ISAI 54:14 - Mara Bible RV (BSI)

¹⁴ Siana ta paduapa châ aw chi ta, Tlybaina tawhta lâhlapi ta na y bâ awpa vâta, Chi khao aw va chi; Chichhihpa tawhta lâhlapi ta y aw chi ta, Châ hnia khao aw vei.

ISAI 54:14 ပူးပေါင်းရင်းမြစ်များ

BIESOZY 3:24

Nâ zia tita chi leipa aw chi ta, A zia aw chi ta, mokuh pahâh kawpa ta nâ mô aw.

ISAI 1:26

Hnôhlâ daihti hawhna khata, Na ryureituhpazy padua heih aw ei na ta; Âthaona daihti hawhna khata, Na ryhraotuhpazy ei padua heih aw ei. Cha khai tawhta cha, siana khihpi tahpa châ aw chi ta, Ngâchhihpa khihpi tahpa na châ aw.”

ISAI 1:27

Zaio cha adona ta chatlaipa châ aw ta, A tlâh chyhsa molei ropazy chhao, Siana ta chatlaipa ama châ aw.

ISAI 14:4

Babylaw bei hnohta hetana heta pasipasawhna bie nama rei thlu aw: “Tlybaituhpa cha a chalih ta, A nôchhiena a dia ha dia!

ISAI 16:4

Môabâ tawhta papuapazy na hnohta pahrâ ei sala, Paraotuhpa tawhta amâ chhaina châ mah y. Tlybaituhpa y khao leipa ta, Paraona chhâ ta, Phei ry liata tlypâtuhpa a leidia tita,

ISAI 2:4

Abeipa ta râhzy likah pachia aw ta, Phopizy likah aeinazy a pathlâ aw; Ama zaozizy cha leipaliena chhaichhi lâta palie aw ei ta, Ama aseizy chhao thochiah taina chaihrai lâta ama palie aw; Phopi nata phopi ta zaozi a hy thlu khao leipa aw ei ta, A dyuhzie chhao a chu khao aw veih ei.

ISAI 26:2

Ngiapâna a vaopa phopi siapa a ngia nawpa ta, Thokhy chhikaozy pahy teh u.

ISAI 32:17

Siana ta thlalôhna sa aw ta, Siana theilâpa cha, Chhâzaw sidiana nata hnangâhna a châ aw.

ISAI 33:18

Chichhihpa nâ tyhpa kha, Na palôh ta pachâ sualuah aw ta, “Maluh reihtuhpa kha khataih liata a y haw? Râhpaw pathliahtuhpa kha khataih liata a y haw? Riahvaina o sâhpazy a pakituhpa kha Khataih liata a y haw?” a tah aw.

ISAI 45:24

Hetana heta ei thâtih ama reih aw: ‘Abeipa lia deita ta pahniena y ta, Ano lia deita ta thatlôna a y; Chyhsazy ano lâ a vy aw ei ta, A chô liata a ru a chhôpa zydua cha, Maophyuhpa ta ama y aw.

ISAI 49:26

Châ tlybaituhpazy cha âmo sa paniesa aw ei na ta, Kresawhti thlôhpa paripa hawhta âmo thisaih ama pari aw. Chatanachata chyhsa zydua ta, Kei, Abeipa he châ Pachhatuhpa châ na ta, Châ Chatlaituhpa, Zakaw Mo Pathaihpa ei châ tahpa ama pahno aw.”

ISAI 51:13

Abeipa, nâma châ Taotuhpa cha my chi ta, Avâ paraipa ta alei abôna lôbôzy a bôtuhpa mypa ta, Parao châ chhuahpa tlybaituhpa hiehâna vâta Noh y ta chipa ta a y thlâh hapa chi cha, Ahy ma na châ tly? Tlybaituhpa hiehâhna cha khataih liata ma a y?

ISAI 52:1

Hy Zaio, a hra la, a hra la, Na thatlôna ta a tobi mah y; Hy Zerusale, khihpi pathaihpa, Na chysia a ngiapazy ta a tobi mah y. Tahmâ tawhta cha, Chopawtaileipa nata pathaih leipazy Na chhôh liata a ngia khao aw veih ei.

ISAI 54:4

“Chi khah y, Maophyuh khao aw va chi; Na no za khah sy, Hmiachhiepa ta y khao aw va chi. Na thyutlia nota na maophyuhna kha my aw chi ta, Na nôhmeina moh chhiena a thei khao aw va chi.

ISAI 60:18

Thachahra hmâna pyu cha, Na râh liata thei khao leipa aw chi ta; Chhiena nata raona zy chhao, Na râhri chhôh liata thei khao aw va chi. Na thokhy cha Pachhana tah aw chi ta, Na thokhy chhikaozy cha Reithaina na tah aw.

ISAI 60:21

Na phopi cha ama zydua ta mosiapa châ khai aw ei ta, Râh cha tlyzaw ta ama hnei aw. Palyupalihpa ta ei y thei nawpa ta, Âmo cha chhyh thao awpa ta loh ei na ta, Ei ku raihriazy ama châ.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ISAI 62:1

A siana cha khaihna hawhta pua sala, A pachhana meiôh khaihpa hawhta a papua hlâlei cha, Zaio vâta a thlih thlâh ha leipa aw na ta, Zerusale vâta a chalih aw va na.

ISAI 9:4

Midia mo pahnie noh hawhna khata, A raopaky phaohri thlie pachhô chi ta, A ngiatlâh liata sômasi chhao thlie pachhô chi ta, A tlybaituhpa chôchahrei chhao na thlie pachhô khai haw.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

ZEREMIAH 30:10

“Chavâta Hy nâ chakaotuhpa Zakaw y, chi leipa la, Hy Izarei y, ngiarohpa ta y khah y,” Abeipa ta a tah. “Pachâ teh, lâhlapi tawhta cha pachha aw na ta, Na pathlazy ama seichâna râh tawhta ei pachha aw ei. Zakaw cha kua heihpa ta sidiapa nata chhôhmohpa ta y aw ta, Ahy ta hmahta pachisa khao aw veih ei.

ZEREMIAH 30:20

Ama sawzy hlâno daihtizy hawhna khata y heih aw ei ta, Ama pakhypi ei hmiakô liata paduapa châ heih aw ta, Âmo a tlybaituhpa zydua ei hrie aw ei.

ZEREMIAH 31:23

Pheisaihzy Abeipa, Izarei Khazohpa ta hetana heta a tah: “Vânoh ei patosa heih ti ei ta cha, he reikahzy he Zudâh râh nata a khihpizy liata ama hmâh heih aw: “‘Hy siana pahrâna su, Abeipa ta byhnâ cha pie sala; Hy tlâh pathaihpa, Abeipa ta byhnâ cha pie mawh sy!’ tahpa ta.

HÔSIA 10:12

Na châta siana chi tu la, Kyhpachâna tleih beih leipa thei hria mah y; Na râhmâhpa palie bâ teh. Tahmâ he Abeipa tlua daihti cha a châ hih, Chatanachata a vy aw ta, Na chô liata siana avâ a pasuasa aw.

ZEKARIA 8:3

Abeipa ta hetana heta a tah: Zaio lâ kua aw na ta, Zerusale liah liata ei pahrâ aw. Chatanachata Zerusale cha Khihpi Ngâchhihpa tahpa ta bipa châ aw ta, Pheisaihzy Abeipa tlâh cha Tlâh Pathaihpa tahpa a châ aw.

ZEKARIA 9:8

Hrâsiepazy tawhta vaih awpa ta, Ei o liata riehmo ei paryh aw; Chatanachata ama siena lâta tlyma, Amâ liena lâta tlyma, A siehnaopa y khao aw veih ei. Tahmâ cha keima mo tlai ta ei vaih ha awpa vâta, Tlybaituhpa ta sie thlu khao aw vei.

2 PITY 3:13

Châhrasala a bietaipa hawhta, keimo la mosiapazy pahrâna avâ thiehpa nata alei thiehpa a hâtuhpazy eima châ.