ISAI 50:11 - Mara Bible RV (BSI)

¹¹ Nâmo, mei patih ei chi ta, Meirei iapa ta â chadôsapazy saih u, Nama mei khaihna liata charei u la, Meirei nama chhipa khaihna liata charei muh vy! He he ei ku tawhta nama hmô awpa cha a châ: Riethei pasataopa ta namâ zia aw.

ISAI 50:11 ပူးပေါင်းရင်းမြစ်များ

HLAZY 16:4

Khazoh hropa a pazipazy cha ama vâsâhna a pôh aw; Dopa hlâna thisaih ama hlâpazy patlai leipa aw na ta, Ei hmao ta ama moh pado hra aw vei.

HLAZY 32:10

Hmoparaopa châta pachârôh nawpa hluhpi y ta, Abeipa a ngâtuhpa deikua cha zawngiahna ta a chadô aw.

BIESOZY 26:18

Meirei nata châtai nata thina hiepatlatuhpa ahrupa hawhta,

ISAI 55:2

Khazia viahchhâ châta a châ leipa liata Nama sôh pahryuh ei chi ta, Rih bie nawpa a châ leipa liata Nama tha namâ pahryuh? Pakhâta ta na nathlie teh u; Hmo phapa nie u la, Nie pahâhpazy ta nama hro lôhrâ a patlô teh u.

ISAI 8:22

Alei lâ moh aw ei ta, nôpona nata zohna nata pachârôhna zohmyhna ta a biepa hmô aw ei ta, zohna chha kaluhpa liata thypa ama châ aw.

ISAI 9:18

Paraona cha mei hawhta kâ ta, Diahsai nata ahlohzy cha ama tlôna taihta a kâ aw. Râhmâhpa chha kaluhpazy kâ aw ta, Meikhuh tôh a charihpa ta avâ lâ a kiah aw.

ZEREMIAH 17:4

Na ryuto châta ei cha piepa kha ky aw chi ta, na pahno beih leipa râh liata na chariahpazy chakaotuhpa ta ei cha tao aw. Ei hiehâna ta mei pati hapa châ ta, chhâzaw ta a kâ aw.”

EZEKIA 20:39

“Nâmo deikua cha, Hy Izarei pathlazy saih u, Abeipa Zehôvâh ta hetana heta a tah: Ei bie nama nathlie lei awpa khiahta cha, tahmâ tawhna heta nama zydua ta sie u la, nama khazoh nothlahpazy cha kei chakao chyu muh vy. Ei moh pathaihpa deikua cha, nama hmohlâpazy nata nama khazoh nothlahpazy ta papuapalei khao khuh vy.

AMÔSÂ 4:10

“Izi râh liata ei taopa hawhna khata, Nama hry liata hri vaw tuah na ta; Nama satliazy zaozi ta thie ei na ta, Nama arâzy ei siekhei ha ei; Nama hnapasu a chahu awpa taihta, Nama riehmo cha thu roh ta ei pabie; Chatanachôta kei lâ vaw kua veih ei chi,” Abeipa ta a tah.

AMÔSÂ 4:9

“Raohna nata maohna ta cha tu ei na ta, Nama sadôzy chângyu ta nie ta, Nama kre sadôzy chângyu ta a nie khai haw; Nama theiku kôzy chângyu ta nie ta, Nama ôli thozy chângyu ta a nie khai haw, Chatanachôta kei lâ vaw kua veih ei chi,” Abeipa ta a tah.

ZAWNA 2:8

Hraoleipa nothlahpa a chhytuhpazy cha, Ama ngâchhihna ama pahlei tyh.

HABAKU 2:13

Moh tua u, phopizy ta mei ta a kâ thlâh ha awpa châta hriapasa ei ta, Râhzy ta hraoleipa liata âmosasyh ama rie amâ pathei; Cha cha Pheisaihzy Abeipa taopa châ vei ma?

MATHAI 22:13

Abei ta a chakaotuhpazy hnohta, ‘A ku nata phei chahry u la, khôtho lâ zohna liata thy teh u. Cha liata chana nata hâh chariehna a y aw,’ tah ta.

MATHAI 8:12

Khinarâh sawzy hawhta â pachâpazy deikua cha, khôtho lâ zohna liata thypa châ aw ei ta, cha liata chana nata hâh chariehna a y aw,” tah ta.

ZAWHÂNA 8:24

Chavâta nama moleina liata nama thi aw, ei cha tahpa ei a châ. Kei he Mesia ei châ tahpa nama zo leipa khiahta la, nama moleina liata nama thi aw,” tah ta.

ZAWHÂNA 9:39

Zisu ta, “Mochaopazy ama mo pavâ sala, mo pavâpazy ama mo a chao nawpa ta, he khizaw liata ryureih awpa ta a vypa ei châ,” tah ta.

RAWMA 10:3

Khazohpa siana pahno leipa ta, âmo siana a duakhei a chhuah ei ta, Khazohpa siana liata a ngiarih veih ei.

ZÂMIE 3:6

Paleih he mei châ ta, moleina khizaw a châ. Eima pôhpa pachiahpazy hry liata mei tlu ta chichhihpa châ ta, moleina tao awpa ta thatlô ngaitapa a châ. Paleih chata pôhpa zydua papuapalei ta, hro chhôh khihsatôhtuna zydua mei ta pakâ ta, hriena su mei tipo lâ a chhituhpa a châ.

BIEPHUAH 19:20

Sahrâhpa cha patupa châ ta. Sahrâhpa ngiana a hneipa nata sahrâhpa nothlahpa a chhytuhpazy dôveina hmonoâhpa a mohmô liata a tao tyhpa hrohso pakheipa chhao, a hnohta patu pâpa châ ta, kaih ta a kâ ngâpa mei tipo liata ama pano ta ahrohpa ta thypa ama châ.

BIEPHUAH 20:15

Ahy rai hrona châbu liata a moh ropa hmô awpa a y leipa cha, mei tipo liata thypa a châ.