ISAI 51:23 - Mara Bible RV (BSI)

²³ Ei hiehâhna nyu cha, Nâmo châ taolatuhpazy ku liata soh aw na ta, Nama hnohta, ‘A pazawh teh u, Nama chô liata eima vaw sie aw,’ Châ tahtuhpazy ku liata ei soh aw. Nama ky alei hawhta dao ei chi ta, Ama sie nawpa khiliah lâpi hawhta nama dao tyhpa kha.”

ISAI 51:23 ပူးပေါင်းရင်းမြစ်များ

HLAZY 129:3

Leipalietuhpazy ta ei ky liata lei palie ei ta, Lei pathuana tlâh seihpa ama tao,” tah mawh sy!

HLAZY 66:12

Eima luh chô liata chyhsazy pakiasa chi ta, Mei nata ti sie pahlie pi ta, Chatanachôta ativyna su lâ miah nâ chhi papua.

BIESOZY 11:8

Mosiapa cha nôpona tawhta pachhapa châ ta, Moleipa deikua cha nôpona lâ tlao â ngia tyh.

BIESOZY 21:18

Moleipa cha mosiapa châta chatlaina châ aw ta, Apaphasaituhpa chhao chyhsa dopa châta chatlaina a châ aw.

ÔBADIA 1:16

Ei tlâh pathaihpa liata nyu nama dopa hawhna khata, Phopi zydua ta ama doh aw; Dopa ta palâ aw ei ta, A pih leipa hawhta ama châ aw.”

MIKÂ 7:10

Chatanachata, “Abeipa na Khazohpa cha, Khataih liata ma a y haw?” Nâ tahtuhpa ei chariahpa ta hmô aw ta, Nozana ta a khu aw. Ei mozy ta panawhpa ta a ypa cha moh aw ta, Lâpi chiatlao hawhta tlypâpa a châ bâ aw.

ZEKARIA 12:2

“Moh teh u, Zerusale cha a chheipâh liata phopi zydua châta parina nyu ta tao aw na ta, Zerusale dôhna liata Zudâh chhao dôh pâpa a châ aw.

ZAWSUA 10:24

Beizy cha Zawsua kô ama vaw tlôkhei nahta, Zawsua ta Izarei chapaw zydua awpakhy ta, a hnohta a sie hrapa pheisaih hyutuhpazy hnohta, “A vaw hnia u la, he beizy rao he vaw tly teh u,” tah ta. A vaw hnia ei ta, beizy rao cha tly ei ta.

BIEPHUAH 11:2

Achhyna o khôtho lâ dôhpachhôh tlyhmia deikua thlie leipa la, siesai mah y. Cha cha Zenitaizy hnohta piepa châ ha ta, âmo ta khihpi pathaihpa cha thla sypalih nata thla no ama tlypâ aw.

BIEPHUAH 17:18

Chanô na hmôpa kha khihpi rônahpa, lei beizy chô liata ryureituhpa a châ,” tah ta.