ISAI 55:8 - Mara Bible RV (BSI)

⁸ Ei pachâpazy cha, Nama pachâpazy châ leipa ta; Nama hroziezy chhao, Ei hroziezy châ vei,” Abeipa ta a tah.

ISAI 55:8 ပူးပေါင်းရင်းမြစ်များ

2 SAMUELA 7:19

Hy Abeipa Zehôvâh y, chazy chhao cha nâma mohmô liata la hmo chyhpata a châ. Châ chakaotuhpa pathlazy chhichâ nawpa chhao kô hluhpi châta reih ha chi ta, Hy Abeipa Zehôvâh y, cha cha chyhsapa siezie awpa cha a châ.

2 ABEIZY 5:11

Nâmâ cha a hiehâh ngaita ta, sie syulyu ha ta, “Pachâ teh u, kei lâta vaw puapa ta, a vaw duah aw ta, Abeipa a Khazohpa moh pado aw ta, ei phawhna chô liata a ku hiepa ta phawhpa he a patlâh aw khiah ma, tah na ta.

ZAWBÂ 35:5

Ua la, avâzy lâ khi sai tua, Nâ hlâta a sâh viapa meihdozy khi moh tua.

HLAZY 25:10

A biehrai nata a ryhpa a zyhtuhpazy châta la, Abeipa lâpi zydua cha kyhpachâna nata ngâchhihna sai a châ.

HLAZY 33:11

Abeipa ryhraona deikua cha chhâzaw ta a duah ta, A palôh achhuahnazy chhao chhâ zydua ta â duah aw.

HLAZY 40:5

Hy Abeipa, ei Khazohpa, Na hmotao noâhpazy he thata châ ta, Miah na pachânazy he thata a châ kaw dia! Nâma nata pakho tlâh y tlâ veih ei. Chazy cha phuahpa ta ei chhopa chhao ta, Chho khai tiah awpa châ vei.

HLAZY 92:5

Hy Abeipa, na hmotaopazy cha rônah ta, Na pachânazy â thu kaw dia!

BIESOZY 21:8

Thailei a châpa lâpi cha a ko ta, Chyhsa pathaihpa hro deikua cha â do.

BIESOZY 25:3

Avâzy â sâhpa nata alei â thupa hawhta, Abeizy palôh chhao a laichadai theipa châ vei.

ISAI 14:24

Pheisaihzy Abeipa ta, “Ei pachhuahpanohpa hawh tlai ta vaw tlô aw ta, Ei chhuahpa hawhta a vaw tlô aw.

ISAI 53:6

Eima zydua ta mietaku hawhta pavia pi ta, Eima lâpi chyu lâta eima tlei; Eima zydua paraona cha, Abeipa ta ano chô liata a pahnieh haw.

ISAI 58:13

“Na phei ta Pahânoh parao leipa sala, Ei noh pathaihpa noh ta na rai hria khah y; Pahânoh cha hmo lychhihpa tah la, Abeipa noh pathaihpa cha, Noh zachhihpa tahpa ta palyupalih mah y; Nâma lâpi a chhih leipa la, Na khopa tao leipa la, Bie reih chakhyh khah y.

ISAI 65:2

Âmo pachânazy zi ei ta, Lâpi pha leipa a chhihpa chhorupazy lâta Noh y ta ei ku ei pazawh tyh.

ISAI 66:18

“Ama hmotaopazy nata ama pachâpazy ei pahno. Râh to nata reih to ei chhipakhy nawpa daihti a vaw tlô hai. A vy aw ei ta, ei rônahna ama hmô aw.

ZEREMIAH 3:1

“Chyhsa ta a lapinô ma sala, A lapinô cha o tawhta pua ta, Vahpa hropa a hnei ha khiahta cha, A lapinô cha a hnei heih aw ma? Cha hawhta taopa cha, Thata râh papuapaleipa châ aw vei ma? Na khopaw hluhpi liata nâ zuah khai tawhta ma, Kei lâ vaw kua heih nâ chhuah?” Abeipa ta a tah.

EZEKIA 18:29

“Chatanachôta Izarei pathlazy ta, ‘Abeipa lâpi cha a do vei,’ ama tah thlâh ha chy pyly. Hy Izarei pathlazy saih u, ei lâpi cha a do vei ma? Nâmo lâpizy kha adoleipa tlao châ vei ma?

DÂNIAH 4:37

Chavâta tahmâ, kei, Nebukaneza ta avâ Beipa cha reithai na ta, palyupalihpa ta, ei parônahsa. Avâ Beipa cha a hmotaopa zydua a do ta, a lâpizy sia ta, a palaipazy a panawh theipa a châ.

HÔSIA 14:9

“Chyhsa sopa ta He hmozy he a novâh sala, Chyhsa novâhpa ta Pahno thai mawh sy! Abeipa lâpizy cha a do ta, Mosiapazy ta amâ chhih thei; Moleipazy deikua cha, Amâ chapia aw.”

1 SAMUELA 16:7

Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.