ISAI 51:16 - Mara Bible RV (BSI)

¹⁶ Na pakah liata ei biezy soh na ta, Ei ku nohdi ta châ khutuhpa ei châ. Avâzy khi paraipa ta, Alei abônazy bô na ta, Zaio hnohta, ‘Ei phopi na châ,’ Châ tahtuhpa ei châ.”

ISAI 51:16 ပူးပေါင်းရင်းမြစ်များ

HLAZY 75:3

Alei nata a chô liata a ypa zydua â chalyu nota, A tôhzy a patutuhpa cha keima ei châ. Selah

HLAZY 91:4

A mathlaw hmi ta cha khu aw ta, A mathlaw ry liata achhaina na hmô aw; A ngâchhihna cha vyhphao nata thokhy a châ.

HLAZY 92:13

Âmo cha Abeipa o liata lopazy châ ei ta, Eima Khazohpa o dôhpachhôh tlyhmia liata lochopa ta ama y.

PUASAINA 33:22

ei rônahna ta a cha vaw chapia tita, lôpanô keina liata cha nyu aw na ta, ei cha sie pakhô hlâlei cha, ei ku ta ei cha chhôkhâh aw.

PUASAINA 4:15

A hnohta bie reih aw chi ta, a pakah liata bie na soh lymâ aw. Nâma pakah nata ano pakah liata y aw na ta, nama tao awpa ei cha pachu lymâ aw ei.

ISAI 45:18

Abeipa cha avâzy a paysatuhpa châ ta, Ano deita cha Khazohpa a châ. Alei he yzie hneipa ta taopa ta pa-i ta, Aruapa ta paysa leipa ta, Pahrâ nawpa ta a padua. Cha Abeipa chata hetana heta a tah: “Kei he Abeipa châ na ta, Abeipa hropa y veih ei.

ISAI 48:13

Ei ku ta leilô abôna lôbô bô ta, Ei ku chachâh lâta avâzy khi parai ta, Ei awpa nah ei ta thlai amâ duah tyh.

ISAI 49:2

Ei pakah he zaozi tiahpa hawhta tao ta, A ku nohpahli ry liata eina nyu; Châtai patliepa ta na tao ta, A châtai byh liata eina khô.

ISAI 49:8

Abeipa ta hetana heta a tah: “Khokheina daihti liata châ chhy na ta, Pachhana noh liata ei cha bao. Râh paduapathi ta, Roryhrapa ta a y hapa ryuto râhzy rai awpa ta, Biehrai phopi châta cha tao na ta, ei cha rao.

ISAI 50:4

Bie hmâpa ta thachhâpazy thapatlôzie ei pahno thei nawpa ta, Abeipa Zehôvâh ta paleih asaomâna na pachu ta, My chareih ta na pahrapa ta, Paleih asaomâna na pachu awpa ta ei nah a pahra tyh.

ISAI 57:19

Ama hmao liata reithaina ei paysa aw. Lâhla lâhnia liata a ypazy chô liata thlalôhna y sala, Thlalôhna y mawh sy,” Abeipa ta a tah. “Ano cha ei patlâh aw.

ISAI 59:21

“Keima lâ tawhta la, he he ama hnohta ei biehrai cha a châ,” Abeipa ta a tah: “Na chô liata ei Thlahpa a ypa nata na pakah liata ei bie ei sopazy cha, tahmâ tawhta chhâzaw taihta na pakah cha puasai khao leipa aw ta, na pathlazy pakah chhao puasai leipa aw ta, na pathla pachhuahpazy pakah chhao puasai aw vei,” Abeipa ta a tah.

ISAI 60:21

Na phopi cha ama zydua ta mosiapa châ khai aw ei ta, Râh cha tlyzaw ta ama hnei aw. Palyupalihpa ta ei y thei nawpa ta, Âmo cha chhyh thao awpa ta loh ei na ta, Ei ku raihriazy ama châ.

ISAI 61:3

Zaio liata mâchhie a sapazy hnohta, Buchâh vyuhpa ta, Khutho pie awpa ta eina tuah; Mâchhiesana vyuhpa ta, Thaphana sa­thaw pie awpa ta tuah ta; Thachhâna thlahpa vyuhpa ta, Reithaina chysia pie awpa ta eina tuah. Abeipa lopa siana ôkâ thozy tahpa ta awpa châ aw ei ta, Abeipa cha palyupalihpa ta a y aw.

ISAI 65:17

“Moh teh u, avâ thiehpa nata alei thiehpa tao na ta, Hmo parohpazy kha a thei thlâh hapa châ khao aw vei; Palôh liata chhao a ngia khao aw vei.

ISAI 66:22

“Avâ thiehpa nata alei thiehpa ei taopazy cha, Ei hmiakô liata khâ ama y thlâh ha awpa hawhta, Nama pathlazy nata nama moh chhao khâ a y thlâh ha aw,” Abeipa ta a tah.

ZEREMIAH 1:9

Chatawhcha Abeipa ta a ku vaw pazawhpa ta ei pakah vaw hria ta. Abeipa ta ei hnohta, “Moh tua, na pakah liata ei biezy ei soh haw.

ZEREMIAH 24:7

Abeipa ei châ tahpa pahno theina palôh pie aw ei na ta, pathipalôh tlokhuh ta kei lâ ama vaw kua awpa vâta, âmo cha ei phopi châ aw ei ta, kei ama Khazohpa ei châ aw.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

ZEREMIAH 32:38

Ei phopi châ aw ei ta, kei ama Khazohpa ei châ aw.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

ZEKARIA 8:8

Zerusale liah liata pahrâ awpa ta ei vaw chhi heih aw ei. Ei phopi châ aw ei ta, kei ama Khazohpa ei châ aw, ama Khazohpa ngâchhihpa nata siapa ei châ aw.”

ZAWHÂNA 17:8

Bie eina piepazy chi kha ama hnohta pie na ta, a pyh ei ta, nâ tawhta a puapa ei châ tahpa â dopa ta pahno ei ta, nâ ta eina tuah chi tahpa amâ ngiapâ haw.

ZAWHÂNA 3:34

Khazohpa tuapa ta Khazohpa bie reih tyh ta, ano cha bitaipa y leipa ta Thlahpa a pietuhpa a châ.

RYHPACHANEINA 18:18

Ama unawhzy hry tawhta nâ hawhpa hrohsopa paduapa aw ei na ta, a pakah liata ei biezy soh aw na ta, a hnohta bie ei piepa zydua ama hnohta a rei pachhuah tyh aw.

RYHPACHANEINA 33:27

Tlyzaw Khazohpa cha na pahrâna châ ta, A ry lâta chhâzaw bâhzy a y; Na hmiakô tawhta chariahpa papua ta, ‘Pahleipadia teh u,’ a tahtuhpa a châ.

HEBRAI 8:10

Cha nohzy hnôhlâ ta, Izarei pathlazy hnohta biehrai ei tao awpa cha he he a châ, Abeipa ta a tah: Ama pachânazy liata ei ryhpa biezy soh aw na ta, Ama palôhzy liata ei roh aw; Ama Khazohpa châ aw na ta, Ei phopi ama châ aw.

2 PITY 3:13

Châhrasala a bietaipa hawhta, keimo la mosiapazy pahrâna avâ thiehpa nata alei thiehpa a hâtuhpazy eima châ.

BIEPHUAH 1:1

He he Zisu Krista ta a chakaotuhpazy hnohta hmo thlai a vaw tlô awpazy a pahnosa thei nawpa ta, Khazohpa ta a hnoh ta a piepa biephuah a châ. Cha biezy cha Krista ta a vâlyuhchâpa tuah ta, a chakaotuhpa Zawhâna hnohta a vaw pahnosa.