ISAI 52:11 - Mara Bible RV (BSI)

¹¹ Pua teh u, pua teh u, Sei ta namâ tâhna su tawhta pua u la, Hmo pathaih leipa rai hria khah u. Nâmo, Abeipa hmobaoh a chabatuhpazy saih u, Babylaw tawhta pua u la, a pathai teh u.

ISAI 52:11 ပူးပေါင်းရင်းမြစ်များ

1 THÂTIHZYRONA 15:12

ama hnohta, “Nâmo cha Livai chi pawhrâh chaipazy nama châ. Abeipa, Izarei Khazohpa Byh cha a su ei chhuanohpa lâ namâ vaw sy thei nawpa ta, nâmo nata nama unawhzy a pathai teh u.

PUASAINA 30:19

Cha cha Arawna nata a sawchapawzy ku nata phei a si nawpa a châ aw.

ISAI 1:16

Nama ngai a sipa ta a pathai u la, Hmo moleipa nama taopazy ei mohmô tawhta pahlei teh u; Hmo pha leipa tao khao leipa u la,

ISAI 48:20

Babylaw tawhta pua u la, Kaldia tawhta a râ teh u; He kyh he hla ta awh u la, A lypa ta phuah teh u; Khizaw kaokih taihta pathâhsa u la, “Abeipa ta a chakaotuhpa Zakaw cha a chatlai haw!” Tahpa ta phuah teh u.

ISAI 66:20

Nama unawhpa zydua cha, Abeipa lâta hmohlâpa châta râh to tawhta a vaw chhi aw ei ta, arâzy, talailihzy, asynazy, sabaituzy, râraoseihpazy kiapa ta ei tlâh pathaihpa Zerusale lâ amâ vaw chhi aw,” Abeipa ta a tah. “Izarei sawzy ta hmobaoh pathaihpa ta Abeipa o lâ niepa hlâna ama vaw cheipa hawhta, nama unawhzy cha Abeipa lâta hmohlâpa châta amâ vaw chhi aw.

ZEREMIAH 31:21

“Lâpi ngianazy a tao la, Lâpi pahnona tôhzy a bô teh; Lâlai cha a phapa ta ngia la, Lâpi nâ chhihpa cha a phapa ta ngia mah y. Hy Izarei laihsa kôpa, vaw kua la, Na khihpizy lâ he vaw kua ha mah y.

ZEREMIAH 50:8

“Babylaw tawhta a râ u la, Kaldia râh tawhta pua teh u; Mie zaw liata mie tôhpazy hawhta y teh u.

ZEREMIAH 51:45

“Hy ei phopi sawzy, Babylaw chhôh tawhta pua teh u; Abeipa hiehâhna ru ngaitapa tawhta, Chyhsa to ama hrona pabohsa mawh ei sy!

ZEREMIAH 51:6

“Babylaw khih chhôh tawhta a râ u la, Chyhsa to ama hrona pabohsa mawh ei sy! Babylaw moleina vâta leidia khah u; He he Abeipa phuh lana daihti châ ta, Babylaw viari a thôna daihti a châ hih.

EZEKIA 44:23

Ei phopi cha hmo ziehpa nata zieh leipa ananona pachu aw ei ta, hmo pathaihpa nata pathaih leipa ananona ama pachu awpa a châ.

THEIHTHAINA 10:3

Chatanachata Mawsi ta Arawna hnohta, “He he Abeipa ta, Nâ hniatuhpazy hry liata Pathaihpa ta a luah aw na ta, Chyhsa zydua hmiakô liata Palyupalihpa ta ei y aw, A tahpa kha a châ hih,” tah ta. Arawna cha a chalih thlâh ha ta.

THEIHTHAINA 11:45

Kei he nama Khazohpa châ awpa ta Izi râh tawhta châ kaw chhi papuatuhpa Abeipa ei châ. Kei pathaih tlôh na ta, chavâta nâmo chhao nama pathaih awpa a châ.

THEIHTHAINA 11:47

Pathaihpa nata pathaih leipa panano awpa châ ta, hmohrohneipa nie theipa nata hmohrohneipa nie lei awpa chi chhao panano awpa a châ,” tah ta.

THEIHTHAINA 21:6

Ama Khazohpa châta ama pathaih awpa châ ta, ama Khazohpa moh ama papuapalei awpa châ vei. Khazohpa tovyuh a niepa châ ei ta, Abeipa lâta hmohlâpazy mei ta a hlâ tyhpa ama châpa vâta, ama pathaih awpa a châ.

ZEKARIA 2:10

“Hy Zaio Sawchanô y, awh la, a ly teh! Moh teh, ei vy hai, na hnohta ei pahrâ aw,” Abeipa ta a tah.

ZEKARIA 2:11

“Cha noh liata phopi hluhpi ta Abeipa a pazao aw ei ta, ei phopi ama châ aw. Na hnohta pahrâ aw na ta, Pheisaihzy Abeipa ta na hnohta eina vaw tuah tahpa na pahno aw.

MALUHREINA 16:26

Zawpi hnohta, “He chyhsa moleipazy poh o tawhna heta pua teh u. Ama hneipa chhao khâpa hmah hria khuh vy. Chataleipatala ama moleina zydua vâta pahleipadiapa nama châ pathlei aw,” tah ta.

MALUHREINA 19:11

“Athihpa ri a hriapa maih noh sari chhôh pathaih leipa a châ aw.

MALUHREINA 19:16

Ahy rai lyurâhpa liata zaozi ta thiepa tlyma, pihthi ta a thipa tlyma, chyhsa rupa tlyma, thlâ tlyma a hriapa maih cha, noh sari chhôh pathaih leipa a châ aw.

MALUHREINA 8:6

“Izarei sawzy hry tawhta Livai pathlazy panano la, âmo cha pathaisa mah y.

HMOTAOPAZY 10:14

Châhrasala Pity ta, “Abeipa, châ vei, ânapa nata pathaih leipa khâpa hmah nie beih va na,” tah ta.

HMOTAOPAZY 10:28

Ama hnohta, “Zu chyhsa châta chihropa chyhsa a pahlaopa nata a o liata chareipa cha ânapa hmo a chânazie nâmo chhao ta nama pahno. Châhrasala ahy hmah ânapa nata pathaih leipa ei tah awpa a châ leizie Khazohpa ta eina pahmôsa.

RAWMA 14:14

Abeipa Zisu liata pathaih leipa khâpa hmah y vei tahpa a siapa ta ei pahno. Pathaih leipa hawhta a pachâpa châta deikua cha, pathaih leipa a châ.

2 KAWRINI 6:17

“Chavâta ama hry tawhta pua u la, Â nano ta y teh u, Abeipa ta a tah. Hmo pathaih leipa hria khuh vy, Chatanachata ei châ ly aw ei;

EPHESI 5:11

Zohna hmotaopa a pathei beih leipazy liata a hlao leipa u la, zohna hmotaopazy cha tlao palâhâh teh u.

1 PITY 2:11

Kho ngaitapa saih u, khichhaipa nata khitlyhpa nama châpa vâta, thlahpa a dyuhtuhpa sapa aohraohnazy bâhsai awpa ta ei châ haw ei.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

BIEPHUAH 18:4

Chatawhcha avâ tawhta ao hropa thei na ta, ao chata, “Hy ei phopi, Ano tawhta vaw pua teh u; Chataleipatala a moleinazy liata a hlao pathlei aw ei chi ta, A potlana liata namâ hlao pathlei aw na.