ISAI 53:7 - Mara Bible RV (BSI)

⁷ Ano cha tlybaipa ta y ta, Châhrasala anosasyh ta a panawh ta, A pakah â vei. Mietakutaw thie awpa amâ chhipa  chalih thlâh hapa hawhta, Ano chhao â chalih thlâh haw; Mietaku hmi ngyutuhpa hmiakô liata, Mietaku â chalih thlâh hapa hawhta, Ano chhao â chalih thlâh haw; A pakah â vei.

ISAI 53:7 ပူးပေါင်းရင်းမြစ်များ

HLAZY 38:14

Bie a thei leipa nahpâpa hawhta châ na ta, A pakah liata chhoreina bie a y leipa hawhta ei châ.

HLAZY 38:15

Châhrasala Hy Abeipa y, Kei cha nâma châ hâpa châ na ta, Hy Abeipa ei Khazohpa y, Nâ chhy awpa cha nâma na châ.

HLAZY 44:22

Nâma vâta noh y ta thiepa ta y pi ta, Mietaku thie awpa hawhta pachâpa eima châ.

ISAI 50:6

Ei ky he nâ tutuhpazy châta dao na ta, Ei baih he ei baihhmi nâ phiatuhpazy châta ei dao tyh. Ei hmia he nohzaona tawhta nyu leipa na ta, Pachih pachhaona tawhta nyu hra va na.

ISAI 53:6

Eima zydua ta mietaku hawhta pavia pi ta, Eima lâpi chyu lâta eima tlei; Eima zydua paraona cha, Abeipa ta ano chô liata a pahnieh haw.

ZEREMIAH 11:19

Kei deikua cha mietakutaw nônaipa Thie awpa ta amâ chhipa hawhta ei châ. “Tho cha a thei chhaota parao sih la, A moh a thei thlâhpa a châ khao lei nawpa ta, Ahrohpa râh tawhta chhawh pathlah ha suh u,” Ama tahpa kha, Ei chô liata tao amâ chhuahpa a châpa Vaw pahno leipa na ta.

MALUHREINA 7:27

raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa pô kha;

MATHAI 26:63

Châhrasala Zisu cha a chalih thlâh ha ta. Theihthai beichaipa ta, “Khazohpa hrohpa moh reipa ta bie a taih awpa ta bie ei cha pie. Khazohpa Sawchapawpa Mesia cha na châ ma, miah chho teh,” tah ta.

MÂKA 14:61

Châhrasala a chalih thlâh ha ta, khâpa hmah a chhy leipa ta. Theihthai Beichaipa ta hiahri heih ta, “Nohlaopa Sawchapawpa Krista cha na châ ma?” tah ta.

MÂKA 15:5

Châhrasala Zisu ta khâpa hmah a chhy via khao leipa ta. Chavâta Pilâ cha a noâh kaw ta.

LUKA 23:9

Chavâta bie hluhpi hiahri ta, châhrasala a chhy tlâ leipa ta.

ZAWHÂNA 1:29

A mylâ ta Zawhâna cha Zisu ta a vaw pangai haipa hmô ta, “Moh teh u, Khazoh Mietakutaw, khizaw moleina a siekheituhpa huh!

ZAWHÂNA 19:9

A o lâ a ngia heih ta, Zisu hnohta, “Khataih lâta chyhsa ma na châ?” tah ta. Châhrasala Zisu ta a chhy khoh leipa ta.

1 PITY 2:23

Reipachhiepa ta a y nota, reipachhie hri leipa ta, pasa taopa ta a y nota, pachhipary hra vei. Â dopa ta pachiatuhpa hnohta tlao â hlâ tyh.

BIEPHUAH 5:6

Chatawhcha beidyuchhai nata hmohrohneipa miapalihzy likawh liata machâzy hry liata Mietakutaw a duahpa hmô na ta, Mietakutaw cha thie chiehpa lyu ta, ki miasari nata mokhaoh miasari a hnei. Mokhaoh miasarizy cha, alei chô zydua liata tuapa Khazohpa Thlahpa pasarizy ama châ.