ISAI 55:12 - Mara Bible RV (BSI)

¹² “Thaphapa ta pua aw ei chi ta, Thlalôhpa ta a chhipa nama châ aw; Tlâhpizy nata tlâhthlôhzy ta Nama hmiakô liata hla sa aw ei ta; Lyurâh thokô zydua ta Ama ku ama chabaih aw.

ISAI 55:12 ပူးပေါင်းရင်းမြစ်များ

HLAZY 105:43

Chavâta a phopi cha a ly ngaitapa ta a chhi papua ta, A chyhsa a tlyhpazy cha hla sana chôta â chhi papua ei.

HLAZY 47:1

Hy phopizy saih u, nama ku chabaih u la, Lyna hla sapa ta Khazohpa lâ awh teh u!

HLAZY 65:12

Râhchawhpa liata sibiepa thata rôh ta, Tlâhthlôhzy cha thaphana ta amâ tobi.

HLAZY 65:13

Sibiepa suzy cha sahroh zaw ta bie ta, Saikaozy sâh ta khu khaipa ta, Hmaohkha ta awh ei ta, Alyna hla ama sa khoh.

HLAZY 69:34

Avâ nata alei ta ano cha reithai sala, Tilaipizy nata a chhôh liata a pie theipa zydua ta, Ano cha reithai mawh ei sy.

ISAI 14:8

Meisah nata Lebanaw sidy thozy ta Ama palôh châ eih ei ta, ‘Panawhpa ta na y rakha tawhta cha, Tho thlutuhpazy ta miah siehnao khao veih ei,’ ama tah.

ISAI 35:10

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

ISAI 44:23

Abeipa ta chatlaina tao ha ta, Chavâta, Hy avâzy saih u, hla sa u la, Hy alei su a thupazy saih u, awh teh u. Hy tlâhpizy saih u, hla paryh u la, Hy râhmâhpa nata a chhôh liata tho to saih u, hla paryh teh u! Abeipa ta Zakaw cha chatlai ha ta, A rônahna Izarei liata a paluahsa haw.

ISAI 48:20

Babylaw tawhta pua u la, Kaldia tawhta a râ teh u; He kyh he hla ta awh u la, A lypa ta phuah teh u; Khizaw kaokih taihta pathâhsa u la, “Abeipa ta a chakaotuhpa Zakaw cha a chatlai haw!” Tahpa ta phuah teh u.

ISAI 49:13

Hy avâzy saih u, thaphapa ta hla sa u la, Hy leilô y, a lypa ta y mah y. Hy tlâhpizy saih u, Lyna hla paryh teh u! Abeipa ta a phopi thlah palôh ha ta, A chyhsa pasa a taopazy a ngiachhie aw ei.

ISAI 51:11

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

ISAI 52:9

Hy Zerusale su rypazy saih u, Hmaohkha ta ly hla paryh teh u, Abeipa ta a phopi thlapalôh ha ta, Zerusale a chatlai haw.

ISAI 54:10

Tlâhpizy ta ama yna su puasaipa ta, Tlâhthlôhzy pasiepa ta ama y thei; Ei ngâchhihna deikua cha, Cha puasai beih leipa aw ta; Ei thlalôhna biehrai chhao, Nâ tawhta pasiepa châ beih aw vei,” Abeipa, châ ngiachhietuhpa ta a tah.

ISAI 54:13

Abeipa ta na saw zydua pachu aw ta, Na sawzy cha ama thlah a lôh ngaita aw.

ZEREMIAH 29:11

Nâmo châta achhuahna ei hneipa ei pahno thlâh haw. Nama chhie nawpa châ leipa ta, nama pha nawpa châta achhuahna hnei na ta, hmialâ daihti phapa nata hnabeiseihna cha pie awpa ei ta achhuahna ei hnei, Abeipa ta a tah.

ZEREMIAH 30:19

Ama hry tawhta alyna bie reina hlazy vaw pua aw ta, Thaphapa ta awhna pyuzy a vaw pua aw. Ama maluh papôh aw na ta, Maluh chyhta châ aw veih ei; Parônahsa aw ei na ta, Anawhpa châ aw veih ei.

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

ZEREMIAH 33:6

Chatahrasala hnatlâna nata patlâhna vaw tlôkhei aw na ta, patlâh aw ei na ta, thlalôhna kipa nata abohna ei pahmôsa aw ei.

EZEKIA 17:24

Chatanachata lyurâh tho zydua ta kei, Abeipa he, thokô a sâhpa pahnaipa ta, thokô a hnaipa pasâh na ta; tho hrohpa paraohpa ta, tho raohpa a pahrotuhpa ei châ tahpa ama pahno aw. Kei, Abeipa ta reih ha na ta, ei tao aw.’”

LUKA 15:10

Ei cha chho ei, cha hawhna hra chata, Khazohpa vâlyuhchâpazy hmiakô liata cha, molei ropa pakha chô liata alyna a y tyh?” tah ta.

RAWMA 15:13

Thlahpa Pathaihpa hmotaotheina zawhzi ta hnabeiseihna hluhpi nama hnei thei nawpa ta, hnabeiseihna Khazohpa ta, ano nama ngâpa hawhta, alyna nata thlalôhna ta cha pabie mawh ei sy.

RAWMA 5:1

Chavâta ngiapâna vâta thai eima châ ha tawhta cha, eima Beipa Zisu Krista zawhzi ta Khazohpa nata a ryhpa ta eima y haw.

RAWMA 5:11

Cha dei châ vei, tahmâ aryhna miah a pahmôsatuhpa eima Beipa Zisu Krista vâta Khazohpa liata eimâ ly.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

KAOLAOSÂ 1:11

Tiamana nata pasataona liata a ly kawpa ta nama tao thei nawpa ta, a thatlôna rônahpa liata hmotaotheina zydua hmâpa ta tha a cha patlô aw ei.