Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ISAI 55:2 - Mara Bible RV (BSI)

2 Khazia viahchhâ châta a châ leipa liata Nama sôh pahryuh ei chi ta, Rih bie nawpa a châ leipa liata Nama tha namâ pahryuh? Pakhâta ta na nathlie teh u; Hmo phapa nie u la, Nie pahâhpazy ta nama hro lôhrâ a patlô teh u.

အခန်းကိုကြည့်ပါ။ ကော်ပီ




ISAI 55:2
42 ပူးပေါင်းရင်းမြစ်များ  

Pasataopazy lôhrâtlôpa ta nie aw ei ta, Ano a tluatuhpazy ta Abeipa cha ama reithai aw! Nama palôhzy chhâzaw ta hroh thlâh ha mawh sy!


Sawzy saih u, a vy u la, na nathlie teh u, Abeipa china kyh ei cha pachu aw ei.


Na o liata ativyna zawhzi ta lôhrâtlôpa ta y ei ta, Nâ lyna chavahzy tawhta do awpazy na pie tyh ei.


Sa thawhpa nata nie pahâhpa nie nota lôhrâtlôpa hawhta, Ei hro he nâma liata a lôhrâtlô aw ta, Ei pakah ta thaphana hmao ta a cha reithai aw.


ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.


Ei bie a nathlietuhpa deikua cha â bohpa ta y aw ta, Chhiena chi leipa aw ta, Chhôhmohpa ta a y aw.”


Pavaw ta khoheih liata thlai â chohpa hawhta, Châtai ta a pathi a papyu hlâlei cha, A hmotaopa chata a hrona a pahlei aw tahpa pahno vei.


“Chavâta sawchapawzy saih u, Tahmâ na nathlie teh u: Ei lâpi a chhihpazy cha ama hu â hieh aw.


“A vy la, ei viahchhâ nie la, Ei kresawhti pahlao chiehpa he doh mah y.


Khazohpa ta chyhsa pakha cha hneirôna, sôh nah piah nata zachhihna zy pie ta, a aoh khopa maih a nie thei leipa y vei. Châhrasala a aoh khopazy a nie awpa cha Khazohpa ta pasaih leipa ta, chihropa ta tlao a nie haw. Cha chhao cha hraoleipa châ ta, hmo pha lei ngaitapa a châ.


A phapa nata reingiahpa ta nama y khiahta cha, Râh phana nie aw ei chi ta;


Cha noh liata, Asuria phaohri cha na ngiatlâh tawhta pachhôpa châ aw ta, a raopaky chhao na rao tawhta pahluhpa a châ aw. Na thawhpa vâta a raopaky cha na thlie pachhô aw.”


He tlâh liana heta, Pheisaihzy Abeipa ta phopi zydua châta kyhchhi a tao aw; Pati pahâhpa to niena kyhchhi châ aw ta, Kresawhti hlôpa dona kyhchhi a châ aw; Sa rupa lathli bawna kyhchhi châ aw ta, Kresawhti suapa dona kyhchhi a châ aw.


Cha hawhpa chyhsa cha, Buchâh a niepa châ ta; Palôh sie chheipa chyhsa ta A pasiechheisa hapa a châ. Anosasyh ta a pachha thei leipa ta, “Ei ku chachâh lâta haipa bie a y ma?” A tah thei awpa duahmo liata a duah hra vei.


Sahria tawhta ngôh bôpa ta, Khopathliahna ta tâkâ pathliah ei ta, Ngôh daihtuhpa pahriahlaosapa ta, Ngôh nata tâkâ hmâpa ta khazoh pataosa ei ta, A bôh ei ta amâ chhy.


“Nâmo, siana a chadaituhpazy saih u, Na nathlie u la; Nâmo, Abeipa a tluatuhpazy saih u, Na nathlie teh u. Ama cha khyna lôpanô lâ moh u la, Ama cha chaona alô thih lâ moh teh u.


“Hy ei phopi, ei bie nathlie la, Hy ei râh, kei lâta nah pachôh teh. Keima tawhta ryhpa bie pua aw ta, Phopizy khaihna châta ei ryureina dopa ei padua aw.


“Nâmo, siana a pahnopazy saih u, Na nathlie u la; Ei ryhpa bie palôh liata a vaopazy saih u, Na nathlie teh u. Chyhsa ta ama reipachhiena chi leipa u la, Ama riethlana vâta nama nôpo khah sy.


Abeipa ta a ku chachâh lâta bie a taih ha ta, A bâh thatlôpa ta hetana heta bie â taih haw: “Na sâh cha na chariahpazy nie awpa ta Pie khao leipa aw na ta, Na hriapasana kresawhti cha, Chihropazy ta doh khao aw veih ei.


Sâh hriatuhpazy ta nie aw ei ta, Abeipa ama reithai aw; Kre thei lyutuhpazy ta doh aw ei ta, Ei supathaihpa dôhpachhôh tlyhmia lia tlai ta ama doh aw.”


Hraoleipa ta hriapasa khao leipa aw ei ta, Chhiena a tyh awpa sawzy sa khao aw veih ei. Abeipa byhnâ piepa sawzy châ aw ei ta, Ama pathlazy chhao, Abeipa byhnâ piepa ama châ aw.


Sâh tu ei ta, Ahloh ama hria; Ama rie thata a pathei ei ta, Athôhna y hlei vei. Abeipa hiehâhna ru ngaitapa vâta, Ama kôvei pha leipa cha ama no a za kaw aw.”


“‘Abeipa ta hetana heta a tah: Ei bie nathliepa ta, Pahânoh ta he khihpi thokhy chhikaozy liata hmophao a ngiakhei leipa u la, Pahânoh pathaihsapa ta rai nama hria leipa khiahta cha,


“Ei phopi ta hmo miano ama parao haw: Kei, hrona tihnawh he na siesai ei ta, Âmo châta tikhaoh â chao ei ta, Ti a o thei lei awpa tikhaoh amâ chao.


Theihthaipazy hro cha, Sa thawhpa ta lôhrâpatlôsa aw ei na ta; Ei phopi chhao, Ei phana ta lôhrâtlôpa ta ama y aw,” Abeipa ta a tah.


Epharai cha ziza chahâpa ta, Noh y ta nochhi thlih a chadai ta, Haiphiana nata atudaina ama papôhsa. Asuria nata biehrai tao ei ta, Izi râh lâ sathaw ama paphao tyh.


Ziza chi tu ei ta, Khisô tlao ama hria aw. Sâh kô a suh leipa ta a duah ta, Viahdie papua aw vei. Sâh hria awpa a ypa chhao ta, Chihropazy ta ama nie aw.


Moh tua u, phopizy ta mei ta a kâ thlâh ha awpa châta hriapasa ei ta, Râhzy ta hraoleipa liata âmosasyh ama rie amâ pathei; Cha cha Pheisaihzy Abeipa taopa châ vei ma?


Chyhsapa biepiepazy cha, Biezyhpa hawhta pachu ei ta, Hraoleipa ta einâ chhy ei,’ tahpa ta â do ngaitapa ta a vaw chhochhielie haw,” tah ta


Chakaotuhpa hropazy tuah heih ta, ama hnohta, ‘Hruapazy hnohta kei chho u la, “Kyhchhi cha â mâ haw, ei viahchao tôhpazy nata ei sahroh thawhpazy thie na ta, ato â mâ haw, kialao nie awpa ta a vy teh u,” tahpa ta kei chho teh u,’ tah ta.


“Siana khopa vâta nodi dâhphipazy ama nohlao na, ama aoh a vei awpa vâta.


Chatawhcha zawpizy ano lâ awpakhy heih ta, ama hnohta, “Nama zydua ta ei bie nathlie u la, pahno teh u.


Viahchao taw thawhpa kha kei la u la, thie teh u. Thapha ngaitapa ta nie suh u.


Pati a leilô theipa châta hria leipa u la, chhâzaw hrona taihta a y awpa pati, Chyhsa Sawchapawpa ta a cha pie awpa ei châta tlao hria teh u. Paw Khazohpa ta ano cha chahnao pa-i ha tlôh ta,” tah ta.


Ngiapâna cha theina vâta vaw y ta, theina cha Krista bie vâta a vaw y.


siana ryhpa a chadaituhpa Izarei ta siana to thei vei.


“Chavâta ei biepiepa, tanoh ta ei cha piepazy he ngâchhihpa ta zyh u la, Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta nama chakao khiahta cha,


Pachuna nanopa nata noâhchhihpazy ta paviasapa ta y khuh vy. Palôh he niedo ta thapatlô awpa châ leipa ta, ngiachhiena ta thapatlô awpa tlao a châ. Niedo kyh sai ta a tymâkheipazy châta niedo ta athôhna tlôkhei hlei vei.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ