ISAI 51:11 - Mara Bible RV (BSI)

¹¹ Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

ISAI 51:11 ပူးပေါင်းရင်းမြစ်များ

HLAZY 126:2

Cha nota eima pakah cha pahneina ta biepa ta, Eima paleih thaphapa ta awh ta, Phopizy ta, “Abeipa ta hmo rônahpa a taopa ei,” ama tah.

HLAZY 126:5

Mothlih chhaota chi a tupazy cha, Thaphapa ta ama hria aw!

ISAI 11:15

Abeipa ta Izi Tilaipi paleih cha, Tlokhuh pahleipadia aw ta; Ufrâti Chavah chhao, A ku ta thlih lalôhpa a chatho thlu aw; Vahtie miasari ta pachhaihna taihta tu aw ta, Pheiky dâ leipa ta ama chaka aw.

ISAI 25:8

Thina cha tlyzaw ta pahlei aw ta, Abeipa Zehôvâh ta Chyhsa zydua hmia tawhta mothlihzy hru khai aw ta; A phopi nohzaona chhao, Khizaw zydua liata a pachhâsa aw; Cha bie a reihpa cha Abeipa a châ.

ISAI 35:10

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

ISAI 44:23

Abeipa ta chatlaina tao ha ta, Chavâta, Hy avâzy saih u, hla sa u la, Hy alei su a thupazy saih u, awh teh u. Hy tlâhpizy saih u, hla paryh u la, Hy râhmâhpa nata a chhôh liata tho to saih u, hla paryh teh u! Abeipa ta Zakaw cha chatlai ha ta, A rônahna Izarei liata a paluahsa haw.

ISAI 48:20

Babylaw tawhta pua u la, Kaldia tawhta a râ teh u; He kyh he hla ta awh u la, A lypa ta phuah teh u; Khizaw kaokih taihta pathâhsa u la, “Abeipa ta a chakaotuhpa Zakaw cha a chatlai haw!” Tahpa ta phuah teh u.

ISAI 49:13

Hy avâzy saih u, thaphapa ta hla sa u la, Hy leilô y, a lypa ta y mah y. Hy tlâhpizy saih u, Lyna hla paryh teh u! Abeipa ta a phopi thlah palôh ha ta, A chyhsa pasa a taopazy a ngiachhie aw ei.

ISAI 55:12

“Thaphapa ta pua aw ei chi ta, Thlalôhpa ta a chhipa nama châ aw; Tlâhpizy nata tlâhthlôhzy ta Nama hmiakô liata hla sa aw ei ta; Lyurâh thokô zydua ta Ama ku ama chabaih aw.

ISAI 61:7

Nama nozana vyuhpa ta, Tovyuh a lie no ta to aw ei chi ta; Nohzaona vyuhpa ta, Ama tovyuh liata amâ ly aw. Chavâta ama râh liata tovyuh a lie no ta hnei aw ei ta, Chhâzaw lyna ama hnei aw.

ISAI 65:14

Nâ chakaotuhpazy cha palôh tlâhna hla sa aw ei ta, Nâmo deikua cha palôh pasapa ta cha aw ei chi ta, Thlahpa rietheipa ta namâ hrô aw.

ISAI 65:19

Zerusale chô liata a ly aw na ta, Ei phopi chô liata ei tha a pha aw. Cha liata chana pyu theipa châ khao leipa aw ta, Nôpopa ta a awhpa pyu chhao theipa châ khao aw vei.

ZEREMIAH 31:13

Chatawhcha laihsa kôpazy a lypa ta lâh aw ei ta, Satliapazy nata machâpazy thaphapa ta ama y aw; Ama mâchhiesana cha, Alyna pachâsa aw na ta; Thlapalôh aw ei na ta, Pachârôhna vyuhpa ta thaphana ei pie aw ei.

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

2 THYSALAWNIKA 2:16

Eima Beipa Zisu Krista nata Khazohpa eima Paw, kyh miah pachâ ta, ngiachhiena vâta chhâzaw thlalôhna nata hnabeiseihna phapa miah pietuhpa ta

ZUDÂH 1:24

Tahmâ he nama pao lei nawpa ta châ hrôbieh theipa ei nata a rônahna hmiakô liata seina hnei leipa ta, a ly ngaitapa ta châ soh theipa ei,

BIEPHUAH 21:1

Chatawhcha avâ thiehpa nata alei thiehpa hmô na ta. Avâ hmiatuapa nata alei hmiatuapa cha lei ha ta, tilaipi chhao y khao vei.

BIEPHUAH 21:4

Ama mo liata mothlih zydua a hru khai aw. Hmo parohpazy a lei hapa vâta, thina y khao leipa aw ta, mâchhiesana, chana nata pasana zy y khao aw vei,” tahpa ta a reipa thei na ta.

BIEPHUAH 22:3

Cha khihpi liana cha chhiesana rai y khao leipa aw ta, Khazohpa nata Mietakutaw beidyuchhai tlao y aw ta, a chakaotuhpazy ta ano cha amâ chhy aw.

BIEPHUAH 7:17

Beidyuchhai liah liata a tyuhpa cha, Âmo vaituhpa a châ aw; Hrona tihnawhzy lâ âmo a chhi aw ta, Ama mo liata mothlih zydua Khazohpa ta a hru khai aw,” tah ta.