ISAI 56:12 - Mara Bible RV (BSI)

¹² “A vy teh u, kresawhti vaw cheih aw na ta, Sahma ta a pabie tua ei si; Mylâ chhao tanoh hawhna heta a châ heih aw, He hlâ chhao ta hmah a pha via syulyu aw,” Ama tah tyh.

ISAI 56:12 ပူးပေါင်းရင်းမြစ်များ

ZAWBÂ 24:23

Abohpa hawhta a pachâpa ta a pahâsa chypa chhao ei ta, Khazohpa mo ta ama lâpizy a tawpâ lymâ.

HLAZY 10:6

A palôh liata, “A chalyu beih aw va na, Chhâ zydua ta chhiena a tyh aw va na,” tah ta.

BIESOZY 20:1

Kresawhti cha pahneisaotuhpa châ ta, Sahma cha tu a thyupa a châ; Chazy ta a dôvei theipa chyhsazy cha asopa châ veih ei.

BIESOZY 23:35

“Na tu ei ta, pasa leipa na ta, Na chhei ei ta, pahno va na. Ei kaw hrapa nahta, Ei doh heih aw,” A tahpa na châ pathlei aw na.

BIESOZY 27:1

Mylâ ta hmo a vaw y awpa a palaikhei khah y, Cha noh chata khâpa ma a vaw tlôkhei aw tahpa pahno tlôh chi va.

BIECHHOTUHPA 2:24

Chyhsapa châta, niepa ta doh ta, a hriapasana liata alyna hneipa hlâta a pha viapa y vei. Cha chhao cha Khazohpa tawhta a châ tahpa ei hmô haw.

ISAI 5:11

Mydi kari ta thyupa ta sahma do awpa ta a râ ei ta, Zâcho taihta kresawhti paripa ta a ypazy cha Ama hu a po na!

ISAI 5:12

Ama kyhchhizy liata kresawhti doh ei ta, Totâ, tlaipih, paotlâ nata siaramo zy tôpa ta a ly ei ta, Abeipa hmotaopazy deikua cha pachâ veih ei, A ku raihriazy chhao hmô veih ei.

ISAI 5:22

Kresawhti dona liata ama riahpha kaw ta, Sahma thatlôpa pahlaona liata pasaipha kawpazy cha, Ama hu a po na!

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

HÔSIA 4:11

Sihryhna nata kresawhti a ly ei ta, Kresawhti thiehpazy amâ ly; Chazy chata ama pahnona a pahlei lymâ.

AMÔSÂ 4:1

“Nâmo, Samâri tlâhpi liata Bâsanâ viahchao panôzy saih u, He bie he nathlie teh u; Nâmo, dyhchhiepazy tlybai ei chi ta, Phahlapazy chanaohpa ta, Nama vahpazy hnohta, ‘Do awpa vaw cheih la, Doh ei suh u,’ A tahtuhpazy saih u, He bie he thei teh u!

NÂHU 1:10

Ahloh buh a chaviapa hawhta châ ei ta, Sahma doh ta a paripa ama lyu; Sâhkô raohpa hawhta pakâ khaipa ama châ.

LUKA 21:34

“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.

1 KAWRINI 15:32

Chyhsapa lâ tawhta reipa ta la, Ephesi khih liata sahrâhpazy nata eimâ tupa kha, ei châta khâpa a phahnai aw? Athihpazy pathyupa ama châ vei khiahta cha, “Mylâ thi tlôh aw pi ta, Chavâta nie sih la, doh suh u.”

TITU 1:7

Awnanopa chhituhpa cha Khazohpa sôh mokhâhtuhpa a châpa vâta, seina hnei leipa a châ awpa a châ. Chyhsa apalaipa, pathichhiepa, kresawhti pari hmâhpa, thachahra a hmâhpa nata avyuhna ta athôhna a tluapa a châ awpa châ vei.