ISAI 50:2 - Mara Bible RV (BSI)

² Khazia ma ei vy no kha chyhsa a hy hmah y leipa ei ta, Khazia ma ei aw no kha nâ chyh-eipa ama y vei tly? Ei ku he chatlai thei lei awpa ta pachhohsapa ma a châ haw? Pachha awpa ta hmotaotheina a hnei leipa ma ei châ haw? Moh teh u, tilaipi cha rapa ta padua na ta, Chavahzy râh raohpa lâta paliepa ta, Ti y leipa vâta nga thu roh pahnâh ta, Dâhphipa ta ama thi.

ISAI 50:2 ပူးပေါင်းရင်းမြစ်များ

ÂTHAONA 18:14

Abeipa châta hmo ru tupa a y ma? Daihti raopa liata nâ lâ a vy heih aw na ta, hâhkô tahmâ ti heta Sârâ ta sawchapaw a sa aw” tah ta.

2 THÂTIHZYRONA 32:15

Chavâta Hezekia a padôveisa leipa u la, cha hawhta a châ chhi chhei awpa ei namâ pasaih awpa châ vei. Hezekia kha zo khuh vy. Kheihawhpa phopi nata khinarâh khazoh hmahta keima ku tawhta tlyma, nâ pathlatuhpazy ku tawhta tlyma, a phopi a pachha theipa y beih veih ei. Nâmo Khazohpa ma ei ku tawhta zua châ pachha aw ei?” tah ta.

HLAZY 106:9

Tilaipi Saihpa rapa ta pakua ta, Râhchawhpa liata siepa hawhta, Ti athupa kuapa liata a siekhei ei.

HLAZY 107:33

Chavahzy râhchawhpa pachâsa ta, Tihnawhzy chhaohlei chawhkaraipa pachâsapa ta,

PUASAINA 14:21

Mawsi ta tilaipi chô liata a ku pazawh ta, Abeipa ta azozâkhihdei ta nochhi thlih ru ngaitapa vaw pathlisa ta, tizy hnoh lâ a sy ei ta, tilaipi cha alei hipa lâta pachâsa ta. Chatanachata tizy cha a pachhaih ta.

PUASAINA 14:29

Izarei sawzy deikua cha, tilaipi chhôh alei hipa liata sie ei ta, tizy cha ama chachâh lâ nata ama chavei lâta âmo châta pâhchhô châ ha ta.

PUASAINA 7:18

Nile chavah liata ngazy thi aw ei ta, chavah cha thu aw ta, Izi mo ta Nile chavah ti doh khoh khao aw veih ei,’ na tah aw,” tah ta.

PUASAINA 7:21

Chavah liata ngazy thi ei ta, chavah cha thu ta, Izi mo ta chavah ti cha doh thei khao veih ei. Izi râh zydua cha thisaih ta a bie khai haw.

BIESOZY 1:24

Cha aw ei na ta, Khoh leipa ei chi ta; Ei ku pazawh na ta, Ahy hmahta uasa leipa ei chi ta;

ISAI 11:15

Abeipa ta Izi Tilaipi paleih cha, Tlokhuh pahleipadia aw ta; Ufrâti Chavah chhao, A ku ta thlih lalôhpa a chatho thlu aw; Vahtie miasari ta pachhaihna taihta tu aw ta, Pheiky dâ leipa ta ama chaka aw.

ISAI 19:5

Tilaipi tizy kua aw ta, Chavah chhao kuapa ta a chawhkarai aw.

ISAI 23:11

Abeipa ta tilaipi chô liata a ku pazawhpa ta, Abeinarâhzy chalyu ta; Kâna thokhyzy parao awpa ta, Bie a pie haw.

ISAI 36:20

Ahy râh khazohzy kha ma ei ku tawhta ama râh a vaw pachha ha ei? Abeipa chata Zerusale he ei ku tawhta zua a pachha aw ma?’ a tah,” tah ta.

ISAI 41:28

Châhrasala moh nahta, Chyhsa rai y leipa ei ta; Hiahri ei na ta, Achhyna a pie theipa Ryhraokheituhpa ama hry liata y veih ei.

ISAI 42:15

Tlâhpizy nata tlâhthlôhzy roryhrapa ta tao aw na ta, Ama thoti ramawh zydua ei paraoh khai ha aw. Chavahzy cha liahpahlôzy ta tao aw ei na ta, Tipozy ei pakua ha aw ei.

ISAI 43:16

Tilaipi liata lâpi tao ta, Tisaihzy liata lâthlôh a taopa;

ISAI 44:27

Ti a thupa hnohta, ‘Kua teh, na chavahzy ei pakua khai aw,’ A tahtuhpa ei châ.

ISAI 51:10

Tilaipi a pakuatuhpa kha, Nâma châ chi ta; Ti a thu ngaitapazy a pakuatuhpa chhao kha, Nâma ma na châ vei? Chatlaipazy haosâ lâ chakasa awpa ta, Tilaipi athupazy liata lâpi a taotuhpa chhao kha, Nâma tlai he ma na châ vei?

ISAI 54:6

Lapinô mapa palôh pasa ngaitapa aw pakhuapa hawhta, Abeipa ta cha aw pakhua ta; Thyutlia daihti lapinô mapa aw pakhuapa hawhta, Abeipa ta a cha aw pakhua, Na Khazohpa ta a tah.

ISAI 59:1

Pachâ teh u, Abeipa ku cha, Pachha thei lei awpa ta pachhohsapa châ leipa ta, A nah chhao thei thei lei awpa ta pâ vei.

ISAI 59:16

Tlybaipazy a bao awpa chyhsa y leipa ei ta, Âmo châta thlah a chhâ awpa a hmô leipa vâta, Abeipa cha noâh a tah ngaita. Chavâta ano bâh tlai ta a pachhana patlôsa ta, Ano siana tlai ta a bao ei.

ISAI 63:13

Amâ chapia lei nawpa ta, Arâ hawhta râhchawhpa liata âmo chhihtha ta, Ti a thupazy liata âmo a chhituhpa kha, Khataih liata a y haw?

ISAI 64:6

Chyhsa pathaih leipa hawhta châ khai ha pi ta, Eima siana hmotaopa zydua chhao, Chysia pua­pa hawhta a châ haw. Eima zydua ta chhohna hawhta uah pi ta, Eima paraonazy ta thlih hawhta miah a phaoh.

ISAI 65:12

Ei cha aw no ei ta nâ chhy leipa ei chi ta, Bie ei rei nota chhao nathlie leipa ei chi ta, Ei mohmô liata hmo pha leipa taopa ta, Ei ly leipa hmozy namâ tlyhpa vâta, Nama tovyuh châta zaozi cha raopa aw ei na ta, Nama zydua ta thietuhpa hmia liata namâ bôh aw.”

ISAI 66:4

Aw ei na ta, ahy hmahta na chhy leipa ei ta, Bie reih na ta, nathlie hra veih ei; Ei mohmô liata hmo pha leipa tao ei ta, Ei ly leipa hmo amâ tlyhpa vâta, Kei chhao ta ama chô liata chahrâh kawpa ta tao aw na ta, Ama chipazy ama chô liata ei patlôsa aw,” Abeipa ta a tah.

ZEREMIAH 14:9

Khazia chyhsa noraihpa hawhta y aw chi ta, A pachha thei leipa pasaipha hawhta na y aw? Chatahrasala Hy Abeipa, Nâ cha eima hry liata y chi ta, Keimo chhao na moh a phaohpa eima châ hih, Miah siesai khah y.”

ZEREMIAH 35:14

Rekhâ sawchapawpa Zônadâ ta a pathlazy hnohta kresawhti doh lei awpa ta biepie ta, a pathlazy ta âmo pathlatuhpa biepiepa cha zyh ei ta, tanoh taihta khâpa hmahta doh veih ei. Kei deikua cha ei cha chho ngâ thlâh hapa chhao ei ta, na nathlie veih ei chi.

ZEREMIAH 35:15

Nâ chakaotuhpa hrohsopa zydua nâmo lâ khâ vaw tuah ei na ta, nama hnohta, ‘Chyhsa to nama hrozie pha leipa tawhta vaw kua u la, nama hmotaopazy a phapa ta taopathi u la, khazoh hropazy pazi leipa u la, chakao khuh vy. Chatanachata nâmo nata châ pathlatuhpazy hnohta râh ei cha piepa liana heta nama pahrâ aw,’ tahpa ta khâ cha chho ei ta. Châhrasala nama nah pachôh leipa ei chi ta, na nathlie hra veih ei chi.

ZEREMIAH 5:1

Zerusale khiliah liata a râhreih u la, Moh u la, ngia teh u! A tlyliahzy liata tlua u la, Adona tao ta ngâchhihna a tluapa Pakha chhâ nama hmô khiahta cha, Zerusale cha ei ngiahthai aw.

ZEREMIAH 7:13

Tahmâ, he hmo zydua he tao ei chi ta, bie khâ ei châ chhopa chhao ei ta nathlie khoh leipa ei chi ta, ei cha awpa chhao ei ta einâ chhy khoh leipa vâ ei chi ta,

ZEREMIAH 7:27

“He bie zydua he ama hnohta na reih awpa a châ. Châhrasala cha nathlie pyly aw veih ei. Âmo cha aw aw chi ta, châ chhy pyly aw veih ei.

ZEREMIAH 8:6

A phapa ta nathlie na ta, Ama biereipa ei thei; Biedopa reih leipa ei ta, Ahy hmahta, ‘Khâpa ma ei vaw tao ha tly?’ Tahpa ta ama paraona ro a chhuah veih ei. Chyhsa to ta âmo lâpi lâ sai a heih ei ta, Adyuhna su liata arâ a thluah ngâpa ama lyu.

DÂNIAH 3:15

Tahmâ chiahmie zy, ramo zy, totâ zy, tlaipih zy, totâ laipa zy, bâzâ nata paropasyu theipa chi to pyu nama theipa nahta, âkhu lâta paopa ta nothlahpa ei taopa namâ chhy khiahta cha a pha. Namâ chhy leipa khiahta deikua cha, patina meihô ru ngaitapa liata thlai thypa nama châ aw. Keima ku tawhta châ pachha thei awpa khazoh ahy ma a y?” tah ta.

DÂNIAH 3:29

Chavâta he biepiepa he ei tao: Phopi nata râh nata reih kheihawhpa hmahta, Sâdarâka, Mesâka nata Abenekô zy Khazohpa chô liata bie pha leipa kheihawhpa rai a reihpa maih cha, a tlawpoh ta pachhaih khaipa châ aw ei ta, ama ozy cha hnaihny thyna ta taopa a châ aw; he hawhta a pachha theipa khazoh hropa rai y veih ei,” tahpa ta.

DÂNIAH 6:20

Dâniah yna lôpu cha â hnia nahta, pachârôh ngaitana chôta awh ta. Abei ta Dâniah cha bie a chho ta, a hnohta, “Hy Dâniah, Khazoh hrohpa chakaotuhpa y, na chakao tyhpa na Khazohpa ta chakeibarôhneipazy tawhtapa a cha pachha thei ma?” tah ta.

DÂNIAH 6:27

Pachhapa ta, pabohsa ta, Lei nata vâ liata ngiana nata noâhpazy a tao; Chakeibarôhneipa thatlôna tawhta Dâniah a pachhatuhpa a châ,” tah ta.

HÔSIA 11:2

Awpa ama châ via nahta, Amâ pahla via rili; Bâlâzy lâ atheihna hlâ ei ta, Nothlahpazy lâ hmo ama hlâ tyh.

HÔSIA 11:7

Ei chyhsazy ta Na tleisai khâchâ amâ chhuah haw; Chavâta Chônôchaipa awsao hra ei sala, Âmo cha cheihchalo aw vei.

NÂHU 1:4

Tilaipi rapa ta pakua ta, Chavah zydua a pakua khai; Bâsanâ nata Kâmel raoh ei ta, Lebanaw pawpi a uah.

HABAKU 3:8

Hy Abeipa, arâ kiah chi ta, Na pahniena talailih liata na kia no kha, Chavahzy chô liata ma na hie a hâh? Chavahzy chô liata ma na pathi a ia? Tilaipi chô liata ma na ru a chhô?

MALUHREINA 11:23

Abeipa ta Mawsi hnohta, “Abeipa cha a ku a chyuta ma? Ei bie hawhta na chô liata a vaw tlô nata tlô lei na pahno aw,” tah ta.

MÂKA 4:39

Zisu cha kaw thyu ta, thlih cha ra ta, tilaipi hnohta, “A chalih la, a thlih molo teh!” tah ta. Thlih cha a chalih ta, sidia ha ta.

ZAWHÂNA 1:11

Ano chyhsazy lâ a zu ta, châhrasala a chyhsazy ta a ly veih ei.

ZAWHÂNA 3:19

He he thailei pachâsana cha a châ: Khaihpa khizaw lâ a zu ta, châhrasala chyhsazy ta khaihpa hlâta zohna ama khoh via, ama hmotaopazy a moleipa vâta.

ZAWSUA 3:16

machha lâ tawhta ti a zâ loh haipa cha a duah ta, lâhlapi taihta, Zarethâ kiapâh ta a ypa Âdâh khihpi taihta â sâh pi ta a opa ta a toh ta, Tilaipi Iahpa, Arabâ Tilaipi lâta a lohpa ti cha chie pachhô ta, zawpizy cha Zerikô khih dady liata Zawdâh haosâ lâ ama pua haw.