ISAI 5:25 - Mara Bible RV (BSI)

²⁵ Chavâta Abeipa pathi cha a phopi chô liata ia ta, Ama chô liata a ku hy ta a tu ha ei. Tlâhpizy a chalyu ta, Ama rizy cha hnaihny hawhta Lâlaizy liata amâ thy hôlô. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 5:25 ပူးပေါင်းရင်းမြစ်များ

1 ABEIZY 14:11

Zerôbaw pathla khihpi liata a thipazy cha i ta chaih aw ei ta, lyurâhpa liata a thipazy cha vâ pavawzy ta ama dyh aw,” cha cha Abeipa ta a reih hawh,’ tah mah y.

1 ABEIZY 16:4

Bâsâ pathla khihpi liata a thipazy cha i ta chaih aw ei ta, a pathla lyurâhpa liata a thipazy cha avâ pavawzy ta ama dyh aw,” tah ta.

1 ABEIZY 21:24

Khihpi liata a thipa Ahabâ chhôhkha maih cha izy ta chaih aw ei ta, lyurâhpa liata a thipa a chhôhkha maih cha avâ pavawzy ta ama dyh aw,” tah ta.

2 ABEIZY 13:3

Chavâta Abeipa cha Izarei chô liata a pathi ia ta, âmo cha Aramia bei Hâze ku liata nata Hâze sawchapawpa Benhadâ ku liata ama hro chhôh zydua ta a pie ha ei.

2 ABEIZY 9:37

he he Zezebel a châ tahpa chyhsa ta ama pahno khao lei nawpa ta, a ri cha Zezari râh liata lyu liata ie hawhta a y aw,’ tahpa a reipa kha a châ hih,” tah ta.

2 THÂTIHZYRONA 36:16

Châhrasala Khazohpa lyuhchâpazy cha pasipasawh tyh ei ta, Khazohpa biezy cha khâpasaw ta reih leipa ei ta, a hrohsopazy chhao ama pahneisao tyh. Achhâna liata Abeipa pathiiana a phopi chô liata vaw tlô ta, patlâh thei awpa châ khao vei.

ZAWBÂ 9:13

Khazohpa cha a hiehâhna a sy leipa châ ta, Rahâbi baotuhpazy chhao ta a ry liata amâ bôh tyh.

HLAZY 106:40

Chavâta Abeipa pathi cha a phopi chô liata thata ia ta, A ryuto a pasi ngaita.

HLAZY 114:7

Hy leilô, Abeipa hmiakô liata a chalyu la, Zakaw Khazohpa mohmô ta a chalyu teh.

HLAZY 18:7

Alei he a chathopa ta a chalyu ta, A hie a hâhpa vâta, Tlâhpizy abôna chhao a chachhao ta â sih.

HLAZY 68:8

Khazohpa, Sinai Khazohpa hmiakô liata, Khazohpa, Izarei Khazohpa hmiakô liata, Alo a sih ta, Avâzy ta avâ a za pasuasa.

HLAZY 77:18

Na tôkalôhpa pyu cha khisô liata y ta, Na dôhlazy ta khizaw pakhaihsapa ta, Alei he a chalyu ta â chatho.

HLAZY 78:38

Chatahrasala ano cha thapasana ta a biepa a châpa vâta, Ama paraona cha a ngiahthai ta, Âmo cha pahleipadia vei. A hiehâhna ei hluhpi padia ta, A pathiiana zydua pathyu khoh vei.

HLAZY 83:10

Âmo cha Enadaw liata pahleipadiapa châ ei ta, Chhaohlei châta ie hawh dei ama châ haw.

PUASAINA 7:19

Abeipa ta Mawsi hnohta, “Arawna hnohta, ‘Na chôchahrei chaba la, Izi râh tizy, ama chavahzy, ama vahtiepazy, ama tipozy nata ama ti pa-ona zydua chô liata na ku pazawh teh. Chatanachata tizy cha thisaih lâta a lie aw ei ta, Izi râh zydua liata thisaih a y aw. Tho hmobaohzy chhôh liata nata alô hmobaohzy chhôh liata chhao thisaih a y aw,’ tahpa ta chho mah y,” tah ta.

ISAI 10:4

Atâhpazy hry liata a chakuhpazy tah leipa ta cha, Ahy hmahta pahlôhpa châ leipa aw ei ta, Thiepazy hry liata a paopazy tah leipa ta cha, Ahy hmahta pahlôhpa châ aw veih ei. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 10:6

Hraona sôh lapa ta, Ama hneipazy chhu ta, Khiliah chiatlao hawhta tlypâ awpa ta, Ano cha Khazohpa a pachâ leipa phopi lâ tuah na ta, Ei hie nâ pahâhpa phopi a dyuh awpa ta bie ei pie.

ISAI 14:19

Nâ deikua cha tho chiah raohpa ama thypa hawhta, Na thlâ tawhta lâhlapi lâta thypa na châ. Zaozi ta a chô pahliepa athihpazy cha poh ta a bu chi ta, Alô khaohtlô liata thypa na châ; Athihpa rizy ta ama phei ta ama cha tlypâ.

ISAI 23:11

Abeipa ta tilaipi chô liata a ku pazawhpa ta, Abeinarâhzy chalyu ta; Kâna thokhyzy parao awpa ta, Bie a pie haw.

ISAI 25:11

Tithaipa ta ti a zaw awpa ta a ku a pazawhpa hawhta, Môabâ cha a râh liata a ku pazawh aw ta, Châhrasala Abeipa ta â palaina cha panawh aw ta, A kuzôthaina a panawh aw.

ISAI 29:2

Zerusale cha a nô papo aw na ta, Mâchhiesana nata chaphôhtuna y aw ta, Ei châta chakoh maisâh hawhta a châ aw.

ISAI 42:25

Chavâta a pathiiana ru ngaitapa cha, A chô liata lei thlu ta; Adyuhna ru ngaitapa a lei thlu haw. Cha chata Izarei cha mei liata phôh ta, Châhrasala pahno vei; Mei chata kâ lymâ ta, Châhrasala a palôh liata soh hlei vei.

ISAI 51:20

Na sawchapawzy panao ei ta, Sao liata sathawh a aopa hawhta, Khiliah chaki to liata amâ zia; Abeipa pathiiana ta bie ei ta, Na Khazohpa rana ta ama bie.

ISAI 64:3

Eima hnabeiseih leipa hmo rarôh ypazy na tao no kha, Za chô chi ta, Na hmiakô liata tlâhpizy amâ chalyu ngâpa kha.

ISAI 66:15

“Moh teh u, a pathiiana lei thlupa ta, Meipaleih ta chhorei awpa ta, Abeipa cha mei chhaota vaw tlô aw ta, A talailihzy cha khisô hawhta a châ aw.

ISAI 66:24

“Pua aw ei ta, nâ dyuhtuhpazy ri ama moh tyh aw. Ama lôpazy thi leipa aw ta, ama mei pachhaipa châ hra leipa aw ta, chyhsa zydua châta hmo pasichhih ngaitapa ama châ aw,” Abeipa ta a tah.

ISAI 9:11

Chavâta Abeipa ta Rezi chariahpazy cha, Izarei a dyuh awpa ta ama thapatlô aw ta; A khakhaipazy a pathyu aw ei.

ISAI 9:16

He phopi a chhituhpazy ta Phopi cha a chhi chhei ei ta; Ama chhihthapazy noraihpa ta ama paysa.

ISAI 9:17

Chavâta Abeipa cha ama satliazy chô liata a ly leipa aw ta, Ama harapazy nata nôhmeizy chhao ngiachhie hra aw vei. Chyhsa to Khazohpa a pachâ leipa nata moleipa sai châ ei ta, Pakah to hruna bie a reihpa sai ama châ. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 9:20

Ama chachâh lâta a ypazy niedo chhu aw ei ta, Châhrasala ama nodi thlâh ha pyly aw ta; Ama chavei lâtapa nie aw ei ta, Châhrasala ama rih bie hlei aw vei. Chyhsa to ta âmo chipathla sa ama nie chyu aw:

ISAI 9:21

Manase ta Epharai nie aw ta, Epharai ta Manase a nie aw; Ama pano ta Zudâh amâ dyuh khoh aw. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 15:3

“Paraotuhpa chi palih ama chô liata ei vaw tuah aw, Abeipa ta a tah: A thie awpa zaozi, a hriechheih awpa izy nata a palâ awpa nata a pahleipadia awpa avâ pavawzy nata lei sazy ei vaw tuah aw.

ZEREMIAH 16:4

Hri chhiepa ta ama thi aw. Âmo châta mâchhiesapa châ leipa aw ta, pabupa châ aw veih ei. Alei liata ie hawhta ama y aw. Zaozi nata chakâhna ta thi aw ei ta, ama rizy cha avâ pavawzy nata alei sazy lao a châ aw.

ZEREMIAH 17:4

Na ryuto châta ei cha piepa kha ky aw chi ta, na pahno beih leipa râh liata na chariahpazy chakaotuhpa ta ei cha tao aw. Ei hiehâna ta mei pati hapa châ ta, chhâzaw ta a kâ aw.”

ZEREMIAH 4:24

Tlâhpizy moh na ta, A chalyu ngâ kaw ei ta, Tlâhthlôh zydua ta amâ pasie pasâ ngâ lâ.

ZEREMIAH 4:8

Abeipa hiehâhna ru ngaitapa cha, Keimo tawhta pakuasapa a châ leipa vâta, Latho poh a bu u la, Mâchhiesapa ta cha muh vy.”

ZEREMIAH 6:12

Râh liata a pahrâpazy chô liata ei ku hy aw na ta, Ama ozy cha mohropazy piepa châ aw ta, Ama lyu nata lapinôzy chhao­ mohropazy piepa a châ aw,” Abeipa ta a tah.

ZEREMIAH 8:2

kyh ama pachâpa, ama chakaopa, ama pazipa, ama tluapa nata amâ chhypa noh, thlâpâ nata awhsi zydua hmiakô liata zawpa ama châ aw. Pakhypa châ khao leipa aw ei ta, pabupa châ hra aw veih ei. Ie hawhta alei chô liata pasichhihpa ta ama y aw,” Abeipa ta a tah.

ZEREMIAH 9:22

Chavâta reih teh u, Abeipa ta hetana heta a tah: “Chyhsa rizy lyurâhpa liata ie hawhta amâ thy aw; Sâh hria khai tawhta sapiahzy hawhta pao aw ei ta, Ahy ta hmah pakhy khao aw veih ei.”

CHAPHÔHTUNA 5:22

Miah na thy pathlah hapa châ leipa sala, Eima chô liata na hie a hâh ngâsâ hapa a châ leipa khiahta cha, Nâ lâ miah pakuasa heih la, Hlâno daihti hawhna khata eima nohzy pathieh heih mah y!

EZEKIA 15:6

“Chavâta Abeipa Zehôvâh ta hetana heta a tah: Râhmâhpa thozy hry liata, kre zôh cha mei liata ei ti hapa hawhta, Zerusale khihsawzy chhao ei tao aw ei.

EZEKIA 30:25

Babylaw bei bâhzy tha patlô aw na ta, Phiraoh bâhzy deikua cha â pathliah aw. Babylaw bei ku liata ei zaozi chabasa aw na ta, Izi râh chô liata zaozi a hy tita, kei he Abeipa ei châ tahpa ama pahno aw.

EZEKIA 6:14

Ama chô liata ei ku pazawh aw na ta, ama pahrâna su zydua, râhchawhpa tawhta Riblâ taihta, râh cha roryhrapa nata arypa ta ei tao aw. Chatanachata kei he Abeipa ei châ tahpa ama pahno aw.”

DÂNIAH 9:16

Hy Abeipa, ei châ haw na, siana ta na hmotaozie zydua hawhta, na hiehâhna nata na pathiiana cha Zerusale, na tlâh pathaihpa tawhna heta rie pakuasa ha mah y. Keimo moleinazy nata miah pathlatuhzy paraona vâta, Zerusale nata na chyhsazy he eima chheipâh chyhsazy ta ama rei tyh awpa eima vaw châ ha hih.

HÔSIA 14:4

“Ama paosaina patlâh aw na ta, A saipa ta ama kyh ei pachâ aw; Ei hiehâhna ta a kuasai ha ei.

AMÔSÂ 8:8

He vâna heta râh a chalyu aw ta, A chhôh liata a pahrâpa zydua mâchhiesapa ta ama y aw. Râh pôhpalôhpa cha, Nile Chavah hawhta a kaw sâhpa ta, Izi Chavah hawhta pathluahpa châ aw ta, Pasysa heihpa a châ aw,” tah ta.

MIKÂ 1:4

Mei liata kheihlôh a zaopa hawhta, Pâdawhpa liata ti a chakhaopa hawhta, Tlâhpizy cha ano ry liata zao aw ei ta, Saikaozy ama kaichheih aw.

NÂHU 1:5

Ano hmiakô liata la, Tlâhpizy a sih ei ta, Tlâhthlôhzy ama zao khai; Ano mohmô liata la, Alei chhao he a chalyu ta, Khizaw nata a chhôh liata a ypa zydua amâ chalyu.

HABAKU 3:10

Tlâhpizy ta cha hmô ei ta amâ taikalô; Tisaihzy a chakhao ei ta, Tilaipi a aoh ta, A kuzy avâ lâ a pazawh.

ZEPHANIA 1:17

Abeipa chô liata ama moleipa vâta, Chyhsapa chô liata nôpona patlôsa aw na ta, Mochaopazy hawhta ama sie aw. Ama thisaih dohlei hawhta leithapa châ aw ta, Ama sapa ie hawhta thypa a châ aw.

RYHPACHANEINA 31:17

Cha noh ta ama chô liata ei pathi ia aw ta, ei pathlua aw ei. Âmo tawhta ei hmia nyu aw na ta, pahleipadiapa ama châ aw. Hmo pha leipa nata nôpona hluhpi ama chô liata tlô aw ta, cha noh ta, ‘Eima Khazohpa eima hnohta a y leipa vâta, he hmo pha leipa he eima chô liata a vaw tlôpa châ vei ma?’ ama tah aw.

RYHPACHANEINA 31:18

Khazoh hropazy lâ a heih ei ta hmo pha leipa ama taopa zydua vâta, cha noh liata ei hmia ei nyu tlai aw.

1 THYSALAWNIKA 2:16

Zenitaizy pachha ama châ thei nawpa ta ama hnohta bie chho awpa miah pakhâ ei ta, chatanachata ama moleina panuana ama pabie lymâ. Achhâna liata cha Khazohpa hiehâhna ama chô liata a vaw tlô haw.

BIEPHUAH 20:11

Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.