ISAI 5:11 - Mara Bible RV (BSI)

¹¹ Mydi kari ta thyupa ta sahma do awpa ta a râ ei ta, Zâcho taihta kresawhti paripa ta a ypazy cha Ama hu a po na!

ISAI 5:11 ပူးပေါင်းရင်းမြစ်များ

2 SAMUELA 19:35

Tanoh he kô sycharie châ ha na ta, hmo chhiepa nata hmo phapa chhao ei pachhaih thai khao ma? Châ chakaotuhpa heta ei niepa nata ei dopazy a pahâh nata pahâh lei zy ei pahno khao ma? Chapaw hlasathaipazy nata chanô hlasathaipazy ao chhao ei thei thei khao ma? Châ chakaotuhpa he khazia ma ei zibeipa abei châta phaori a baichhatuhpa ei châ aw?

BIESOZY 20:1

Kresawhti cha pahneisaotuhpa châ ta, Sahma cha tu a thyupa a châ; Chazy ta a dôvei theipa chyhsazy cha asopa châ veih ei.

BIESOZY 23:32

A chhâna liata cha parih hawhta cha pachu aw ta, Vâzi hawhta a cha pachu aw.

ISAI 22:13

Châhrasala moh teh u, Alyna nata thaphana daihti ta tlao hmâh ei ta, Viahchao nata mietaku zy thiepa ta, Sa niepa ta kresawhti doh ei ta, “Nie sih la, doh suh u, Mylâ a thi awpa tlâ eima châ hih,” ama tah.

ISAI 24:9

Hlasana chôta kresawhti doh khao leipa aw ei ta, Sahma chhao a dohtuhpazy châta ti khapa a châ aw.

ISAI 28:1

Epharai sahma paripazy apalaina lakho cha, A hu a po na! Ama rônahna nata angiana cha, Pawpi a lo haipa hawhta châ ta; Kresawhti iah zaipa, Saikao lei phapa luh liata lakho hawhta a châ.

ISAI 28:3

Epharai sahma paripazy apalaina lakho cha, Phei ry liata tlypâpa châ aw ta;

ISAI 5:22

Kresawhti dona liata ama riahpha kaw ta, Sahma thatlôpa pahlaona liata pasaipha kawpazy cha, Ama hu a po na!

ISAI 56:12

“A vy teh u, kresawhti vaw cheih aw na ta, Sahma ta a pabie tua ei si; Mylâ chhao tanoh hawhna heta a châ heih aw, He hlâ chhao ta hmah a pha via syulyu aw,” Ama tah tyh.

HABAKU 2:15

“A vaihzy sahma a padosapa cha, A hu a po na! Ama thluahruana mo awpa ta, Ama parina taihta a ôh tawhta na patlaipa tyh ei.

HABAKU 2:5

Kresawhti cha dôveituhpa châ ta, Akhotlâh kaw ta, A pahâ beih leipa a châ. Athihkhih tlu ta a karâ hneina kawh ta, Thina hawhta â daih a tah beih leipa a châ. Ano lâta râh zydua awpakhy ta, Ano lâta phopi zydua a pahmaoh ei.”

LUKA 21:34

“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.

RAWMA 13:13

Nohchhô ta ypa hawhta â ngia ngaitapa ta y sih la, apatlapa nata sahma paripa ta y leipa ta, parâpa nata apheipa ta y hra leipa ta, ahryuchhiapa nata hiatliapa ta y khah ei suh u.

1 KAWRINI 6:10

aparupazy, khohleikhopazy, sahma paripazy, chyhsa a reipachhie thaipazy nata avyuhna a taopazy cha Khazohpa khinarâh to aw veih ei.

KALATIA 5:21

uahvana, sahma parina, niedona nata cha hawhpa lâchhâh hmozy cha, sapa hmotaopazy a châ. Zikyu ei châ râ hapa hawhna ei khata, zikyu ei châ râ heih ei. Cha hawhpa hmo a taotuhpazy cha Khazohpa khinarâh to aw veih ei.

1 SAMUELA 25:36

Chatawhcha Abikai cha Nâbâ lâ vawh ta, moh tua u, Nâbâ cha a o liata kyhchhi vaw tao ta, abei kyhchhipa hawhta kyh vaw chhih ta. Nâbâ cha a pari hapa vâta a ly kawpa ta vaw y ta. Chavâta a mylâ khih pavâ hlâlei cha, Abikai ta khâpa hmah chho leipa ta.