ISAI 54:1 - Mara Bible RV (BSI)

¹ “Hy chanô chohpa, Nâ, saw a sa beih leipa y, Hla sa la; Nâ, nawh a zeih beih lei nô y, Hla sapa ta awh teh! Vahpa chhaopa chanô sawzy hlâta, Chanô kypa sawzy ama hluh via bâ aw,” Abeipa ta a tah.

ISAI 54:1 ပူးပေါင်းရင်းမြစ်များ

ÂTHAONA 21:6

Sârâ ta, “Khazohpa ta na pahneisa ha ta, a theipa maihta eina pahneikhei aw ei.

HLAZY 113:9

Chanô chohpa hnohta chhôhkha pie ta, Sawzy pie ta nô palôhtlâhpa ta a tao. Abeipa cha reithai teh u!

HLAZY HLA 8:8

Sietanô seihnainô hnei pi ta, A sâhpizy hra cha pabyuh mâh leipa ta. Ano miah ama vaw hia noh liata, Eima sietanô châta khâpa ma eima taopa aw tly?

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ISAI 24:14

A paropa ta ao papuapa ta, Abeipa rônahna cha hla ta sa aw ei ta, Tilaipi tawhta thata ama awh aw.

ISAI 44:23

Abeipa ta chatlaina tao ha ta, Chavâta, Hy avâzy saih u, hla sa u la, Hy alei su a thupazy saih u, awh teh u. Hy tlâhpizy saih u, hla paryh u la, Hy râhmâhpa nata a chhôh liata tho to saih u, hla paryh teh u! Abeipa ta Zakaw cha chatlai ha ta, A rônahna Izarei liata a paluahsa haw.

ISAI 49:13

Hy avâzy saih u, thaphapa ta hla sa u la, Hy leilô y, a lypa ta y mah y. Hy tlâhpizy saih u, Lyna hla paryh teh u! Abeipa ta a phopi thlah palôh ha ta, A chyhsa pasa a taopazy a ngiachhie aw ei.

ISAI 49:19

“Khih rypa nata roryhrapa ta cha tao ei ta, Râh raopa ta cha tao ha hra ei sala, Tahmâ cha na khihsawzy châta Na buah tuna lâ châ aw ta, Châ palâtuhpazy kha, Lâhlapi lâta ama y khai aw.

ISAI 49:20

Mâchhie na sa chhôh ta saw a pihpazy ta na nah liata, ‘A su he keimo châta a buah tu haw, Eima pahrâ nawpa su miah pie teh,’ tah aw ei ta,

ISAI 62:4

Azubâ cha tah khao leipa aw ei ta, Na râh chhao Semâmâ tah khao aw veih ei. Hephazibâ tlao cha tah aw ei ta, Na râh cha Beulâ râh ama tah aw. Na chô liata Abeipa a ly ta, Na râh cha dyh a châ aw.

ISAI 66:7

“Zerusale cha nawh a zeih hmâ leipa ta saw sa ta, Sawzeih pasa tao hmâ leipa ta sawchapaw a sa.

ZEPHANIA 3:14

Hy Zaio Sawchanô y, hla sa la, Hy Izarei, thata awh teh! Hy Zerusale Sawchanô, Na pathipalôh zydua ta a ly la, Thaphapa ta y mah y!

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

KALATIA 4:27

“Nâ, saw leipa, Saw a sa beih leipa y, Thaphapa ta y mah y; Nâ, saw a zeih beih leipa, Awh la, rahao mah y! Vahpa a hneipa sawzy hlâta, Yrupa chanô sawzy ama hluh via aw,” tahpa ta ropa hawhta.

1 SAMUELA 2:5

Rihbiepazy ta viahchhâ châta hriahlao ei ta, Nodipazy tlao ama nodi khao vei. Chanô chohpa ta pasari sa ta, Saw hluhpi a hneipa nô hmâchhâh yrupa ta a y.