ISAI 54:15 - Mara Bible RV (BSI)

¹⁵ Châ siehnaopa ama y khiahta cha, Kei ta ei tuapa châ veih ei; Châ siehnaopazy cha, Nâma vâta ama pao aw.

ISAI 54:15 ပူးပေါင်းရင်းမြစ်များ

HLAZY 56:6

Na teiparupa ta nâ byh ei ta, Ei sievawnazy ngia ei ta thie einâ chhuah ei.

ISAI 40:2

Zerusale cha bie pha a chho u la, A hnohta, Â dyuhna chhâ ha ta, A paraona a ngiahthaipa a châ haw; A moleina zydua vyuhpa ta, Abeipa ku tawhta a lie no ta a hmô haw, Tahpa ta chho teh u.

ISAI 43:14

Abeipa, nâmo châ Chatlaituhpa ta hetana heta tah ta, Izarei Mo Pathaihpa ta hetana heta a tah: “Nâmo vâta Babylaw lâ pheisaih tuah aw na ta, Arâpazy hawhta ei zâ chhi khai aw ei; Amâ ly kaw tyhpa balyhzy cheingei hmâpa ta, Kaldia mo chhao ei za siekhei aw ei.

ISAI 54:16

Moh teh, syudaihpa paysa na ta, Ano ta syu zie ta; Hmâ nawpazie lymâ hawhta Chaihraizy a tao tyh. Keima lilaw ta paraona rai hria awpa ta, Paraotuhpa ei tao hra.

ZEKARIA 12:3

Cha noh liata, Zerusale cha khizaw phopi zydua châta alô a hri ngaitapa ta tao aw na ta, a chalopa maih cha âmosasyh ta hmah amâ paphao lymâ aw. Chatawhcha khizaw râh zydua a paraoh aw ei ta, ano cha amâ dyuh aw.

ZEKARIA 12:9

Cha noh liata, Zerusale adyuhpa phopi zydua pahleipadia khai awpa ta, ei siehnao aw ei.

ZEKARIA 2:8

Châ hraotuhpazy râh lâ a rônahna ta nâ tuahtuhpa Pheisaihzy Abeipa ta hetana heta a tah: “Nâ châ hriapa cha ei mosaw a hriapa a châ.

BIEPHUAH 16:14

Chazy cha ahripa thlahpazy châ ei ta, hmonoâhpa a tao tyhpazy ama châ. Khizaw bei zydua lâta sie ei ta, Khazohpa Atotaotheipa noh rônahpa liata adyuhna châta beizy cha ama awpakhy.