ISAI 50:4 - Mara Bible RV (BSI)

⁴ Bie hmâpa ta thachhâpazy thapatlôzie ei pahno thei nawpa ta, Abeipa Zehôvâh ta paleih asaomâna na pachu ta, My chareih ta na pahrapa ta, Paleih asaomâna na pachu awpa ta ei nah a pahra tyh.

ISAI 50:4 ပူးပေါင်းရင်းမြစ်များ

ZAWBÂ 4:4

Na biezy ta a hluahpazy pathyu ta, Pakhu thazeipazy tha na patlô tyh.

HLAZY 119:147

Khihdei hlâta thyupa ta, Baona hiapa ta awh na ta; Na biezy liata ei hnabei a seih tyh.

HLAZY 143:8

Nâ ei cha ngâpa vâta, Na kyhpachâna tleih beih leipa kyh cha, My ta na patheisa tyh mah y. Nâ lâta ei thlahpa a chaluahpa ei châpa vâta, Ei sie nawpa lâpi na pahnosa tyh mah y.

HLAZY 40:7

Chatawhcha kei ta, “Moh teh, ei vy ha hih, Châbu chatypa liata ei thâtih ropa châ ta,

HLAZY 45:2

Chyhsa sawzy hlâta chhithai chai chi ta, Na hmaozy liata ngiachhiena hrypa châ ta, Chavâta Khazohpa ta chhâzaw ta vânoh a cha patosa.

HLAZY 5:3

Hy Abeipa, my ta ei ao thei mah y, My ta nâma lâ thlahchhâ na ta, ei cha hâ.

HLAZY 88:13

Hy Abeipa, kei deikua cha, cha awsao na ta, Mydi ta ei thlahchhâna na hmiakô liata a vaw tlô tyh.

BIESOZY 12:25

Palôh rietheina ta chyhsa tha pachhâ ta, Bie phapa deikua ta a palysa tyh.

BIESOZY 15:23

Thlai ta achhyna pie tyhpa ta chyhsa palysa ta, A daihtita ta bie rei tyhpa cha a pha kaw dia!

BIESOZY 25:11

A daihtita ta bie reipa cha, Tâkâ byh liata ngôh epuh hawhta a châ.

ISAI 28:19

Tisaih tlôna maihta cha la aw ta, My chareih ta tisaih vaw tlôpa ta, Chhô nah zâ ta vaw tlô aw ta, A bietapa yzie pahnopa a châ tita la, Chi â chhih ngaita aw.

ISAI 28:9

Sahma a paripa theihthaipa nata hrohsopa kyh liata, “Ahy hnohta ma pahnona a pachu bao hra aw tly? Ahy hnohta ma bietapa a chhopasia bao hra aw tly? Sâhpi ti a pathleih dyupazy ma a pachu aw ei? Sâhpi a ngieh khao leipazy ma a chhopasia aw ei?

ISAI 35:5

Cha tita cha, mochaopazy mo pavâsapa châ aw ta, Nahpâpazy nah pavâsapa a châ aw.

ISAI 40:29

Panaopa hnohta hmotaotheina pie ta, Chiehleipa châta thatlôna a papôh tyh.

ISAI 50:10

Nama hry liata ahy ei Abeipa cha chi ta, A chakaotuhpa bie a zyh tly? Zohna liata chareipa ta Khaihna rai a hnei leipa chyhsa chata, Abeipa moh cha ngâ sala, A Khazohpa cha a ngâchhâ mawh sy.

ISAI 54:13

Abeipa ta na saw zydua pachu aw ta, Na sawzy cha ama thlah a lôh ngaita aw.

ISAI 8:16

Bietapa he chaty la, Pachuna bie he, Ei pachupazy hry liata chahnao pa-i mah y.”

ZEREMIAH 1:9

Chatawhcha Abeipa ta a ku vaw pazawhpa ta ei pakah vaw hria ta. Abeipa ta ei hnohta, “Moh tua, na pakah liata ei biezy ei soh haw.

ZEREMIAH 31:25

Hro thachhâpazy lôhrâ patlô aw ei na ta, hro panaopa maih ama tha ei patlô aw ei.”

EZEKIA 46:13

“Noh chareih ta Abeipa lâta raopa hlâna châta mietakutaw kô khapa seina hnei leipa hmâh aw chi ta, my chareih ta nâ chhuanoh aw.

MATHAI 11:28

Nâmo, hriapasapa nata phaohripa zydua saih u, kei lâ a vy u la, ei cha pahâsa aw ei.

MATHAI 13:54

A khih kei tlô ta, amâ pakhyna o liata âmo cha pachu ta, ama noâh ngaita ta, “He chyhsa heta khataih tawhta ma he sona nata hmotaotheinazy he a hnei tly?

MATHAI 22:46

Ahy hmahta kawh kha chhao a chhy thei leipa ei ta, cha noh tawhta cha, bie hropazy chhao a hiahri ngâhpa y khao veih ei.

LUKA 21:15

Bie nama rei awpa cha pie aw ei na ta, sona cha pie aw ei. Nama khakhaipazy ta nama bie cha ei thei leipa aw ei ta, cha pachhaipadai thei aw veih ei.

LUKA 4:22

Chyhsa zydua ta Zisu cha reithai ei ta, ngiachhiena bie a pakah tawhta a puapazy vâta ama noâh kaw ta, “He chyhsa he Zawsi sawchapawpa kha châ vei ma?” tah ei ta.

ZAWHÂNA 7:46

Vaituhpazy ta a chhy ei ta, “He chyhsa hawhta ahy hmah bie reih beih veih ei!” tah ei ta.

RYHPACHANEINA 18:17

Abeipa ta ei hnohta, ‘Ama bie reipa a pha na.

RYHPACHANEINA 18:18

Ama unawhzy hry tawhta nâ hawhpa hrohsopa paduapa aw ei na ta, a pakah liata ei biezy soh aw na ta, a hnohta bie ei piepa zydua ama hnohta a rei pachhuah tyh aw.