ISAI 51:9 - Mara Bible RV (BSI)

⁹ Hy Abeipa bâh y, a hra la, a hra la, Thatlôna ta a tobi mah y. Chhâ a khô hapazy liata nâ hrapa hawhna khata a hra la, Hlâno daihti liata nâ hrapa hawhna khata a hra heih mah y. Rahâbi a chhawh pachhô khai hapa kha, Nâma châ chi ta; Drâkao a chô pahlietuhpa chhao kha, Nâma ma na châ vei?

ISAI 51:9 ပူးပေါင်းရင်းမြစ်များ

ZAWBÂ 26:12

A hmotaotheina ta tilaipi chatlaosa ta, A pahnona ta Rahâbi a thie.

ZAWBÂ 9:13

Khazohpa cha a hiehâhna a sy leipa châ ta, Rahâbi baotuhpazy chhao ta a ry liata amâ bôh tyh.

HLAZY 21:13

Hy Abeipa, na thatlôna liata palyupalihpa ta y aw chi ta, Na hmotaotheina reithaipa ta hla eima sa aw.

HLAZY 44:1

Hy Khazohpa, hlâno daihtizy liata, Miah pathlatuhpazy daihti liata na hmotaopazy kha; Miah pathlatuhpazy ta miah chho ei ta, Eima nah ta eima thei haw.

HLAZY 44:2

Nâma ku tlai ta phopizy papuapa ta, Miah pathlatuhpazy cha loh chi ta; Phopizy pasasa chi ta, Miah pathlatuhpazy deikua cha na pabohsa ei.

HLAZY 44:23

Hy Abeipa, a hra mah y, Khazia nâ mo thlâh haw? Thyu la, Tlyzaw ta miah dytha khah y!

HLAZY 44:24

Khazia na hmia nyu chi ta, Eima pasataona nata tlybaina zy he na my thlâh ha tly?

HLAZY 59:4

Ei taopasi leipa chhao ta, Na tei awpa ta a râ ei ta, Amâ kei chhuanoh. A hra la, na bao awpa ta a vy la, moh tua.

HLAZY 7:6

Hy Abeipa, na hiehâhpa ta thyu la, Ei chariahpazy ruchhôna thyuhnao mah y; Keima châta a hra la, Adona bie pathlu mah y.

HLAZY 77:5

Hlâno daihtizy rohpady na ta, Kô hluhpi a khô hapazy ei pachâ tyh.

HLAZY 78:65

Abeipa cha â môpa tawhta a kaw hra ta, Chyhsa thatlôpa ta kresawhti vâta a awhpa hawhta awh ta.

HLAZY 87:4

Nâ pahnopazy hry liata a hlao hrapa, Rahâbi nata Babylaw kyh reih aw na ta, Pachâ teh, Philistia nata Tyre kyh reipa ta, Kusi kyh chhao reih aw na ta, “He chyhsa he Zaio liata a pihpa a châ,” ama tah aw.

HLAZY 89:10

Rahâbi cha chyhsa thiepa hawhta taichheih chi ta, Na chariahpazy na bâh thatlôna ta na papai ha ei.

HLAZY 89:11

Vârâhzy khi nâma eih châ ta, Alei chhao he nâ eih a châ; Khizaw nata a chhôh liata a ypa zydua he, Na taopa sai a châ.

HLAZY 93:1

Abeipa ta ryureih ta, Abei poh ama pabu; Abeipa cha abei poh pabu ei ta, Thatlôna ta a chai â saih. Khizaw he pa-ipa châ ha ta, A chalyu beih aw vei.

PUASAINA 6:6

Chavâta Izarei sawzy hnohta, ‘Zehôvâh ta hetana heta a tah: Kei he Zehôvâh ei châ. Izi mo ta phaohri ama cha pavina ry tawhta cha thaoh papuapa ta, ama sei châna tawhta cha pachha aw ei na ta, bâh pazawhpa nata pachiana rônahpa ta ei cha chatlai aw ei.

ISAI 27:1

Cha noh liata, Abeipa ta a zaozi laipa, tiahpa nata thatlôpa hmâpa ta, Leviathâ parihpi a chakhao ngâpa cha a hrie aw. Leviathâ parihpi a pakipa cha hrie aw ta, tilaipi liata parihpi a ypa cha a thie aw.

ISAI 30:7

Izi baona cha phahnai leipa châ ta, Aruapa a châ; Chavâta Izi cha, “Rahâbi a tyuh molopa,” Tahpa ta a moh ei bi.

ISAI 51:17

Hy Zerusale, a hra la, Nâmasasyh ta a pahra la, a duah teh. Nâ, Abeipa ku tawhta a hiehâhna nyu doh chi ta, Biebuh chaopahrâ taihta dohpa ta, Paochheichhâna nyu a dohtuhpa y, A hra la, nâmasasyh ta a pahra mah y.

ISAI 51:5

Ei siana a vaw hnia ta, Ei pachhana a vaw pua; Ei bâhzy heta phopizy chô liata ryureina dopa a patlôsa aw. Tilaipi kiah râhzy ta na mokhâh aw ei ta, Hnabeiseihpa ta eina hâ aw ei.

ISAI 52:1

Hy Zaio, a hra la, a hra la, Na thatlôna ta a tobi mah y; Hy Zerusale, khihpi pathaihpa, Na chysia a ngiapazy ta a tobi mah y. Tahmâ tawhta cha, Chopawtaileipa nata pathaih leipazy Na chhôh liata a ngia khao aw veih ei.

ISAI 52:10

Abeipa ta râh zydua mohmô liata A bâh pathaihpa chaluah ha ta, Khizaw kaokih zydua ta Eima Khazohpa pachhana cha ama hmô aw.

ISAI 53:1

Ahy ma keimo tawhta bie a theipa a ngiapâ ta, Ahy hnohta ma Abeipa bâh phualuahpa a châ tly?

ISAI 62:8

Abeipa ta a ku chachâh lâta bie a taih ha ta, A bâh thatlôpa ta hetana heta bie â taih haw: “Na sâh cha na chariahpazy nie awpa ta Pie khao leipa aw na ta, Na hriapasana kresawhti cha, Chihropazy ta doh khao aw veih ei.

EZEKIA 29:3

‘Abeipa Zehôvâh ta hetana heta a tah,’ tah teh: “Nâ, Izi bei Phiraoh, Chavahzy liah liata tisadâh rarôh ypa, ‘Nile chavah he kei eih châ ta, Keima châ tlai ta ei taopa a châ,’ a tahtuhpa y, Moh teh, ei châ dyuh hih.

MIKÂ 7:15

Izi râh tawhta na kaw puana nohzy hawhna khata, Hmo noâhpazy ei pahmô aw ei.

HABAKU 2:19

Thotô hnohta, ‘Thyu teh’ tah ta, Hrona hnei leipa lôtô hnohta, ‘A hra teh,’ A tahtuhpa cha a hu a po na! Cha chata a chhihtha thei aw ma? Moh tua, ngôh nata tâkâ ta pahupa châ ta, Ano liata husona rai hnei vei.

HABAKU 3:13

Na phopi pachha awpa ta pua chi ta, Na sathawthupa pachha awpa ta na pua. Moleipazy pathlatuhpa luh cha, A zao khaina taihta charieh chi ta, A luh tawhta a padih taihta na parao khai haw. Selah

ZEKARIA 10:11

Tilaipi chichhihpa siepahlie aw ta, Tilaipi tichatlaopazy a tu aw; Chatanachata Nile Chavah a thu ngaitapazy chhao, A kua khai ha aw. Asuria apalaina cha panawhpa châ aw ta, Izi abeina chhao a sie aw.

ZEKARIA 2:13

Chyhsapa zydua saih u, Abeipa cha a pahrâna su pathaihpa tawhta kaw thyu ha ta, chavâta a hmiakô liata sidiapa ta y muh vy.

LUKA 1:51

A bâh ta a thatlôzie pamosa ta, Palôh laipazy a papaipatla tyh.

ZAWHÂNA 12:38

He he hrohsopa Isai ta, “Abeipa, eima bie reipa ahy ma a ngiapâ? Abeipa bâh ahy hnohta ma â luah?” tahpa ta a reipa kha a vaw tlô nawpa ta a châ.

HMOTAOPAZY 7:7

Châhrasala Khazohpa ta, ‘Sei châpa ta ama chakaopa phopi cha pachia aw na ta, cha khai tawhta kaw pua aw ei ta, he su liata eina chakao aw ei,’ tah ta.

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?

BIEPHUAH 11:17

“Hy Abeipa Khazohpa Atotaotheipa, A y haipa nata a y hapa y, Na hmotaotheina rônahpa ta ryureih chi ta, Alyna bie eima cha hlâ.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

RYUREITUHPAZY 6:13

Kidia ta a hnohta, “Hy ei zibeipa, Abeipa eima hnohta a y tlôh khiahta cha, khazia ma he hawhpa hmo zydua he eima chô liata a vaw tlô tly? Miah pathlatuhpazy ta miah ama chho tyhpa, a hmo noâh taopa zydua kha khataih liata ma a y khai ha tly? ‘Abeipa ta Izi râh tawhta miah â kaw chhi,’ tahpa ta miah chho ei ta, tahmâ cha Abeipa ta miah pathlua ha ta, Midia ku liata miah a hlâ ha he zaw,” tah ta.