ISAI 5:29 - Mara Bible RV (BSI)

²⁹ Amâ rôhpa pyu chakeibarôhneipa a rôhpa pyu lyu ta, Chakeibarôhneipa lochopazy hawhta amâ rôh. Siechahnuapa ta sa tai aw ei ta, Siekhei aw ei ta, a pachha thei awpa y veih ei.

ISAI 5:29 ပူးပေါင်းရင်းမြစ်များ

ÂTHAONA 49:9

Zudâh cha chakeibarôhneipa taw châ ta, Hy ei sawchapawpa, Sa taipa tawhta a laiseihpa na châ. Zudâh cha a bôh ta, Chakeibarôhneipa hawhta a byu ta, Chakeibarôhneipa panô hawhta â byu tyh; Ahy a pathyu ngâh aw?

HLAZY 50:22

“Chavâta nâmo, Khazohpa a mypa saih u, A phapa ta pachâ teh u; Chataleipatala cha hriechheih aw ei na ta, Châ pachha awpa y aw veih ei.

ISAI 10:6

Hraona sôh lapa ta, Ama hneipazy chhu ta, Khiliah chiatlao hawhta tlypâ awpa ta, Ano cha Khazohpa a pachâ leipa phopi lâ tuah na ta, Ei hie nâ pahâhpa phopi a dyuh awpa ta bie ei pie.

ISAI 31:4

Abeipa ta hetana heta eina tah: “Chakeibarôhneipa nata chakeibarôhneipa lochopa zy ta, Sa ama taipazy chô liata a rôh ei ta; Mietaku vaituhpa sahlaozy ta amâ râhnaopa chhao ta, Ama awhsâhpa ta pachisa leipa ei ta, Ama pyu ta ama thlah a pazo leipa hawhta; Pheisaihzy Abeipa cha za chô aw ta, Zaio Tlâh liata zâ dyuh aw ta, A tlâh byuhpa liata a zâ dyuh aw.

ISAI 35:9

Cha lâpi liata cha, Chakeibarôhneipa y leipa aw ta, Sahrâhpa a vy aw vei; Chazy cha, cha liata hmô awpa y leipa aw ta, Chatlaipazy ta, cha lâpi cha amâ chhih aw.

ISAI 42:22

He phopi deikua he cha, Hrao hapa phopi châ ei ta; Ama hmo ama la hapa phopi ama châ. Ama zydua ta khaohtlô liata pathla ei ta, Patâhna o liata ama nyu. Pachhatuh a hnei leipa hraona sôh lâta a lie ei ta, “Pie pakhua ha teh u,” a tah awpa a hnei leipa Parupa sôh lâta amâ lie haw.

ISAI 47:15

Na rie nâ vaw pathei tyhna hmozy cha, Cha hawhna chata na châta châ aw ei ta, Na hawtita tawhta sôh na palie lâhpazy chhao, Cha hawhna chata na châta ama châ hra aw. Âmo lâpi chyu liata viavi ei ta, Châ pachha thei awpa ahy hmahta y veih ei.

ZEREMIAH 2:15

Chakeibarôhneipa lochopazy ta a rôh thlu ei ta, A paro ngaitapa ta amâ rôh thlu lymâ. A râh roryhrapa ta tao ei ta, A khihpizy chhao ry khai ha ta, A chhôh liata a pahrâpa y khao veih ei.

ZEREMIAH 4:7

 nyuna sipopa tawhta chakeibarôhneipa vaw pua ha ta, Râhzy paraotuhpa a vaw pua haw; Na râh roryhrapa ta tao awpa ta, A yna su tawhta a vaw pua haw; Na khihpizy cha khihpi rypa châ aw ei ta, A chhôh liata a pahrâpa y khao aw veih ei.

ZEREMIAH 49:19

“Pachâ teh u, chakeibarôhneipa ta sibiepa su phapa liata mietakuzy Zawdâh râhmâhpa tawhta eikhapi ta a vaw puahnaopa hawhta, Edômâ chhao a râh tawhta eikhapi ta parâsa aw na ta, ei khopa maih a chô liata biehneituhpa ta ei rao aw. Kei hawhpa ahy y tly? Ahy ma a hmiakô liata a luah awpa ta nâ aw thei tly? Kheihawhpa mietaku vaituhpa ma ei hmiakô liata a duah thei aw tly?

ZEREMIAH 50:17

“Izarei cha mietaku pai patlapa châ ta, Chakeibarôhneipa ta â chadai pai hapa a châ. Asuria bei ta ano cha palâ tua ta, Tahmâ Babylaw bei Nebukaneza ta a ruzy a thlie haw.

ZEREMIAH 51:38

Chakeibarôhneipazy hawhta, Hmaohkha ta a rôh aw ei ta; Chakeibarôhneipa tawzy hawhta, Ama sâh aw.

HÔSIA 11:10

Abeipa cha ama pazi aw; Chakeibarôhneipa hawhta a rôh aw ta, Â rôh tita, A sawzy a chalyuna chôta Notla lâ tawhta amâ vy aw.

AMÔSÂ 3:8

Chakeibarôhneipa a rôh ha ta, Ahy ma chi leipa ta a y aw? Abeipa Zehôvâh ta bie reih ha ta, Ahy ma phuah leipa ta a y thei aw?”

MIKÂ 5:8

Zakaw laibâhpazy cha, Râhsazy hry liata chakeibarôhneipa hawhta Râhzy hry liata y aw ei ta, Mietaku zaw hry liata chakeibarôhneipa lochopa hawhta Phopizy hry liata ama y aw. A chapia ti ei ta, Âmo cha alei liata a tlypabai aw ei; Âmo cha hriechheih khai aw ta, A pachha thei awpa y veih ei.

NÂHU 2:11

Chakeibarôhneipa lôkhaoh cha, Khataih liata a y? Chakeibarôhneipa lochopazy lao niena su cha, Khataih liata a y? A pachisa awpa y leina Chakeibarôhneipa tawzy yna su, Chakeibarôhneipa tôhpa nata chakeibarôhneipa panô pangaina su cha, Khataih liata a y?

ZEPHANIA 3:3

A chhôh liata beimachâzy cha, Chakeibarôhneipa a rôh ngâpazy châ ei ta; A ryureituhpazy chhao, Zâ changie zohpa ama châ; My ta nie awpa dâhdei chhao, Pahlôh khao tyh veih ei.

ZEKARIA 11:3

Ama sibie panyupa su phapazy a rao khai hapa vâta, Mietaku vaituhpazy chana ao theipa châ ta, Zawdâh râh panyupa a rao khai hapa vâta, Chakeibarôhneipazy a rôhpa pyu theipa a châ.

MALUHREINA 24:9

Chakeibarôhneipa tôhpa hawhta a byu ta, Chakeibarôhneipa panô hawhta â zia; Ahy a pathyu ngâh aw? Byhnâ châ awpatuhpa cha byhnâ to sala, Chhie châ sapatuhpa cha chhiesapa châ mawh sy,” tah ta.