ISAI 56:1 - Mara Bible RV (BSI)

¹ Abeipa ta hetana heta a tah: “Ei pachhana vaw tlô daihmâ ha ta, Ei siana â vaw lâ patoh awpa vâta, Adona zyh u la, Siana tao teh u.

ISAI 56:1 ပူးပေါင်းရင်းမြစ်များ

HLAZY 106:3

Adona a duakheipazy cha nohlao ei ta, Khatino rai ta a siapa ta hmo a taopazy ama nohlao tyh.

HLAZY 50:23

Alyna bierei atheihna hlâtuhpa ta na parônahsa ta, A yzie â dopa ta a vaotuhpa hnohta, Khazohpa pachhana ei pahmô aw.”

HLAZY 85:9

Eima râh liata rônahna a pahrâ thei nawpa ta, A pachhana ta ano a chituhpazy â vaw hnia.

ISAI 33:5

Vâ chô sâhpa liata a pahrâpa a châpa vâta, Abeipa cha cheihchalopa ta y ta, Zaio cha adona nata siana ta a pabie aw.

ISAI 46:13

Ei siana vaw pahniasa hai na ta, A hla khao vei; Ei pachhana chhao, Bohpi châ khao aw vei. Zaio liata pachhana patlôsa aw na ta, Izarei liata ei rônahna ei paysa aw.”

ISAI 51:5

Ei siana a vaw hnia ta, Ei pachhana a vaw pua; Ei bâhzy heta phopizy chô liata ryureina dopa a patlôsa aw. Tilaipi kiah râhzy ta na mokhâh aw ei ta, Hnabeiseihpa ta eina hâ aw ei.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ISAI 61:8

Kei, Abeipa he adona pasô na ta, Hraona nata adoleina ei hao. Ama chô liata ei ngâchhihna palâsapa ta, Ama pasataona lymâ pie aw ei na ta, Ama hnohta chhâzaw biehrai ei tao aw.

ISAI 64:5

Nâ cha siana a taotuhpazy A ly kawpa ta a tyh tyhpa châ chi ta, Nâ lâpi a thei thlâh hapazy a tyh tyhpa na châ. Pachâ tua, eima moleina vâta na hiehâh ta, Keimo hra cha eima moleina liata bohpi y pi ta, Kheihta ma pachhapa ta eima y thei rai aw tly?

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

HÔSIA 12:7

Sôhdaohpa ta khopathliahna doleipa hmâh ta, Chyhsa tlybaipa a paphasa kaw.

MIKÂ 6:8

“Hy chyhsapa, Abeipa ta hmo phapa a cha chho haw; Abeipa ta khâpa ma a châ hnaw? Adona taopa ta, Ngâchhihna pasô ta, Nawhna hro hrokheipa ta, Na Khazohpa nata charei khohpa he châ vei ma?”

MIKÂ 7:9

A chô liata ei molei hapa vâta, Ei kyh na reikhei sala, Pachiana eina taopa hlâlei cha, Abeipa ruchhôna ei phaoh aw. Khaihna lâ nâ chhi papua aw ta, A thaipachâsana ei hmô aw.

MALAKHAI 4:4

“Nâ chakaotuhpa Mawsi ryhpa kha a thei u la, Izarei zydua châta Hôribâ tlâh liata ei piepa biepiepazy nata ryhpazy kha a thei teh u.

MATHAI 3:2

“Ro teh u, vârâh khinarâh cha â hnia haw,” tahpa ta bie chho ta.

MATHAI 4:17

Cha daihti tawhta Zisu ta, “Ro teh u, vârâh khinarâh cha â hnia haw,” tahpa ta pachu pathao ta.

MÂKA 1:15

ama hnohta, “A daihti a ki ha ta, Khazohpa khinarâh â hnia haw. Ro u la, thâtihpha a ngiapâ teh u,” tah ta.

ZAWHÂNA 7:17

Ahy rai Khazohpa khopa a tao khohpa a châ khiahta cha, ei bie pachupa he Khazohpa tawhtapa ma, keima tao chhyhpa a reihpa ma ei châ tahpa a pahno aw.

RAWMA 1:17

“Mosiapa cha ngiapâna ta a hroh aw,” tahpa ropa hawhta, thâtihpha liana chata Khazohpa siana a vaw luah ta, cha siana cha âthaona tawhta achhâna taihta ngiapâna vâta a ypa a châ.