ISAI 54:10 - Mara Bible RV (BSI)

¹⁰ Tlâhpizy ta ama yna su puasaipa ta, Tlâhthlôhzy pasiepa ta ama y thei; Ei ngâchhihna deikua cha, Cha puasai beih leipa aw ta; Ei thlalôhna biehrai chhao, Nâ tawhta pasiepa châ beih aw vei,” Abeipa, châ ngiachhietuhpa ta a tah.

ISAI 54:10 ပူးပေါင်းရင်းမြစ်များ

2 SAMUELA 23:5

“Ei pathlazy he Khazohpa hmiakô liata paduapa châ veih ei ma? Khazohpa ta chhâzaw biehrai ei hnohta hraih ta, Ato yzie pahneisapa ta a pa-i. Chavâta ei pachhana kih patlô leipa ta ypa ta, Ei khopa na pie leipa ta a y aw ma?

HLAZY 102:26

Chazy cha leidia aw ei ta, Chysia hawhta ama chy khai aw; Poh hawhta ri aw chi ta, Thypa ama châ aw; Nâ deikua cha na y thlâh ha aw.

HLAZY 46:2

Chavâta leilô he a vaw nanopa ta, Tlâhzy tilaipi chhôh lâ a pasie hra sala, Chi aw ma pi.

HLAZY 46:3

A tizy a aohpa ta a chatlao hra sala, A tisaih ta tlâhpizy chalyu hra sala, Chi aw ma pi. Selah

ISAI 49:10

Ama nodi leipa aw ta, Ama dâh phi aw vei; Thlih lalôhpa ta âmo cha pathli thlu leipa aw ta, Noh lopa ta âmo vawh aw vei. Âmo ngiachhietuhpa ta chhihtha aw ei ta, Tihnawh kiapâh liata â chhi laih aw ei.

ISAI 49:15

“Chanô ta a saw sâhpi a ngiehpa a my thei aw ma? A chhi tawhta a puapa ngiachhie leipa ta a y aw ma? Chanôzy ta la ama sawzy ama my ngyu na, Kei deikua ta la cha my aw va na.

ISAI 54:8

Bohpi leipa hiehâhna chyhta vâta, Ei hmia cha vaw nyu sai ha na ta, Châhrasala chhâzaw nôphana ta Ei cha ngiachhie heih aw,” Abeipa, châ Chatlaituhpa ta a tah.

ISAI 55:12

“Thaphapa ta pua aw ei chi ta, Thlalôhpa ta a chhipa nama châ aw; Tlâhpizy nata tlâhthlôhzy ta Nama hmiakô liata hla sa aw ei ta; Lyurâh thokô zydua ta Ama ku ama chabaih aw.

ISAI 55:3

Nama nah pachôhpa ta kei lâ a vy u la, Nama hro thei nawpa ta ei bie nathlie teh u, Nama hnohta tlyzaw biehrai ei tao aw; Dâvi hnohta bie ei taihpa kha pa-i aw na ta, Ei kyhpachâna ngâchhihpa ei pa-i aw.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ISAI 59:21

“Keima lâ tawhta la, he he ama hnohta ei biehrai cha a châ,” Abeipa ta a tah: “Na chô liata ei Thlahpa a ypa nata na pakah liata ei bie ei sopazy cha, tahmâ tawhta chhâzaw taihta na pakah cha puasai khao leipa aw ta, na pathlazy pakah chhao puasai leipa aw ta, na pathla pachhuahpazy pakah chhao puasai aw vei,” Abeipa ta a tah.

ISAI 61:8

Kei, Abeipa he adona pasô na ta, Hraona nata adoleina ei hao. Ama chô liata ei ngâchhihna palâsapa ta, Ama pasataona lymâ pie aw ei na ta, Ama hnohta chhâzaw biehrai ei tao aw.

ISAI 63:7

Abeipa cha ato miah pietuhpa châ ta, A zawngiahna nata a ngâchhihna lymâ hawhta, Izarei chô liata a pha ngaitapa a châ; Chavâta Abeipa ngâchhihna cha, Khâ a thei aw na ta; Abeipa reithainazy cha, Khâ ei thei thlâh ha aw.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 31:36

“He ryhpa raopazy he ei hmiakô tawhta a lei khiahta cha, Izarei pathlazy cha lei aw ei ta, Phopi ama châna chhao, Ei hmiakô tawhta chhâzaw ta a lei aw,” Abeipa ta a tah.

ZEREMIAH 33:20

“Abeipa ta hetana heta a tah: Chhô nata zâ y awpa ta biehrai ei taopa paraopa ta, chhô nata zâ he ama daihti raopa chyu liata vaw tlô lei awpa ta nama tao thei khiahta cha,

EZEKIA 16:42

Cha hawhna chata na chô liata ei pathiiana cha papai aw na ta, ei hiatliana ta a cha puasai ha aw. A chalih ha bâ aw na ta, ei hie hâh khao aw vei.

EZEKIA 34:25

“Ama hnohta thlalôhna biehrai tao aw na ta, sahrâhpazy cha râh tawhta ei pahlei aw ei. Chatanachata râhchawhpa liata â bohpa ta pahrâ aw ei ta, râhmâhpa liata amâ mô thei aw.

MALAKHAI 2:5

“Livai hnohta ei hraipa ei biehrai cha, hrona nata thlalôhna biehrai châ ta, cha biehraizy cha a hnohta ei pie. China biehrai châ ta, eina chi tlai hra. Ei moh chizapa ta â duah tyh.

MALUHREINA 25:12

Chavâta a hnohta hetana heta chho teh, ‘A hnohta adyhna biehrai ei tao aw.

MATHAI 16:18

Chavâta ei cha chho, nâ cha Pity na châ. He lôpanô chô liana heta ei Awnanopa padua aw na ta, Athihkhih chhikaozy ta pahnie aw vei.

MATHAI 24:35

Lei nata vâ a lei aw, ei biezy deikua lei aw vei.

MATHAI 5:18

Hmeiseihta ta ei cha chho ei, avâ nata alei a lei hlâlei cha, Ryhpa bie liata ropa châsâ chyh chaipa tlyma, achôpa di chaipa tlyma, ato zydua a tlôpaki khai hlâlei cha lei aw vei.

RAWMA 11:29

Khazohpa hmosaipiepazy nata a awna cha panano heih theipa châ vei.

TITU 3:5

siana ta eima hmotaopa vâta châ leipa ta, a zawngiahna vâta miah a pachha. Cha pachhana cha pipathina ta miah pathaisa ta, Thlahpa Pathaihpa taopathina zawhzi ta eima hmôpa a châ.

HEBRAI 12:27

“Ei kha cha ei chalyu heih aw,” tahpa heta, hmo a chalyu leipazy a y ualua ta a y lymâ thei nawpa ta, hmo a chalyupazy cha, hmotaopazy hawhta pasiepa ta a y aw tahpa a palâsa.

BIEPHUAH 6:14

Avâ cha châbu chatypa hawh tlai ta vaw lei ha ta, tlâhpi nata liahpahlô to chhao ama yna tawhta pasiepa ta y khai ha ei ta.