ISAI 54:8 - Mara Bible RV (BSI)

⁸ Bohpi leipa hiehâhna chyhta vâta, Ei hmia cha vaw nyu sai ha na ta, Châhrasala chhâzaw nôphana ta Ei cha ngiachhie heih aw,” Abeipa, châ Chatlaituhpa ta a tah.

ISAI 54:8 ပူးပေါင်းရင်းမြစ်များ

HLAZY 103:17

Abeipa kyhpachâna tleih beih leipa deikua cha, Ano a chituhpazy chô liata chhâzaw nata tlyzaw ta y ta, A siana chhao ama samohzy taihta a y.

HLAZY 103:4

Khaohtlô tawhta na hrona a chatlaituhpa châ ta, Kyhpachâna tleih beih leipa lakho cha pakho ta, Zawngiahna lakho châ pakhotuhpa a châ.

HLAZY 13:1

Hy Abeipa, khati taih ma a châ aw? Chhâzaw ta ma eina my aw chi? Khati taih ma na hmia eina nyusai aw chi?

HLAZY 27:9

Hy nâ bao tyhtuhpa y, Keima tawhta na hmia nyu leipa la, Châ chakaotuhpa he hiehâhpa ta na pakuasa khah y. Hy ei pachhana Khazohpa y, Na thy leipa la, na siesai khah y!

HLAZY 30:5

A hiehâhna cha buakha châ deita châ ta, A khokheina deikua cha hro chhôh châta a châ. Zâ chhôh ta chana y hra sala, My ta alyna a vaw tlô tyh.

ISAI 14:1

Abeipa ta Zakaw ngiachhiepa ta, Izarei a tlyh heih aw ta, ama râh tlai liata a paysa heih aw ei. Chihropazy ta âmo cha a bai aw ei ta, Zakaw pathlazy cha amâ pazao aw.

ISAI 26:20

Hy ei phopi, a vy u la, Nama chhôhpadâhpazy liata a ngia teh u; Nama ochhizy a khaw khâh u la, Ruchhôna a khô hlâlei cha, Bohpi leipa chhôh a nyu chy teh u.

ISAI 40:27

Hy Zakaw, khazia hetana heta tah chi ta, He Izarei, khazia hetana heta na reih? Khazia, “Ei lâpi cha Abeipa tawhta nyupa châ ta, Ei Khazohpa ta ei thâtih pachâ khoh vei,” na tah thai?

ISAI 45:15

Hy Izarei Khazohpa, Pachhatuhpa y, Khazohpa â nyupa tlai na na vaw châ.

ISAI 47:6

Ei phopi chô liata ei hiehâh ta, Ei ryuto râh cha papuapaleipa ta, Âmo cha na ku liata ei cha pie. Zawngiahna rai ama chô liata palâsa leipa chi ta, Machâpazy taihta phaohri a hri ngaitapa na paphaosa ei.

ISAI 48:17

Abeipa ta hetana heta reih ta, Nâmo châ Chatlaituhpa, Izarei Mo Pathaihpa ta hetana heta a tah: “Kei he Abeipa na Khazohpa châ na ta, Na pha nawpa ta cha pachu na ta, Na sie nawpa lâpi liata châ chhihthatuhpa ei châ.

ISAI 49:10

Ama nodi leipa aw ta, Ama dâh phi aw vei; Thlih lalôhpa ta âmo cha pathli thlu leipa aw ta, Noh lopa ta âmo vawh aw vei. Âmo ngiachhietuhpa ta chhihtha aw ei ta, Tihnawh kiapâh liata â chhi laih aw ei.

ISAI 49:13

Hy avâzy saih u, thaphapa ta hla sa u la, Hy leilô y, a lypa ta y mah y. Hy tlâhpizy saih u, Lyna hla paryh teh u! Abeipa ta a phopi thlah palôh ha ta, A chyhsa pasa a taopazy a ngiachhie aw ei.

ISAI 49:26

Châ tlybaituhpazy cha âmo sa paniesa aw ei na ta, Kresawhti thlôhpa paripa hawhta âmo thisaih ama pari aw. Chatanachata chyhsa zydua ta, Kei, Abeipa he châ Pachhatuhpa châ na ta, Châ Chatlaituhpa, Zakaw Mo Pathaihpa ei châ tahpa ama pahno aw.”

ISAI 54:10

Tlâhpizy ta ama yna su puasaipa ta, Tlâhthlôhzy pasiepa ta ama y thei; Ei ngâchhihna deikua cha, Cha puasai beih leipa aw ta; Ei thlalôhna biehrai chhao, Nâ tawhta pasiepa châ beih aw vei,” Abeipa, châ ngiachhietuhpa ta a tah.

ISAI 54:5

Châ Taotuhpa cha na vahpa châ ta, A moh Pheisaihzy Abeipa a châ; Châ Chatlaituhpa chhao Izarei Mo Pathaihpa châ ta, ‘Khizaw zydua Khazohpa,’ Tahpa ta awpa a châ.

ISAI 55:3

Nama nah pachôhpa ta kei lâ a vy u la, Nama hro thei nawpa ta ei bie nathlie teh u, Nama hnohta tlyzaw biehrai ei tao aw; Dâvi hnohta bie ei taihpa kha pa-i aw na ta, Ei kyhpachâna ngâchhihpa ei pa-i aw.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ISAI 60:10

Chihropazy ta na thokhyzy paduapathi aw ei ta, Ama beizy ta ama cha chakao aw. Ei hiehâhpa ta cha tu ei na ta, Châhrasala ei khokheina ta ei cha ngiachhie heih ei.

ISAI 63:7

Abeipa cha ato miah pietuhpa châ ta, A zawngiahna nata a ngâchhihna lymâ hawhta, Izarei chô liata a pha ngaitapa a châ; Chavâta Abeipa ngâchhihna cha, Khâ a thei aw na ta; Abeipa reithainazy cha, Khâ ei thei thlâh ha aw.

ISAI 64:7

Na moh a padopa y leipa ei ta, Nâ châ patu awpa ta, Âmosasyh ta â pahrapa y veih ei. Na hmia miah nyusai ha chi ta, Eima moleina ku liata thuzao awpa ta miah na tao haw.

ISAI 8:17

Chavâta Zakaw pathlazy tawhta a hmia a nyu hapa Abeipa cha hâ aw na ta, ei mokhâh aw.

ZEREMIAH 31:3

Lâhlapi tawhta a hnohta Abeipa â vaw luah. Tlyzaw kyhpachâna ta kyh cha pachâ na ta, Chavâta ei ngâchhihna na chô liata ei palâsa lymâ.

ZEREMIAH 33:26

Zakaw chipathlazy nata nâ chakaotuhpa Dâvi chipathlazy cha thy aw ei na ta, a chipathlazy hry liata pakha cha, Abarahâ nata Aisika nata Zakaw chipathlazy chô liata ryureituhpa châta a tlyh aw va na. Chavâta vânoh patosa heih aw ei na ta, zawh ei ngiah heih aw ei.”

ZEREMIAH 51:5

Ama Khazohpa, Pheisaihzy Abeipa ta Izarei nata Zudâh cha siesai leipa ta, Kaldia râh deikua cha moleina ta bie ta, Izarei Mo Pathaihpa chô liata ama moleina ta a bie.

EZEKIA 39:29

Âmo tawhta ei hmia nyu khao leipa aw na ta, Izarei pathlazy chô liata ei Thlahpa tlao ei hry aw, Abeipa Zehôvâh ta a tah.”

HABAKU 3:2

Hy Abeipa, na thâpha ama reipa thei na ta, Hy Abeipa, na hmotaopazy noâh ei tah ngaita. Keimo daihti liata pathieh heih la, Keimo chhâ liata pahnosa heih mah y! Pathiiana liata zawngiahna a thei tyh mah y!

ZEKARIA 1:15

A boh kawpa hawhta â pachâpa phopizy chô liata chhao ei hie a hâh ngaita. Hmiatua ta cha ei hiehâh tu vei, châhrasala âmo tlai ta moleina hmo ama tao via rili.

ZEKARIA 1:16

Chavâta Abeipa ta hetana heta a tah: Zawngiahpa ta Zerusale lâ kua heih aw na ta, cha liata ei o sapa châ aw ta, Zerusale chô liata thliena ri parai heihpa a châ aw,’ Pheisaihzy Abeipa ta a tah.

ZEKARIA 10:6

“Zudâh pathlazy cha, Thapatlô aw ei na ta; Zawsi pathlazy chhao, Ei pachha aw ei. Ei ngia eina chhie kawpa vâ ei ta, Ei chhi pakhua heih aw ei; Ei thy beih leipa hawhta y heih aw ei ta, Abeipa ama Khazohpa ei châpa vâta, Ei chyh-ei aw ei.

2 THYSALAWNIKA 2:16

Eima Beipa Zisu Krista nata Khazohpa eima Paw, kyh miah pachâ ta, ngiachhiena vâta chhâzaw thlalôhna nata hnabeiseihna phapa miah pietuhpa ta

1 TIMAWTHY 1:16

Châhrasala cha vâna tlai chata zawngiahna hmô na ta, Krista ta keima molei chaipa chô liata a nôphana pakipa palâsa ta, cha cha chhâzaw hrona hmô awpa ta ano a ngiapâpazy châta pamosana a châ.