ISAI 51:8 - Mara Bible RV (BSI)

⁸ Chhoma-u ta chysia a niepa hawhta âmo cha nie aw ta, Alôpa ta sahmi pala a niepa hawhta a nie ha aw ei. Ei siana deikua cha tlyzaw ta y aw ta, Ei pachhana chhao chhâ zydua taihta a y aw.”

ISAI 51:8 ပူးပေါင်းရင်းမြစ်များ

ZAWBÂ 13:28

Chyhsapa cha hmo thupa hawhta zaotla ta, Chhoma-u niepa chysia hmypa hawhta a zaotla tyh.”

ZAWBÂ 4:19

Beihlei o liata a pahrâpazy, Dohlei liata abôna lô a bôpazy, Tâbalâpa hawhta thie naopazy chhochhi cha, A ngâ lei pachai aw dia!

ISAI 14:11

Nâ papiparysana kha Athihkhih lâ sie ha ta, Na totâ pyu chhao Athihkhih lâ a sie haw. A ry lâta na hmohphaw châta, Alôpazy phawpa châ ta; A chô lâta nâ bu awpa ta, Châkariepazy sopa a châ.

ISAI 45:17

Izarei deikua cha Abeipa ta pachha ta, Tlyzaw pachhana ta a pachha haw. Nozapa ta y khao leipa aw ei chi ta, Tlyzaw taihta nohzaopa ta y khao aw veih ei chi.

ISAI 46:13

Ei siana vaw pahniasa hai na ta, A hla khao vei; Ei pachhana chhao, Bohpi châ khao aw vei. Zaio liata pachhana patlôsa aw na ta, Izarei liata ei rônahna ei paysa aw.”

ISAI 50:9

Moh teh u, Abeipa Zehôvâh ta na bao aw ta, Ahy thailei nâ pachâsa thei aw tly? Ama zydua ta chysia hawhta paroh aw ei ta, Chhoma-u ta a nie khai aw ei.

ISAI 51:6

Chô lâ avâzy khi sai u la, Ry lâta alei he moh tua u. Avâzy khi meikhuh hawhta pai aw ei ta, Alei he chysia hawhta paroh aw ta, A chhôh liata a pahrâpazy mathyupa hawhta ama thi aw. Ei pachhana deikua cha tlyzaw ta y aw ta, Ei siana chhao tleih beih aw vei.

ISAI 54:9

“Cha hmo cha, Ei châta Nôah hro no hawhna khata châ ta; ‘Nôah tizy ta alei vao khao aw vei,’ Tahpa ta bie ei vaw taih hapa hawhna khata, Na chô liata chhao, Hiehâh khao lei awpa ta bie a taih na ta, Cha ra khao lei awpa ta bie ei taih haw.

ISAI 66:24

“Pua aw ei ta, nâ dyuhtuhpazy ri ama moh tyh aw. Ama lôpazy thi leipa aw ta, ama mei pachhaipa châ hra leipa aw ta, chyhsa zydua châta hmo pasichhih ngaitapa ama châ aw,” Abeipa ta a tah.

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

HÔSIA 5:12

Keima hmâchhâh he Epharai châta Chhoma-u hawhta châ na ta, Zudâh chhôhkha châta hmyna hawhta ei châ.

LUKA 1:50

A zawngiahna cha ano a chipazy châta châ ta, Chhâzaw nata tlyzaw ta a y aw.