ISAI 5:9 - Mara Bible RV (BSI)

⁹ Pheisaihzy Abeipa ta ei nah theina liata hetana heta a tah: “O rônahpazy cha roryhrapa ta y tlai aw ei ta, O laipa nata o ngiapazy chhao pahrâtuhpa hnei khao aw vei.

ISAI 5:9 ပူးပေါင်းရင်းမြစ်များ

2 THÂTIHZYRONA 36:21

Cha hmo cha râh ta Pahânohzy a hmâh thei nawpa ta, râh cha kô sysari chhôh roryhrapa ta a y awpa kyh, Zeremiah pakah ta a reipa Abeipa bie a vaw tlôpaki nawpa a châ.

ZAWBÂ 15:28

A rao awpa khihpizy liata pahrâ aw ta, Hnaihny apathluna o a châ awpa, Pahrâ tlâh lei nawpa ozy liata a pahrâ aw.

ZAWBÂ 20:21

A nie khai tawhta laibâhpa rai y khao tyh leipa ta, Chavâta a hneinazy a daih parei aw vei.

BIESOZY 15:27

Athôhna doleipa hmô khohpa ta karâypa chyhsa cha, A chhôhkha châta tymâna tlôkhei ta; Panaopapana a haopa deikua cha, A hro a pareih aw.

ISAI 22:14

Pheisaihzy Abeipa ta ei nakhaoh liata a vaw phualuah ta, “Nama thi hlâlei cha, He moleina he chatlaipa châ aw vei,” Pheisaihzy Abeipa Zehôvâh ta a tah.

ISAI 27:10

Thokhy khihpi cha roryhrapa ta y ta, Khih hnypa nata puasaipa châ ha ta, Râhchawhpa a lyu bâ. Cha liata viahchaotaw a lao bâ ta, Cha liata a byupa ta, A thochiah hnazy a pahrie tyh.

ISAI 5:6

Sadô rypa ta tao aw na ta, A chiahzy taipa châ khao leipa aw ta, A lyu thlyupa châ khao hra leipa aw ta, Diahsai nata ahlohzy tlao a pyu awh. Sadô chô liata avâ suah lei awpa ta, Meihdozy chhao bie ei pie ha aw ei.

AMÔSÂ 3:7

“A chakaotuhpa hrohsopazy hnohta, A bieru a phuah ha tua leipa ta cha, Abeipa Zehôvâh ta khâpa hmah tao beih vei.

AMÔSÂ 5:11

Dyhchhiepazy tlybai ei chi ta, Sâh chhiezy nama kheipa vâta, Alô khaipa ta ozy sa hra u la, A chhôh lia pahrâ aw veih ei chi; Kre sadô khochhih kawpazy tao hra u la, A kresawhti doh aw veih ei chi.

AMÔSÂ 6:11

Pachâ teh u, Abeipa ta bie a pie haw; O laipa cha a bo bo ta pachhaihpa châ aw ta, O chyhpa chhao a tlawh tlawh ta pachhaihpa a châ aw.

MATHAI 22:7

Abei cha a hiehâh ngaita ta, a pheisaihzy tuah ta, cha liany cheituhpazy cha pahleipadia ei ta, ama khih chhao rao ei ta.

MATHAI 23:38

Moh tua u, nama o cha roryhrapa ta siesaipa a châ ha hih.

ZÂMIE 5:4

Nathlie tua u, nama lyu rai a hriapazy hlao â doleipa ta nama patâhpazy khata nâmo leihpa ta awh ei ta, hriatuhpazy chana pyu cha, Pheisaihzy Abeipa nakhaoh liata â ngia haw.