ISAI 53:11 - Mara Bible RV (BSI)

¹¹ Pasataona khô lâta hrona khaihna hmô aw ta, Palôhtlâh ngaitapa ta a y aw. Nâ chakaotuhpa chyhsa siapa cha, A pahnona hmâpa ta chyhsa hluhpi thai pachâsa aw ta, Ama paraonazy a phaopa aw ei.

ISAI 53:11 ပူးပေါင်းရင်းမြစ်များ

ISAI 42:1

Nâ chakaotuhpa nata ei duakheipa he moh u la, Ei tlyhpa nata ei hro ta â ly ngaitapa he moh teh u. A chô liata ei Thlahpa soh na ta, Râhzy liata adona a tlôkhei aw.

ISAI 45:25

Izarei chipathla zydua deikua cha, Abeipa liata thai pachâsapa châ aw ei ta, Rônahpa ta ama y aw.’”

ISAI 49:3

Ei hnohta, “Hy Izarei, nâ cha nâ chakaotuhpa châ chi ta, Palyupalihpa ta ei y nawpa na châ,” tah ta.

ISAI 52:13

Pachâ teh u, nâ chakaotuhpa cha, So kawpa ta hmo a tao aw; Palyupalihpa nata pasâhsapa ta y aw ta, Cheihchalopa ta a y aw.

ISAI 53:12

Thina taihta a hrona leihtha ta, Moleipazy hry liata rei pâpa ta a ypa chhao ta, Chyhsa hluhpi moleina phaoh ta, Hmoparaopazy châta thlah a chhâpa vâta, Ano cha chyhsa rônahpazy hry liata tovyuh rai aw na ta, Thatlôpazy hry liata hraona sôh a hmô hra aw.

ISAI 53:8

Tlybaipa nata thailei pachâsapa ta a chhi ei ta, Châhrasala ano chhâ liata chyhsazy ta pachâ hlei veih ei. Ahrohpazy râh tawhta chhawh pathlahpa châ ta, Ei phopi paraona vâta hriepa a châ.

DÂNIAH 12:3

A sopazy cha avâ khaihpa hawhta khaih aw ei ta, chyhsa hluhpi siana lâta a paheisatuhpazy cha awhsi hawhta chhâzaw nata tlyzaw ta ama khaih aw.

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

MATHAI 20:28

Chyhsa Sawchapawpa tlai chhao he, chyhsa ta ama chakaopa châ awpa ta a zupa châ leipa ta, chakaotuhpa châ awpa nata chyhsa hluhpi chatlai nawpa ta a hrona pie awpa ta a zupa a châ,” tah ta.

LUKA 22:44

A pachârôh ngaita ta, phahnai a ngiah via heihpa ta thlahchhâ ta. A mathlai di thisaih hawhta alei liata tla ta.

ZAWHÂNA 12:24

Hmeiseihta ta, hmeiseihta ta ei cha chho ei, sâh hmô cha alei liata tla leipa sala, a thi leipa khiahta cha, ano dei ta y ta, a thi khiahta deikua cha, thei hluhpi a pathei tyh.

ZAWHÂNA 16:21

Chanô cha nawh â zeih nota a pachâ a rôh tyh, a daihti a tlô hapa vâta. Châhrasala nawh a pih nahta, khizaw liata chyhsa a vaw pihpa cha â ly kawpa vâta, a pachârôhna a thei khao vei.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

RAWMA 4:24

keimo châta chhao a châ. Athihpa hry tawhta eima Beipa Zisu a pathyutuhpa cha eimâ ngiapâ khiahta cha, keimo chhao mosiapa ta raopa eima châ hra aw.

RAWMA 5:9

Chavâta tahmâ a thisaih ta thai pachâsapa eima châ tawhta chhochhi cha, ano vâta Khazohpa hiehâhna tawhta pachhapa ta eima y via pachai aw.

1 KAWRINI 6:11

Nama hry liata thokha chhao, cha hawhpa chyhsa nama châ tyhpa kha. Châhrasala pasipa nata pathaisapa châ ha ei chi ta, Abeipa Zisu Krista moh ta nata eima Khazohpa Thlahpa ta thai pachâsapa nama châ haw.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

KALATIA 4:19

Ei saw saih u, Krista lyuna nâmo liata a y hlâlei cha, saw zeih ta ei châ zeih ei hih!

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.

1 PITY 3:18

Khazohpa lâ miah â chhi thei nawpa ta, Krista cha moleinazy châta chhâzaw châta ei kha thi ta, mosiapa cha moleipa vyuhpa ta thi ta, sapa liata thiepa ta y ta, thlahpa liata deikua pahropa ta a y.

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.

1 ZAWHÂNA 2:1

Ei saw saih u, nama molei lei nawpa ta, he biezy he nâmo lâ ei vaw roh. Chatanachôta chyhsa ta a molei khiahta cha, Paw lâta miah reikheituhpa mosiapa Zisu Krista eima hnei.

2 ZAWHÂNA 1:1

Awnanopa chhituhpa ta biehmeiseihpa liata kyh ei pachâpa chanô atlyhpa nata a sawzy ei châ naoh ei. Keima dei châ leipa ta, biehmeiseihpa a pahnopa zydua ta ama châ naoh hra.

2 ZAWHÂNA 1:3

Biehmeiseihpa nata kyhpachâna liata Paw Khazohpa nata Paw Sawchapawpa Zisu Krista tawhta ngiachhiena, zawngiahna nata thlalôhna eima hnohta y mawh sy.