la, Abeipa cha a zao ei suh u,’ ama tah aw.

THEIHTHAINA 21:20

zôh kopa, heih a kho leipa mataw tupa, mo liata adoleina a hneipa, hmahchaku a hneipa, thachhâpa nata tihmô keipazy cha, ama Khazohpa viahchhâ hlâ awpa ta amâ hnia awpa châ vei.

THEIHTHAINA 25:45

Nama hry liata a pahrâpa chihropazy nata nama râh liata a pihpa ama chiheihzy hry tawhta chhao chalei thei aw chi ta, âmo cha na hmohneipa ama châ aw.

ZEPHANIA 2:11

Abeipa cha âmo châta chi a chhih ngaita aw ta, Lei khazoh zydua cha, Nodi dâhphipa ta a soh khai aw ei. Phopi to ta ama râh chyu liata A hmiakô liata amâ bôh aw.

MALUHREINA 18:4

Chakaona rai na hriana liata a hlao hra aw ei ta, ahmaohna poh o mohôhna rai ama hria aw. Poh o rai zydua âmo hria awpa châ ta, chihropazy ta ama châ hnia awpa châ vei.

MALUHREINA 18:7

Nâ nata na hnohta a ypa na sawchapawzy ta maisâh nata pohraipa chhôh liata theihthaina rai hria awpa zydua hria thei aw ei chi ta, nama chakao aw. Theihthaipa chakaona raihria cha, hmosaipiepa ta nama hnohta cha pie ei na ta, chihropa a vaw hniapa maih cha thie awpa ama châ,” tah ta.

HMOTAOPAZY 10:34

Pity cha bie reih ta, “Khazohpa ta chyhsa khokhei eihpa a hnei leizie a siapa ta ei pahno haw.

HMOTAOPAZY 17:4

Chatanachata ama hry liata thokha cha pahniepa châ ei ta, Pawla nata Sila cha a pahlao ha ei ta, Khazohpa a pachâpa Krikâh chyhsa hluhpi nata chanô zachhihpa hluhpi chhao ta a ngiapâ ha ei ta.

HMOTAOPAZY 18:7

Cha tawhtapa cha pua ta, Titu Zustâ ama tahpa, Khazohpa a chhy tyhpa o liata a ngia ta. A o chhao pakhyna o kiapâh liata a ypa a châ.

RAWMA 15:16

Khazohpa thâtihpha châta theihthaina chakaona raihria liata, Zenitaizy hry liata Krista Zisu chakaotuhpa châta raopa ei châ. Chatanachata Zenitaizy hmohlâpa cha Thlahpa Pathaihpa ta pathaisa aw ta, a pyh tlâh a châ aw.

1 KAWRINI 6:17

Abeipa a pazaopa deikua cha, ano nata Thlahpa miakha ama châ.

EPHESI 2:12

Kha nona kha, Krista a hlao leipa ta y ei chi ta, Izarei râh nata a maniahpa ta, bietai biehraizy liata khichhaipa châpa ta, hnabeiseihna hnei leipa nata Khazohpa hnei leipa ta khizaw liata nama y.

EPHESI 2:22

Ano liana chata nâmo chhao Khazohpa pahrâ nawpa ta paryh pakhypa châ ei chi ta, cha liata Khazohpa cha Thlahpa ta a pahrâ.

RYHPACHANEINA 23:9

“Nama chariahzy a dyuh awpa ta riehmo nama paryh tita, hmo pathaih leipa to tawhta namâ panano awpa a châ.

1 PITY 1:1

Zisu Krista lyuhchâpa Pity ta Pawntu, Kalatia, Kâpadôkia, Asia nata Bithunia râhzy liata paipatlapa ta a ypa atlyhpa sahlao,