ISAI 5:30 - Mara Bible RV (BSI)

³⁰ Cha noh liata, tilaipi a rôhpa hawhta, Izarei chô liata amâ rôh aw. Chyhsa ta râh a sai khiahta cha, Zohna nata nôpona sai hmô aw ta, Khaihna cha meihdozy vâta a zoh ha aw.

ISAI 5:30 ပူးပေါင်းရင်းမြစ်များ

BIECHHOTUHPA 12:2

noh nata khaihna nata thlâpâ nata awhsi zy a zoh hlâta nata vâsua khai tawhta meihdozy a kua heih hlâta;

ISAI 13:10

Vâ awhsizy ta ama khaihna papua leipa aw ei ta, Awhsi hlaozy ta ama khaihna papua aw veih ei; Noh a vaw chhipa nahta thlai pazohsapa châ aw ta, Thlâpâ chhao a khaihna papua khao aw vei.

ISAI 13:4

“Tlâhpizy liata zawpi atymâna pyu cha nathlie u la, Zasâh manôh hluh ngaitapa pyu a lyupa cha nathlie tua u! Khinarâhzy palopasahpa pyu cha nathlie u la, Râhzy ahmaohpakhypa pyu cha nathlie tua u! Pheisaihzy Abeipa ta adyuhna châta Pheisaihzy a pahmaohpa pyu a châ chuh.

ISAI 17:12

Tilaipi a chatlaopa hawhta a chatlaopa Phopi hluhpizy cha ama hu a po na! Tisaih a aohpa hawhta a aohpa Râhzy cha ama hu a po na!

ISAI 30:6

He he Neke râhsazy kyh chhochhieliena bie a châ: Neke cha nôpona nata thlazohna râh a châ; Chakeibarôhneipa panô puana râh châ ta, Chakeibarôhneipa tôhpa puana râh a châ; Vâzi puana râh châ ta, Parih a zaw theipa puana râh a châ. Cha râh tawhna chata, Ama châta phahnaina a hnei leipa phopi pie awpa ta, Ama hneirônazy cha, Alâzy paphaosa ei ta; Ama ryusôhpazy cha, Râraoseihpazy ky byuhpa liata ama paphaosa.

ISAI 59:9

Chavâta adona cha, Keimo tawhta â hlapi ta y ta; Siana ta miah pha beih vei. Khaihna hâ pi ta, Châhrasala zohna sai a y; Pavâpa hâ pi ta, Châhrasala zoh kaluhpa liata tlao eima charei.

ISAI 8:22

Alei lâ moh aw ei ta, nôpona nata zohna nata pachârôhna zohmyhna ta a biepa hmô aw ei ta, zohna chha kaluhpa liata thypa ama châ aw.

ZEREMIAH 13:16

Abeipa ta zohna vaw patlôsapa ta, Tlâhpizy chô liata a zoh chy ta nama phei â chapia hlâta, Khaihna na hnabeiseihpa cha zohmyhna lâta pachâsapa ta, Zoh kaluhna lâta a pachâsa hlâta, Abeipa nama Khazohpa cha palyupalih teh u.

ZEREMIAH 30:5

“Abeipa ta hetana heta a tah: Thlalôhna ao châ leipa ta thlazohna ao thei pi ta, Chipa ta awhpa ao eima thei.

ZEREMIAH 50:42

Libaw nata asei a chaba ei ta, Zawngiahna a hnei leipa Nôchhiepazy ama châ. Ama pyu cha tilaipi a aohpa pyu lyu ta, Arâ kiah ei ta, Adyuhna châta pheisaih a patlâhpa hawhta amâ patlâh; Hy Babylaw sawchanô y, Hrâ ama cha vaw siehnao huh.

ZEREMIAH 6:23

Libaw nata asei a chaba ei ta, Zawngiahna a hnei leipa nôchhiepazy ama châ. Ama pyu cha tilaipi a aohpa pyu lyu ta, Arâ kiah ei ta, Adyuhna châta pheisaih a patlâhpa hawhta a patlâh ei ta, Hy Zaio sawchanô y, hrâ ama cha vaw siehnao huh!”

CHAPHÔHTUNA 3:2

Khaihna rai y leina zohna lâ Na to ta, einâ chhi;

EZEKIA 26:3

Abeipa Zehôvâh ta hetana heta a tah: Pachâ teh, Hy Tyre, ei châ dyuh na. Tilaipi tichatlaopa hawhta, nâma a dyuh awpa ta phopi hluhpi hrâ ei vaw pasiesa aw.

ZÔELA 2:10

Ama hmiakô liata alei a sih ta, Avâzy â chalyu. Noh nata thlâpâ zoh ei ta, Awhsizy khaih khao vei.

AMÔSÂ 5:18

Nâmo, Abeipa noh a vâpazy saih u, Nama hu a po na! Khâpa châta ma Abeipa noh cha nama vâ tly? Cha noh cha khaihna châ leipa ta, Zohna mah tlao a châ tâh.

AMÔSÂ 8:9

“Cha noh liata cha, Nohchhô ta noh patlasa aw na ta, Noh y liah ta alei ei pazohsa aw.

MATHAI 24:29

“Cha nohzy liata rietheipasana a y khaipata nahta, noh pazohsapa châ aw ta, thlâpâ khaih khao leipa aw ta, avâ tawhta awhsizy tla aw ta, avâ hmotaotheinazy cha chalyupa ta a y aw.

BIEPHUAH 6:12

Chahnaona miacharuna a pathlâ nahta, kaw moh na ta, alo thata a vaw sih ta. Noh cha latho poh hawhta vaw vyh ta, thlâpâ chhao thisaih hawhta saih khai ha ta.