ISAI 51:19 - Mara Bible RV (BSI)

¹⁹ He hmo miano heta cha vaw tlô thlu ta, Ahy ma na hna châ pangâh aw? Roryhrana nata paraona ta cha vaw tlô thlu ta, Ahy ma thlah châ palôh aw? Chakâhna nata zaozi ta cha vaw tlô thlu ta, Ahy ma thlah châ palôh aw?

ISAI 51:19 ပူးပေါင်းရင်းမြစ်များ

ZAWBÂ 2:11

Zawbâ viasa pathôhzy ta Zawbâ chô liata hmo pha leipa a tla thlupa zydua cha ama thei nahta, Temani chyhsa Elipha, Suhi chyhsa Bildâ nata Nâmâ chyhsa Zôpha zy cha ama yna su chyu tawhta a vy ei ta. A pahrua ei ta, Zawbâ ama pasakheina palâsa ta thlapalôh awpa ta hmaohkha ta vaw tlô ei ta.

ZAWBÂ 42:11

A unawhpa nata a sietanô zydua nata kha hlâta a hmiapahnopa zydua ano lâ a vy ei ta, a o liata a hnohta pati dôh ei ta. Abeipa ta a chô liata hmo pha leipa a patlôsapa zydua vâta taokheipa ta a thlapalôh ei ta. Tâkâ nata ngôh kusadizy pie chyu ei ta.

HLAZY 69:20

Reipachhienazy ta ei palôh pasasa ei ta, Pachârôhpa ta ei y. Nâ ngiachhie awpa tlua na ta, Châhrasala ahy hmah y veih ei; Thlah nâ palôh awpa tlua na ta, Châhrasala pakha hmah hmô veih ei na.

BIECHHOTUHPA 4:1

Pachâ via heih na ta, noh ry liata tlybaina zydua hmô na ta. Moh teh u, tlybaipa ta a ypazy cha mothlih chhaota y ei ta, thlah a palôh awpa hnei veih ei. Âmo a tlybaituhpazy cha hmotaotheina hnei ei ta, âmo deikua cha thlah a palôh awpa y veih ei.

ISAI 14:30

Dyhchhie chaipazy chhao ta, Ama tlaih nawpa sibiepa su hnei aw ei ta; Dyhchhiepazy â bohpa ta amâ zia aw. Nâma thari deikua cha, Chakâhna ta thie aw na ta; Na chyhsa laibâhpazy cha, Chakâhna ta a thie khai aw ei.

ISAI 22:4

Chavâta hetana heta ei tah: “Ahro lâ nâ heihsai teh u, Raithlih palopa ta thata ei cha aw; Ei phopi zuah raona kyh liata, Thlah na palôh khoh hlei khuh vy.”

ISAI 47:9

He hmo mianopazy heta, Movi hlâta cha vaw tlô thlu aw ta, Noh kha chhôh ta a cha vaw tlô thlu aw: Dyu hluhpi hmâpa ta, Pachaona hmotaothei ngaitapazy ta pachao hra la, Sawzy pahleina nata nôhmeina zy ta Rarôh ypa ta a cha vaw tlô thlu aw.

ISAI 54:11

“Hy nâ, pasa pataosapa ta y chi ta, Thlihpawpa ta cha pathluah ta, Thlapalôh leipa ta a ypa khihpi y, Pachâ teh, lôsôhpazy ta cha paduapathi aw na ta, Saphai lôsôhpazy hmâpa ta, Nâ bôna lôzy ei bô aw.

ISAI 60:18

Thachahra hmâna pyu cha, Na râh liata thei khao leipa aw chi ta; Chhiena nata raona zy chhao, Na râhri chhôh liata thei khao aw va chi. Na thokhy cha Pachhana tah aw chi ta, Na thokhy chhikaozy cha Reithaina na tah aw.

ISAI 61:2

Abeipa palôhtlâhna kô phuah awpa ta na tuah ta, Eima Kha­zohpa phuh lana noh phuahpa ta, Mâchhie a sapa zydua thlapalôh awpa ta eina tuah.

ISAI 8:21

Nôpopa nata nodipa ta râh ama chahryh aw. Ama no a di tita, ama bei nata ama Khazohpa reipachhie aw ei ta, ruchhôpa ta avâ lâ ama ua aw.

ISAI 9:20

Ama chachâh lâta a ypazy niedo chhu aw ei ta, Châhrasala ama nodi thlâh ha pyly aw ta; Ama chavei lâtapa nie aw ei ta, Châhrasala ama rih bie hlei aw vei. Chyhsa to ta âmo chipathla sa ama nie chyu aw:

ZEREMIAH 15:5

“Hy Zerusale y, ahy ma cha ngiachhie aw ta, Ahy ma a pachâ châ rôhkhei aw? Ahy ma na thâtih cha hiahri awpa ta, Nâ lâ a vaw tlei khoh aw?

ZEREMIAH 24:10

Âmo nata âmo pathlatuhpazy ei piepa râh tawhta tlokhuh pahleipadia khaipa ama châna taihta, ama chô liata zaozi, chakâhna nata potlana zy ei tuah lymâ aw.”

CHAPHÔHTUNA 1:12

“Zaio a chapiapa zydua saih u, pachâ u la, moh tua u, Nâmo châta khâpa tahna hmah châ vei ma? Ei chô liata a tlôpa ei pachârôhna hawhpa he, A y beih rai tlyma? A hiehâhna ru ngaitapa noh liata, Abeipa ta pasa eina pataosapa hawhpa he a y beih tlyma?

CHAPHÔHTUNA 1:9

A hnorâh liata a pathaih leina a bai ta, A hmialâ daihti awpa pachâ vei; Chavâta pao chhie ta pao ta, Thlapalôhtuhpa hnei khao vei. “Hy Abeipa, ei pasataona he moh tua, Chariahpa ta pahniena a to ha hih!”

CHAPHÔHTUNA 3:47

Apahlawna nata khaohtlô ta miah tlô thlu ta, Chhiena nata raona ta miah a tlô thlu.

EZEKIA 14:15

“Sahrâhpazy râh chahryhsapa ta, râh cha paraopa ta roryhrapa ta paysa ha ei sala, sahrâhpazy vâta râh cha ahy hmah chahryh ngâh lei awpa ta ei tao khiahta cha,

EZEKIA 14:21

“Abeipa Zehôvâh ta hetana heta a tah: Ei pachiana pasa ngaitapa miapalih, zaozi, chakâhna, sahrâhpa nata potlana zy Zerusale chô liata patlôsapa ta, khihpi tawhta chyhsapa nata sa ei chhawh pathlah khai tita cha, a rarôh y ngaita kaw aw dia!

AMÔSÂ 7:2

Râh liata sibiepa cha khawsuzy ta ama nie khai nahta, “Hy Abeipa Zehôvâh, rie a ngiahthai mah y! Zakaw cha chyhta tlôh ta, Kheihta ma â duah thei aw?” tah na ta.

NÂHU 3:7

Châ hmôpa zydua ta châ sysai aw ei ta, “Ninivâ cha roryhrapa ta y ha ta, Ahy ma ano châta mâchhie a sa aw?” Ama tah aw. Thlah châ palôh awpazy cha, Khataih liata ei tlua aw?

2 KAWRINI 7:13

Chavâta thlalôhpa ta eima y. Keimo thlalôhpa dei châ vei. Nâmo vâta Titu thlahpa cha pathiehpa ta a ypa vâta, Titu alyna liata eimâ ly pachai.