ISAI 53:6 - Mara Bible RV (BSI)

⁶ Eima zydua ta mietaku hawhta pavia pi ta, Eima lâpi chyu lâta eima tlei; Eima zydua paraona cha, Abeipa ta ano chô liata a pahnieh haw.

ISAI 53:6 ပူးပေါင်းရင်းမြစ်များ

ÂTHAONA 22:6

Abarahâ ta raopa hlâ nawpa tho cha la ta, a sawchapawpa Aisika cha papiasa ta, ano ta mei nata chaizôh chaba ta, ama pano ta hmaohkha ta ama sie haw.

HLAZY 119:176

Mietaku a leipa hawhta viavi na ta, Châhrasala na biepiepazy ei my leipa vâta, Châ chakaotuhpa he vaw tlua mah y.

HLAZY 69:4

A chhâpa y leipa ta nâ haotuhpazy cha, Ei luh liata ei sâzy hlâta hluh via ei ta, Parao awpa ta haipa ta nâ teituhpazy chhao, Ama thatlô ngaita. Khâpa hmo ma ei paru tly, Tahmâ ei thô heih awpa cha?

ISAI 40:2

Zerusale cha bie pha a chho u la, A hnohta, Â dyuhna chhâ ha ta, A paraona a ngiahthaipa a châ haw; A moleina zydua vyuhpa ta, Abeipa ku tawhta a lie no ta a hmô haw, Tahpa ta chho teh u.

ISAI 53:10

Chatahrasala thi padôpa ta a y awpa cha, Abeipa khopa châ ta; Pasa a pataosa ha tlaipa a châ. A hrona cha thaileichâna hlâna châta Abeipa ta a hmâ hapa chhao ta, A chipathla hmô aw ta, A hro chhôh kôzy a pasi aw; Abeipa khopa cha, A ku liata vânoh topa ta a y aw.

ISAI 53:11

Pasataona khô lâta hrona khaihna hmô aw ta, Palôhtlâh ngaitapa ta a y aw. Nâ chakaotuhpa chyhsa siapa cha, A pahnona hmâpa ta chyhsa hluhpi thai pachâsa aw ta, Ama paraonazy a phaopa aw ei.

ISAI 53:12

Thina taihta a hrona leihtha ta, Moleipazy hry liata rei pâpa ta a ypa chhao ta, Chyhsa hluhpi moleina phaoh ta, Hmoparaopazy châta thlah a chhâpa vâta, Ano cha chyhsa rônahpazy hry liata tovyuh rai aw na ta, Thatlôpazy hry liata hraona sôh a hmô hra aw.

ISAI 53:5

Châhrasala ano cha, Eima moleinazy vâta hmah phaohpa ta y ta, Eima paraonazy vâta thi padôhpa ta a y; Eima thlalôh nawpa ta, Chhoreina a chô liata tlu ta, Ama chheina hreichheihpazy ta Patlâhpa ta eima y haw.

ISAI 53:7

Ano cha tlybaipa ta y ta, Châhrasala anosasyh ta a panawh ta, A pakah â vei. Mietakutaw thie awpa amâ chhipa  chalih thlâh hapa hawhta, Ano chhao â chalih thlâh haw; Mietaku hmi ngyutuhpa hmiakô liata, Mietaku â chalih thlâh hapa hawhta, Ano chhao â chalih thlâh haw; A pakah â vei.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ISAI 55:8

Ei pachâpazy cha, Nama pachâpazy châ leipa ta; Nama hroziezy chhao, Ei hroziezy châ vei,” Abeipa ta a tah.

ISAI 56:11

Izy cha pahâpahaohpa châ ei ta, Â daih tahna rai hnei veih ei. Izarei vaituhpazy deikua cha, Mietaku vaituhpazy châ taraw ei ta, Novâhna hnei veih ei; Ama lâpi chyu lâta a heih ei ta, Âmo athôhna lâ a heihpa sai ama châ.

ISAI 6:7

Ei pakah na vaw hria ta, ei hnohta, “Moh teh, he heta na hmaozy hria ha ta, na thaileichâna siekheipa châ ta, na moleina a ngiahthaipa a châ haw,” tah ta.

ISAI 66:3

“Âmo khopa lâpi a tlyh ei ta, Hmo pasichhihpazy taopa liata Ama hro a lypazy deikua cha, Viahchao tôhpa ta atheihna hlâ hra ei sala, Chyhsapa a thiepa hawhta châ ei ta; Mietakutaw ta atheihna hlâ hra ei sala, I rao a thliepa hawhta ama châ; Niepa hlâna hlâ hra ei sala, Vao thisaih a hlâpa hawhta châ ei ta, Atheithlâhna ropahâhpa hlâ hra ei sala, Khazoh nothlahpa a reithaipa hawhta ama châ.

ZEREMIAH 50:6

“Ei phopi cha mietaku a leipa ama châ. Âmo vaituhpazy ta paviasa ei ta, Tlâhpizy lâta amâ chhi; Tlâhpi tawhta tlâhthlôh lâta viavi laih ei ta, Amâ syna mietaku o ama my haw.

EZEKIA 3:18

Moleipa hnohta, ‘Na thi tlai awpa a châ,’ ei tah tita, cha moleipa cha a hrona pabohsa awpa ta zikyu a râ leipa la, a moleina lâpi siesai awpa ta chho hra leipa la, a paraona vâta a thi khiahta cha, a thisaih maoh na phaoh aw.

DÂNIAH 9:5

molei ha pi ta, hmoparao ha pi ta, molei ngaitapa ta hroh pi ta, châ dyuh pi ta, na biepiepazy nata bieraopazy eima vaw tleisai haw.

RAWMA 4:25

Cha Zisu cha keimo moleina vâta thie awpa ta patusapa châ ta, thai eima châ nawpa ta pathyupa a châ.

ZÂMIE 5:20

a paviana lâpi tawhta moleipa a chhi pakhuatuhpa cha, thina tawhta a thlahpa a pachhapa châ aw ta, a moleina hluhpi a khupa haw tahpa a pahno mawh sy.

1 PITY 2:25

Mietakuzy hawhta lâpi pavia ei chi ta, tahmâ deikua cha nama thlahpa Chhituhpa nata Mietaku Vaituhpa lâ nama kua ha hih.

1 PITY 3:18

Khazohpa lâ miah â chhi thei nawpa ta, Krista cha moleinazy châta chhâzaw châta ei kha thi ta, mosiapa cha moleipa vyuhpa ta thi ta, sapa liata thiepa ta y ta, thlahpa liata deikua pahropa ta a y.

RYUREITUHPAZY 21:25

Cha daihti cha Izarei liata bei a y leina daihti a châpa vâta, chyhsa to ta âmo pachâ ta pha ama tahpa maih ama taona daihti a châ.