ISAI 51:7 - Mara Bible RV (BSI)

⁷ “Nâmo, siana a pahnopazy saih u, Na nathlie u la; Ei ryhpa bie palôh liata a vaopazy saih u, Na nathlie teh u. Chyhsa ta ama reipachhiena chi leipa u la, Ama riethlana vâta nama nôpo khah sy.

ISAI 51:7 ပူးပေါင်းရင်းမြစ်များ

HLAZY 37:31

A Khazohpa ryhpa cha a palôh liata y ta, A siena liata a tai aw vei.

HLAZY 40:8

Hy ei Khazohpa, na khopa taona liata a ly na ta, Na ryhpa cha ei palôh liata a y,” tah na ta.

ISAI 25:8

Thina cha tlyzaw ta pahlei aw ta, Abeipa Zehôvâh ta Chyhsa zydua hmia tawhta mothlihzy hru khai aw ta; A phopi nohzaona chhao, Khizaw zydua liata a pachhâsa aw; Cha bie a reihpa cha Abeipa a châ.

ISAI 33:22

Abeipa cha miah pachiatuhpa châ ta, Abeipa cha ryhpa miah pietuhpa a châ. Abeipa cha eima bei châ ta, Ano ta miah a pachha aw.

ISAI 37:6

Isai ta ama hnohta, “Nama zibeipa cha hetana heta kei chho teh u: ‘Abeipa ta hetana heta a tah: Na bie theipa, Asuria bei chakaotuhpazy ta eina reipachhienazy vâ ei ta chi khah y.

ISAI 51:1

“Nâmo, siana a chadaituhpazy saih u, Na nathlie u la; Nâmo, Abeipa a tluatuhpazy saih u, Na nathlie teh u. Ama cha khyna lôpanô lâ moh u la, Ama cha chaona alô thih lâ moh teh u.

ISAI 54:4

“Chi khah y, Maophyuh khao aw va chi; Na no za khah sy, Hmiachhiepa ta y khao aw va chi. Na thyutlia nota na maophyuhna kha my aw chi ta, Na nôhmeina moh chhiena a thei khao aw va chi.

ZEREMIAH 1:17

Nâ deikua cha, na chai a saih la, thyu la, bi ei cha piepa zydua ama hnohta reih mah y. Ama hmiakô liata thlazohpa ta y khah y, chataleipatala ama hmiakô liata thlazohpa ta ei cha paysa pathlei aw na.

EZEKIA 2:6

“Nâ deikua cha, chyhsa sawchapawpa y, ahloh nata diahsaizy ta cha chadôpa ta, râh cha-iazy hry liata pahrâ hra la, âmo cha chi leipa la, ama biezy chi hra khah y. Saw chhorupazy châ ei ta, chavâta ama biezy chi leipa la, ama hmiaphaozy vâta thlazohpa ta y khah y.

MATHAI 10:28

Pôhpa thie thei ta, thlahpa a thie thei leipazy chi leipa u la, hrienasu liata pôhpa nata thlahpa a pahleipadia theipa cha tlao chi teh u.

MATHAI 5:11

“Chyhsa ta keima vâta cha reipachhiepa ta nata cha taolapa ta, bie pha leipa to ta â doleipa ta ama cha tei tita, nama nohlao na.

LUKA 6:22

“Chyhsa Sawchapawpa vâta, chyhsazy ta châ haopa ta, cha pathluapa ta, cha pasipasawhpa ta, nama moh ama cha pachhie tita, nama nohlao na!

HMOTAOPAZY 5:41

Lyuhchâpazy cha ryureina tawhta pua ei ta, cha moh vâta maophyuhna a tao tlâhpa ta raopa ama châpa cha a ly ngaita ei ta.

2 KAWRINI 3:3

Nâmo he Krista ta keimo miah a parosapa Krista châpaphaopa châ ei chi ta, châti ta ropa châ leipa ta, lôphia liata ropa châ hra leipa ta, Khazohpa hrohpa Thlahpa ta chyhsa palôh phiapa liata ropa nama châzie a siapa ta nama palâsa haw.

RYHPACHANEINA 6:6

Tanoh ta bie ei cha piepazy ei he, nama palôh liata y thlâh ha mawh sy.

PHILIPI 3:10

Chatanachata Krista nata a thyuheihna hmotaotheina cha pahno aw na ta, a rietheitaona liata a hlao hrapa ta, a thina liata ano hawhta thi hrapa ta,

PHILIPI 3:8

Cha dei châ vei, ei Beipa Zisu Krista pahnopa cha hmo hropa zydua hlâta sôh via ta, chavâta hmo to kyna ta ei rao khai. Krista cha ei thôhkhei thei nawpa ta, ano vâta hmo to ky na ta, hmo hropa zydua cha hnaihny hawh dei ta ei rao.

HEBRAI 10:16

“Cha nohzy hnôhlâ ta, Ama hnohta biehrai ei tao awpa cha, He he a châ, Abeipa ta a tah: Ama palôh liata ei ryhpa biezy soh aw na ta, Ama pachâna liata ei roh hra aw,” a tah khai tawhta,

1 PITY 4:14

Krista moh vâta pasipasawhpa nama châ khiahta cha, rônahna Thlahpa nata Khazohpa Thlahpa cha nama chô liata y ta, chavâta nama nohlao aw.

1 PITY 4:4

Cha kyh liata phasa ngaitapa ta ama y tyhpa liata namâ hlao khao leipa ama noâh kaw ta, ama cha reipachhie tyh.