ISAI 53:2 - Mara Bible RV (BSI)

² Ano cha tho daw hawhta Abeipa hmiakô liata laiseih ta, Alei hipa liata tho thari hawhta a laiseih. Mo khoh kaw awpa pizie phana hnei leipa ta, Chhithaina hnei vei; Eima tlaichhai kaw awpa Angiana hnei hra vei.

ISAI 53:2 ပူးပေါင်းရင်းမြစ်များ

ISAI 11:1

Zese thabypa tawhta chhyh vaw thao aw ta, A tharizy tawhta a chiah a thaopa a pathei aw.

ISAI 4:2

Cha noh liata, Abeipa chiah cha a ngia ngaitapa ta rônah ngaita aw ta, râh theizy cha Izarei laibâhpazy châta amâ palaikheipa nata ama rônahna a châ aw.

ISAI 52:14

Ano ama hmô nahta, Chyhsa hluhpi ta noâh ama tahpa hawh tlai ta, A hmisâ rao khai ha ta, Chyhsapa hmi chhao lyu khao vei; A pizie chhao, Chyhsa sawzy pizie lyu khao vei.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 23:5

“Moh teh u, Davi châta Chiah siapa ei padua nawpa daihti a vaw tlô hai. Ano cha ryureituhpa abei châ aw ta, so ngaitapa ta hmo tao aw ta, adona nata siana ta râh liata ryu a reih aw,” Abeipa ta a tah.

ZEKARIA 3:8

Hy Zawsua, theihthai beichaipa y, tahmâ na thlie la, na hmiakô liata a tyuhpa, theihthaipa na châ lâhpazy chhao ta nathlie mawh ei sy. Âmo cha hmo vaw tlô awpa ngianazy ama châ. Moh teh, Chhyh a vaw chhi aw na ta, ano cha nâ chakaotuhpa a châ.

ZEKARIA 6:12

A hnohta, ‘Pheisaihzy Abeipa ta hetana heta a tah: Moh teh, Chhyh tahpa ta moh bipa chyhsa cha, a yna su tawhta a chhyh kaw thao aw ta, ano ta Abeipa Achhyna o a sa aw.

MÂKA 6:3

He chyhsa he Zâmie, Zôse, Zudâh nata Saimaw zy unawhpa, Mâri sawchapawpa, tho zôthaipa kha châ vei ma? A sietanôzy chhao, he liata eima hnohta y thlâh ha veih ei ma?” tah ei ta. Chavâta a chô liata ama palôh châ leipa ta.

MÂKA 9:12

Zisu ta ama hnohta, “Hmo to zydua tao pathi awpa ta Elaizâh cha â vy tuapa tlai a châ. Cha khiahta la, Chyhsa Sawchapawpa cha pasana hluhpi tao aw ta, mohnaopa ta a y awpa kyh cha, khâpa vâta ropa ma a châ?

LUKA 2:7

Saw tuapa ta chapaw sa ta, poh pahlyna ta pahly ta, khichhai riebu liata amâ tlôh leipa vâta, sachâki liata pazia ta.

LUKA 9:58

Zisu ta a hnohta, “Changiezy ta khaoh hnei ei ta, vâ pavawzy ta bu ama hnei. Chyhsa Sawchapawpa deikua cha, luh nyu nawpa su chhao hnei vei,” tah ta.

ZAWHÂNA 18:40

Châhrasala ao paro ngaitapa ta awh heih ei ta, “Kha chyhsa kha papua leipa la, Bârabâ kha papua teh!” tah ei ta. Bârabâ cha hraotuhpa a châ.

ZAWHÂNA 19:5

Zisu cha hloh lakho a khopa nata poh saihlawpa a bupa ta vaw pua ta. Pilâ ta ama hnohta, “Moh teh u, he chyhsa hih!” tah ta.

RAWMA 8:3

Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

1 PITY 2:14

moleina hmo a taopazy hrie awpa nata hmo pha a taopazy palyupalih awpa ta bei ta a tuapa râhvaotuhpa rai châ sala, ryureituhpazy rei a ngiah khai awpa a châ.