ISAI 5:24 - Mara Bible RV (BSI)

²⁴ Chavâta mei ta sâhkô chuahmi charôh ta, Meipaleih vâta sibie raohpa â chahkaopa hawhta, Ama thari hmy aw ta, Ama paw chhao doh hawhta â zaw aw; Pheisaihzy Abeipa ryhpa dytha ei ta, Izarei Mo Pathaihpa bie ama mohnaopa vâta.

ISAI 5:24 ပူးပေါင်းရင်းမြစ်များ

2 ABEIZY 19:22

“Ahy ma pasipasawh chi ta na reipachhie tly? Ahy chô liata ma na ao ki pasâh thlu chi ta, Na mo nâ pasâh thlu? Izarei Mo Pathaihpa chô liata na taopa a châpa kha!

NEHEMIAH 9:26

“Chatanachôta rei a ngiah leipa ei ta, châ dyuh ei ta, na ryhpa hnôhchhypa ta, nâ lâta âmo pakuasa awpa ta zikyurâtuhpa na hrohsopazy thie ei ta, Khazohpa reipachhiena rarôh y ngaitapa ama tao.

ZAWBÂ 18:16

A ry lâta a thari raoh aw ta, A chô lâta a chiahzy a uah aw.

ZAWBÂ 8:17

A tharizy ta alô pachopa chazai ta, Alô o a tlua laih.

HLAZY 50:17

Pachuna a haopa ta, Ei biezy hnôhchhy tlôh chi ta.

PUASAINA 15:7

Nâ beina rônahna ta châ dyuhtuhpazy thy pathlah chi ta, Na hiehâhna papua chi ta, Sawphao hawhta a kâ khai ha ei.

PUASAINA 5:12

Chatanachata Izarei sawzy cha Izi râh zydua liata a khie ei ta, sawphao vyuhpa ta sâhkô chuahmi pakhy laih ei ta.

ISAI 1:31

Thatlôpa cha meibu hawhta châ aw ta, A raihria meihlih hawhta a châ aw; A miano ta kâ khoh aw ta, A pachhai awpa y aw veih ei.

ISAI 1:4

Âh, râh moleipa châ ei ta, Paraona a phaohpa phopi ama châ; Moleina hmo a taopa chipathla châ ei ta, Avyuhna a taopa sawzy ama châ. Abeipa siesaipa ta, Izarei Pathaihpa cha mohnao ei ta, Hnôh ama chhy haw.

ISAI 24:6

Chavâta alei cha chhiesana ta charua ta, A chô liata a pahrâpazy thailei pachâsapa ama châ. Chavâta lei chyhsazy maluh a sy laih ta, Chyhsa chyhta dei ama y bâ.

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

ISAI 30:12

Chavâta Izarei Mo Pathaihpa ta hetana heta a tah: “Ei bie dythapa ta, Tlybaina tlao ngâ ei chi ta, Dôveina liata namâ pahniehpa vâta,

ISAI 30:9

Phopi chhorupa châ ei ta, Saw haihthaipa, Abeipa pachuna bie a thei khoh leipa sawzy ama châ.

ISAI 47:14

Moh teh, sawphao hawh dei ama châ; Mei ta âmo cha kâ ta, Meipaleih hmotaotheina tawhta Âmosasyh a pachha thei veih ei. Cha mei cha a palalôh nawpa meihei rakhapa châ leipa ta, A aih awpa mei rakhapa châ vei.

ISAI 7:9

Epharai luh cha Samâri châ ta, Samâri luh cha Remâliah sawchapaw­pa a châ. Namâ ngiapâna â i vei khiahta la, Â ipa ta a duah thei aw veih ei chi,’ a tah,” tah ta.

ISAI 8:6

“He phopi heta nai zualua ta a lohpa Silôah tizy dytha ei ta, Rezi nata Remâliah sawchapawpa chô liata amâ lypa vâta,

ISAI 9:18

Paraona cha mei hawhta kâ ta, Diahsai nata ahlohzy cha ama tlôna taihta a kâ aw. Râhmâhpa chha kaluhpazy kâ aw ta, Meikhuh tôh a charihpa ta avâ lâ a kiah aw.

ISAI 9:19

Pheisaihzy Abeipa hiehâhna vâta, Râh cha kâ khai aw ta; Izarei phopi cha, Mei liata ti awpa thothu hawhta ama châ aw; A pachâ tlâ khao aw veih ei.

ZEREMIAH 6:19

Hy leilô y, nathlie teh; Ei biezy nathlie leipa ei ta, Ei ryhpa ama dythapa vâta, Ama hmotaopa theilâpa chhiena cha, He phopi chô liata ei vaw patlôsa aw.

ZEREMIAH 8:9

Chyhsa sopazy maophyuh aw ei ta, Chihuhpa ta ypa ta patupa ama châ aw. Pachâ teh u, Abeipa bie ama thy ha tawhta cha, Âmo liata khâpa sona cha ma a y khao aw?

EZEKIA 15:6

“Chavâta Abeipa Zehôvâh ta hetana heta a tah: Râhmâhpa thozy hry liata, kre zôh cha mei liata ei ti hapa hawhta, Zerusale khihsawzy chhao ei tao aw ei.

HÔSIA 11:9

Ei hiehâhpa ta hmo tao khao leipa aw na ta, Kuahnaopa ta Epharai cha parao khao aw va na. Chyhsapa châ leipa na ta, Khazohpa ei châ; Nama hnohta a ypa Pathaihpa châ na ta, Pathi iapa ta a vy aw va na.

HÔSIA 5:12

Keima hmâchhâh he Epharai châta Chhoma-u hawhta châ na ta, Zudâh chhôhkha châta hmyna hawhta ei châ.

HÔSIA 9:16

Epharai cha tupa ta y ta, Ama thari a raoh haw; Pathei thei khao aw veih ei. Hawti ama hneipa chhao ta, Ama saw mopakiapazy ei thie lymâ aw.

ZÔELA 2:5

Talailih pyu hawhta a vih ei ta, Tlâhpizy chô liata amâ thluah; Sawphao a kâ ngâpa meipaleih hawhta pa ei ta, Phopi thatlôpa hrâsiepa ama lyu.

AMÔSÂ 2:4

Abeipa ta heta na heta a tah: “Zudâh moleina miathôh vâta, Âh, miapalih vâ chhao rai ta, Hriena chalihsa aw va na; Abeipa ryhpa dytha ei ta, A bieraopazy ama zyh leipa vâta. Âmo pathlatuhzy lâpi a chhih ei ta, Ama haipa biezy ta a paviasa ei.

AMÔSÂ 2:9

“Chatanachôta sidy tho hawhta a sâh ei ta, Ôkâ tho hawhta a chyupa Amawri mo Ama hmiakô liata a pahleipadiapa kha keima ei châ; Chô lâta a thei pahleipadia na ta, Ry lâta a tharizy ei pahleipadia khai haw.

NÂHU 1:10

Ahloh buh a chaviapa hawhta châ ei ta, Sahma doh ta a paripa ama lyu; Sâhkô raohpa hawhta pakâ khaipa ama châ.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

MATHAI 3:12

A ku liata a barah y ta, a sawhri sâh zie aw ta, a sâh pâh liata a ryh aw. Asihpa deikua cha, mei pachhai thei leipa liata a rao aw,” tah ta.

LUKA 10:16

“Nama bie a theipa cha, ei bie a theipa a châ. Nâmo châ khoh leipa cha, kei nâ khoh leipa châ ta, kei nâ khoh leipa cha, nâ tuahtuhpa a khoh leipa a châ,” tah ta.

LUKA 3:17

A ku liata barah y ta, a sawhri sâh zie aw ta, a sâh cha pâh liata a ryh aw. Asihpa deikua cha mei pachhai thei leipa liata a rao aw,” tah ta.

LUKA 7:30

Phârisaihzy nata ryhpa pachutuhpazy deikua cha, âmo châta Khazohpa ryhraona cha khoh veih ei. Âmo cha Zawhâna liata bâti a châ leipazy ama châ.

ZAWHÂNA 12:48

Ahy rai nâ khoh leipa nata ei bie a zyh leipa cha, pachiatuhpa pakha a hnei. Ei bie reipa, kha bie tlai khata, noh chhâna noh liata ano cha a pachia aw.

HMOTAOPAZY 13:41

“‘Nâmo, mohnaotuhpazy saih u, moh teh u, Nama noâh sala, leidia teh u; Nama hro chhôh ta hmo miakha tao na ta, Cha chho hra ei sala, Zo aw veih ei chi,’ tahpa ta a reipa biezy nama chô liata a vaw tlô pathlei aw na,” tah ta.

RYHPACHANEINA 28:24

Abeipa ta nama râh vâsua cha dohlei nata buchadoh lâta pachâsa aw ta, nama leidia hlâlei avâ tawhta nama chô liata a za tla aw.

1 THYSALAWNIKA 4:8

Chavâta he hmo a papeisa leituhpa cha, chyhsa a papeisa leipa châ leipa ta, a Thlahpa Pathaihpa miah pietuhpa Khazohpa a papeisa leipa a châ.

1 SAMUELA 15:23

Chhoruna cha pachaopa moleina nata a lyu ta, Akhotlâhna chhao nothlah a chhypa thaileichâna hawh a châ. Abeipa bie na khoh leipa vâta, Ano chhao ta bei châta cha khoh khao vei,” tah ta.

1 SAMUELA 15:26

Samuela ta Sawla hnohta, “Châ liekhei aw va na. Abeipa bie na khoh leipa vâta, Abeipa ta nâ chhao Izarei chô liata bei châta cha khoh khao hra vei,” tah ta.