ISAI 52:7 - Mara Bible RV (BSI)

⁷ Thlalôhna bie phuahpa ta, Lôtlâhna bie vaw tlôkhei ta, Zaio pachhana phuahpa ta, Zaio hnohta, “Na Khazohpa ta ryu a reih,” a tahtuhpa, Tlâhzy liata thâtihpha a vaw tlôkheituhpa phei cha, Â ngia ngaita kaw dia!

ISAI 52:7 ပူးပေါင်းရင်းမြစ်များ

HLAZY 59:13

Âmo cha na pathiiana ta kâsao khai sala, Khazohpa cha Zakaw pathlazy chô liata ryureih ta, Khizaw kaokih taihta ryu a reih tahpa pahno mawh ei sy. Selah

HLAZY 68:11

Abeipa ta bie pie ta, Cha thâtih a phuahtuhpa chanôzy cha, Ama hluh ngaita dia!

HLAZY 93:1

Abeipa ta ryureih ta, Abei poh ama pabu; Abeipa cha abei poh pabu ei ta, Thatlôna ta a chai â saih. Khizaw he pa-ipa châ ha ta, A chalyu beih aw vei.

HLAZY 96:10

Râhzy liata, “Abeipa ta ryu a reih! Khizaw he â ipa ta paduapa châ ta, A chalyu beih aw vei; Â khopa ta phopizy a pachia aw,” tah teh u.

HLAZY 97:1

Abeipa ta ryureih ta, Alei a ly sala, Liahpahlô hluhpizy ama thapha mawh sy!

HLAZY 98:2

Abeipa ta a pachhana pahnosa ha ta, Phopizy mohmô liata a siana a palâsa haw.

HLAZY 98:3

A kyhpachâna tleih beih leipa nata a ngâchhihna cha, Izarei phopi châta a thei thlâh ha ta; Eima Khazohpa pachhana cha, Khizaw kaokih zydua ta ama hmô haw.

HLAZY 99:1

Abeipa ta ryureih ta, Phopizy a chalyu mawh ei sy! Cherubizy chô liata a tyuhpa Bei châ ta, Alei he a sih mawh sy!

HLAZY HLA 2:8

Cha cha ei lôhdupaw ao a châ chu! Moh teh u, â vy hai, Tlâhpizy chô liata a vaw zaw laih ta, Tlâhthlôhzy chô liata châki a vaw zoh laih.

ISAI 24:23

Pheisaihzy Abeipa ta Zaio Tlâh nata Zerusale liata ryureih ta, A machâzy hmiakô liata A rônahna chaluahpa a châ tita; Thlâpâ khi hmiachhiepa ta y aw ta, Noh chhao nohzaopa ta a y aw.

ISAI 33:22

Abeipa cha miah pachiatuhpa châ ta, Abeipa cha ryhpa miah pietuhpa a châ. Abeipa cha eima bei châ ta, Ano ta miah a pachha aw.

ISAI 40:9

Hy Zaio lâ thâtihpha a tlôkheituhpa y, Tlâh sâhpa lâ khi kiah mah y. Hy Zerusale lâ thâtihpha a tlôkheituhpa y, Hmotaotheina chhaota na ao papua mah y. Chi leipa ta na ao papua la, Zudâh khihpizy hnohta, “Nama Khazohpa he moh teh u!” tah mah y.

ISAI 41:27

Keima tlai he Zaio hnohta, “Moh teh, he liata ama y,” A tah tua chaipa châ na ta, Zerusale hnohta thâtih phapa a phuah tua chaipa ei châ.

ISAI 42:11

Râhchawhpa nata a khihpizy ta ama ao papua ei sala, Kedâ mo pahrâna khihzy ta ama ao papua mawh ei sy; Selâ khihsawzy thaphapa ta hla sa ei sala, Tlâh lakizy tawhta awh mawh ei sy.

MIKÂ 4:7

Pheisypazy cha, Laibâhpazy ta tao aw ei na ta; Thy hapazy chhao, Râh thatlôpa ta ei tao aw ei; Abeipa ta Zaio tlâh liata, Ama chô liata ryu a reih aw; Tahmâ tawhta ama chô liata ryureih aw ta, Chhâzaw ta ryu a reih aw.

NÂHU 1:15

“Moh teh u, tlâhpizy liata thâtihpha vaw tlôkhei ta, Adyhna bie a vaw phuahtuhpa pheizy huh! Hy Zudâh, na kyhchhizy tao lymâ la, Na bietaizy patlô mah y; Moleipa cha tlokhuh chhawh pathlah hapa châ ta, Cha chapia heih beih khao aw vei.”

NÂHU 2:1

Hy Ninivâ, papaituhpa ta a cha vaw siehnao. Na thokhyzy liata chyhsa soh la, Lâpi vaih teh; Na chai a saih la, Na tha zydua pachhi teh.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

MATHAI 25:34

Abeipa ta a chachâh lâta a ypazy hnohta, ‘Ei Paw ta byhnâ a piepazy saih u, a vy u la, khizaw tao tua no tawhta khinarâh a chhuahdypa cha to teh u.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

MÂKA 13:10

Thâtihpha cha phopi zydua hnohta chho khai tua awpa a châ.

MÂKA 16:15

Ama hnohta, “Khizaw zydua liata sie u la, hmotaopa zydua hnohta thâtihpha chho teh u.

LUKA 2:10

Vâlyuhchâpa ta ama hnohta, “Chi khah u la, nathlie teh u, mo to châta thâtihpha lychhih ngaitapa ei cha vaw tlôkheipa ei.

LUKA 24:47

ano moh ta rona nata molei ngiahthaina thâtih cha, Zerusale tawhta pathaopa ta, phopi to hnohta chhopa a châ aw.’

EPHESI 6:15

Adyhna thâtihpha châta a mâ chiehpa ta ypa ta, nama phei liata adyhna pheiky a ky teh u.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.

BIEPHUAH 14:6

Chatawhcha vâlyuhchâpa hropa avâ liata a zaw ngâpa hmô na ta. Ano cha alei liata a pahrâpa râh to, chi to, reih to nata phopi to hnohta phuah awpa tlyzaw thâtihpha a hneipa a châ.