ISAI 50:8 - Mara Bible RV (BSI)

⁸ Thai nâ pachâtuhpa cha a hniata ta, Ahy ma nâ dyuh ngâh aw? A duah khoh tua ei si. Nâ khakhaipa cha ahy maw? Nâ vaw hnia mawh sy.

ISAI 50:8 ပူးပေါင်းရင်းမြစ်များ

ZAWBÂ 13:19

Ahy ma nâ leihtuhpa cha? Eina leihna â do khiahta cha, A chalih aw na ta ei thi aw.

HLAZY 119:151

Nâ deikua cha Hy Abeipa, Lâhnia liata y chi ta, Na biepiepa zydua chhao adopa a châ.

PUASAINA 22:9

“Parupa hmo maih, viahchao tôhpa tlyma, alâ tlyma, mietaku tlyma, chysia tlyma, hmo leipa khâpa rai, chyhsa ta, ‘He he kei eih a châ,’ a tah khiahta cha, ama pano likah biepeipa cha, Khazohpa hnohta tlôkheipa châ aw ta, Khazohpa ta thailei a pachâsapa ta a lie no ta a vaih cha a thô awpa a châ.

ISAI 1:18

“A vy teh u, Pachâ khoh tua suh u,” Abeipa ta a tah. “Nama moleinazy cha, Saihlawpa hawhta saih hra sala, Dâhaw hawhta ngyuh aw ta; Saihdôhpa hawhta saih hra sala, Mietaku hmi hawhta a y aw.

ISAI 41:1

Hy tilaipi kiah râhzy saih u, Ei hmiakô liata sidiapa ta y u la, Phopizy ta ama thatlôna pathieh mawh ei sy. Ryureina su lâ vaw puapa ta, Ama thâtih a vaw reih ei sala, Ryureina su liata a tyh suh vy.

ISAI 41:21

Nama khazoh nothlahpazy cha a vaw duakhei teh u, Abeipa ta a tah; Namâ dona cha vaw palâsa teh u, Zakaw pathlazy Beipa ta a tah.

ISAI 43:26

Nâ thei khei la, Pachâ khoh tua ei si; Nâ dozie pasiapa a châ thei nawpa ta, Na thaichâna bie cha reih tua.

ISAI 45:25

Izarei chipathla zydua deikua cha, Abeipa liata thai pachâsapa châ aw ei ta, Rônahpa ta ama y aw.’”

ISAI 54:17

Nâma a dyuh nawpa ta taopa chaihraizy cha, Kheihawhpa ta hmah cha tiah aw vei; Pachiana liata châ thyuhnaopa palei to chhao, Thailei na pachâsa aw ei. Cha cha Abeipa chakaotuhpazy ryuto châ ta, Kei tawhta ama thaichâna a châ,” Abeipa ta a tah.

MATHAI 5:25

Lyuh châ tuatuhpa nata ryureina su lâ nama sie hai nota, lâpi liata aryhna tao para ha mah y. Chataleipatala lyuh châ tuatuhpa ta ryureituhpa lâ cha hlâ aw ta, ryureituhpa ta vaituhpa lâ cha hlâ aw ta, patâhna o liata khôpa na châ pathlei aw.

RYHPACHANEINA 19:17

biepeipa a hneipazy cha, cha daihti liata theihthaipazy nata ryureituhpazy lâ ama pano ta vawh aw ei ta, Abeipa hmiakô liata amâ duah aw.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

BIEPHUAH 12:10

Chatawhcha avâ liata ao paro ngaitapa thei na ta, ao chata, “Tahmâ cha eima Khazohpa pachhana, hmotaotheina, khinarâh nata a Krista biehneina zy a vaw tlô haw. Eima unawhzy a leihtuhpa, eima Khazohpa hmiakô liata chhô nah zâ ta âmo a leih tyhtuhpa cha, za thy pathlahpa a châ haw.