ISAI 51:3 - Mara Bible RV (BSI)

³ Abeipa ta Zaio cha thlapalôh ta, A su rypa zydua thlah a palôh haw. A râhchawhpa cha Idâh hawhta tao ta, A sadi bypi chhao Abeipa sadô hawhta a tao haw. Cha liata alyna nata thaphana y aw ta, Alyna bie reina nata hla sana pyu zy a y aw.

ISAI 51:3 ပူးပေါင်းရင်းမြစ်များ

ÂTHAONA 13:10

Lawta cha mohmia pasaih ta, Zawâ tlôna taihta Zawdâh bypi zydua cha Abeipa sadô hawhta nata Izi râh hawhta ti phana by a châpa ta hmô ta. Cha cha Abeipa ta Sawdawmâ nata Kawmawrâ khih a parao hlâ daihti a châ.

HLAZY 85:8

Zehôvâh Khazohpa ta bie a rei awpa cha ei nathlie aw; A phopi hnohta thlalôhna bie reih aw ta, A mopathaihpazy hnohta a reih aw; Âmo deikua cha hruna lâ a heih khao khah ei sy.

ISAI 12:1

Cha noh liata hetana heta na tah aw: “Hy Abeipa, alyna bie ei cha hlâ; Ei chô liata na hie vaw hâh ha hra sala, Na hiehâhna chalihsa chi ta, Thlah eina palôh ha chi.

ISAI 25:9

Cha noh liata hetana heta ama tah aw: “Moh teh u, he he eima Khazohpa cha châ ta, Miah pachha awpa ta eima hâpa Khazohpa cha a châ hih. He he Abeipa cha châ ta, Ano tlai he eima hâpa a châ hih. A pachhana liata a ly ei sih la, Thaphapa ta y ei suh u.”

ISAI 35:6

Pheisypa sakhih hawhta a chapie aw ta, Reih pathlie thai leipa paleih chhao, Thaphapa ta hla a sa aw. Râhchawhpa liata tizy pua aw ei ta, Sadi bypizy liata vahtie tizy ama loh aw.

ISAI 41:16

Âmo cha zie aw chi ta, Thlih ta phaoh aw ta; Chothyu ta a hiepatla khai aw ei. Chatawhcha Abeipa liata a ly aw chi ta, Izarei Mo Pathaihpa cha nâ palaikhei aw.

ISAI 43:19

Moh teh u, hmo thiehpa tao aw na ta, Tahmâ tlai chhao he y ha ta, Hmô veih ei chi ma? Râhchawhpa liata lâpi tao aw na ta, Râh raohpa liata chavahzy ei tao aw.

ISAI 44:26

Nâ chakaotuhpazy bie pa-i na ta, Ei lyuhchâpazy ryhraopa a patlôsatuhpa ei châ. Zerusale kyh liata, ‘Cha liata chyhsa ama pahrâ heih aw,’ tah na ta, Zudâh khihpizy kyh liata, ‘Paduapathipa châ aw ei ta, Roryhrapa khihpizy ei paduapathi aw ei,’ A tahtuhpa ei châ.

ISAI 49:13

Hy avâzy saih u, thaphapa ta hla sa u la, Hy leilô y, a lypa ta y mah y. Hy tlâhpizy saih u, Lyna hla paryh teh u! Abeipa ta a phopi thlah palôh ha ta, A chyhsa pasa a taopazy a ngiachhie aw ei.

ISAI 49:19

“Khih rypa nata roryhrapa ta cha tao ei ta, Râh raopa ta cha tao ha hra ei sala, Tahmâ cha na khihsawzy châta Na buah tuna lâ châ aw ta, Châ palâtuhpazy kha, Lâhlapi lâta ama y khai aw.

ISAI 49:8

Abeipa ta hetana heta a tah: “Khokheina daihti liata châ chhy na ta, Pachhana noh liata ei cha bao. Râh paduapathi ta, Roryhrapa ta a y hapa ryuto râhzy rai awpa ta, Biehrai phopi châta cha tao na ta, ei cha rao.

ISAI 51:12

“Kei, kei tlai he nâmo thlah châ palôhtuhpa cha ei châ; Thi theipa chyhsapa tlai a chi thlâh hapa chi cha, Ahy ma na vaw châ ha tly? Sibiepa hawhta taopa chyhsa sawchapawpa tlai a chi thlâh hapa chi cha, Ahy ma na vaw châ ha tly?

ISAI 52:9

Hy Zerusale su rypazy saih u, Hmaohkha ta ly hla paryh teh u, Abeipa ta a phopi thlapalôh ha ta, Zerusale a chatlai haw.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ISAI 65:18

Châhrasala hmo ei taopazy liana heta Thaphapa nata alypa ta khâ y teh u. Moh teh u, Zerusale cha alyna châta tao na ta, A khihsawzy chhao thaphana châta ei tao.

ZEREMIAH 31:25

Hro thachhâpazy lôhrâ patlô aw ei na ta, hro panaopa maih ama tha ei patlô aw ei.”

EZEKIA 28:13

Khazohpa sadô Idâh liata y chi ta, Lôsôhpa to ta khupa na châ. Sâdi, tôpazi nata lônah zy, Beri, ôni nata zaspi zy, Saphai, emyrâ nata kabuni Lôsôhpazy ta khupa châ chi ta, Ngôh ta tobipa na châ. Taopa na châna noh liata, Cha hawhta pachhuahpanohpa na châ.

EZEKIA 36:11

Nama chô liata chyhsapa nata sa zy papôhsa aw ei na ta, pôh aw ei ta, thei ama pathei aw. Hlâno hawhna khata nama chô liata chyhsa pahrâsa heih aw ei na ta, khahlâ ta nama duahmo hlâta pha via syulyupa ta ei cha tao aw ei. Chatanachata kei he Abeipa ei châ tahpa nama pahno aw.

EZEKIA 36:35

Chatanachata, ‘He râh, roryhrapa ta a y hapa râh he, Idâh sadô hawhta vaw châ ha ta, khihpi rypa nata roryhrapa nata a rao hapazy cha chyhsa pahrâna thokhy khihpizy ama vaw châ ha heih,’ ama tah awh.

ZÔELA 2:3

Mei ta ama hmia lâta palâ laih ta, Meipaleih ta ama hnôh lâta a kâ laih. Ama hmia lâta râh cha, Idâh sadô lyu ta; Ama hnôh lâta râh deikua cha, Râhchawhpa roryhrapa hawhta a châ; Âmo tawhta a boh theipa y vei.

1 PITY 1:8

Krista cha nama hmô leipa chhao ta a kyh pachâ ei chi ta, tahmâ hmô hra vei u la, a ngiapâ ei chi ta, pakah ta rei khai thei leipa alyna nata rônahna ta biepa ta,