ISAI 52:5 - Mara Bible RV (BSI)

⁵ Chavâta tahmâ Babylaw liana he khâpa ei hnei khao tly?” Abeipa ta a tah. “Ei phopi cha a ty leipa ta siekheipa châ ei ta, Ama chô liata ryureituhpazy ta amâ hrâhhnao tyh,” Abeipa ta a tah. “Noh y ta ei moh reipachhie ei ta, Â zaopa ta ei moh ama reipachhie.

ISAI 52:5 ပူးပေါင်းရင်းမြစ်များ

2 SAMUELA 12:14

He na hmotaopa heta Abeipa chariahpazy châta ano ama reipachhie nawpa rypaohpa na taopa vâta, na saw a pihpa deikua cha a thi aw,” tah ta.

HLAZY 44:12

Na chyhsazy he sôh chyhta ta zuah chi ta, Ama mâ rupa zie ta haw va chi.

HLAZY 44:16

Pasipasawhtuhpa nata reipachhietuhpa pyu vâta, Chariahpa nata phuh latuhpa vâta, Cha hawhta a ypa ei châ.

HLAZY 74:10

Hy Khazohpa, khati taih ma khakhaipa ta a cha pahneisao aw? Chariahpa ta chhâzaw ta na moh a reipachhie aw ma?

HLAZY 74:18

Hy Abeipa, he he a thei mah y; Chariahpa ta cha pahneisao ta, Phopi hrupa ta na moh a reipachhie.

PUASAINA 3:7

Abeipa ta, “Izi râh liata ei phopi a ypazy riethei taozie hmô na ta, ama raihria hyutuhpazy vâta ama awhna ao chhao thei na ta, ama pachârôhnazy ei pahno.

ISAI 22:16

Nâ, su sâhpa liata thlâ khaoh khiepa ta, lôpanô liata na châta yna khaoh a reipa chi cha, khâpa vâta ma he liata na châta thlâ khaoh na khie tly? He liata tao awpa khâpa ma na hnei tly? He liata na chyhsa ahy ma a y tly?

ISAI 37:28

“Nâ tyupa pahno na ta, Na puapa nata nâ ngiapa ei pahno; Ei chô liata na hiehâhna chhao ei pahno.

ISAI 37:6

Isai ta ama hnohta, “Nama zibeipa cha hetana heta kei chho teh u: ‘Abeipa ta hetana heta a tah: Na bie theipa, Asuria bei chakaotuhpazy ta eina reipachhienazy vâ ei ta chi khah y.

ISAI 47:6

Ei phopi chô liata ei hiehâh ta, Ei ryuto râh cha papuapaleipa ta, Âmo cha na ku liata ei cha pie. Zawngiahna rai ama chô liata palâsa leipa chi ta, Machâpazy taihta phaohri a hri ngaitapa na paphaosa ei.

ISAI 51:20

Na sawchapawzy panao ei ta, Sao liata sathawh a aopa hawhta, Khiliah chaki to liata amâ zia; Abeipa pathiiana ta bie ei ta, Na Khazohpa rana ta ama bie.

ISAI 51:23

Ei hiehâhna nyu cha, Nâmo châ taolatuhpazy ku liata soh aw na ta, Nama hnohta, ‘A pazawh teh u, Nama chô liata eima vaw sie aw,’ Châ tahtuhpazy ku liata ei soh aw. Nama ky alei hawhta dao ei chi ta, Ama sie nawpa khiliah lâpi hawhta nama dao tyhpa kha.”

ISAI 52:3

Abeipa ta hetana heta a tah: “Mâ hnei leipa ta zuapa châ ei chi ta, Sôh leipa ta chatlaipa nama châ aw.”

ZEREMIAH 50:17

“Izarei cha mietaku pai patlapa châ ta, Chakeibarôhneipa ta â chadai pai hapa a châ. Asuria bei ta ano cha palâ tua ta, Tahmâ Babylaw bei Nebukaneza ta a ruzy a thlie haw.

CHAPHÔHTUNA 1:21

“Ei hrôpa thei ei ta, Châhrasala thlah nâ palôhtuhpa y veih ei. Ei chariahpa zydua ta ei nôpona thâtih thei ei ta, Cha hawhta eina paysapa chi cha amâ ly kaw. Noh na raopa vaw patlôsa ha chi ta, Âmo chhao kei hawhta châ hra mawh ei sy.

CHAPHÔHTUNA 2:3

Hiehâhna rupa ta Izarei ki zydua chhawh pachhô ta; Chariah hmia liata, Âmo tawhta a ku chachâh lâ â dao haw; Meipaleih hawhta Zakaw pathlazy hry liata kâ ta, A chheipâh zydua a kâ khai haw.

EZEKIA 20:14

Châhrasala ama mohmô liata ei kaw chhi papuapa phopizy hmiakô liata ei moh papuapaleipa ta a y lei nawpa ta, âmo cha hrie lei awpa lâta hmo ei tao lilaw hapa a châ.

EZEKIA 20:9

Châhrasala ama hry liata ama pahrâpa phopizy mohmô liata keimasasyh ta â pahnosapa ta, phopizy mohmô lia tlai ta Izi râh tawhta ei kaw chhi papuapa ama châpa vâta, phopizy mohmô liata ei moh papuapaleipa ta a y lei nawpa ta, âmo cha hrie lei awpa lâta hmo ei tao lilaw hapa a châ.

ZEPHANIA 1:10

“Cha noh liata, Nga Chhikao tawhta chana ao a pua aw; Vaih Thieh tawhta pachârohna ao pua aw ta, Tlâhthlôhzy tawhta raona pyu paro ngaitapazy a pua aw.

RAWMA 2:24

“Nâmo vâta Khazohpa moh cha Zenitaizy hry liata reipachhiepa ta a y,” tahpa ta ropa hawhna khata a châ.

RYUREITUHPAZY 18:3

Mikâ o kiah liata ama y nota, Livai satliapa ao thei ei ta, kei tlei ei ta, a hnohta, “Ahy ma he lâ châ vaw chhi? He su liana he khâpa ma na tao? He liata khâpa rai na hria?” tah ei ta.