ISAI 49:9 - Mara Bible RV (BSI)

⁹ Chatanachata atâhpazy hnohta, ‘Pua teh u,’ tah aw ei chi ta, Zohna liata a ypazy hnohta, ‘A vaw luah teh u,’ nama tah aw. Lâpizy liata ama lao bâ aw ei ta, Aw tlâhzy cha ama tlaihna a châ aw.

ISAI 49:9 ပူးပေါင်းရင်းမြစ်များ

HLAZY 102:20

Atâhpazy ahrôna theipa ta, Thi awpa ta raopazy pathlie awpa ta.

HLAZY 146:7

Tlybaipazy châta adona a duakheituhpa châ ta, Nodipazy nie awpa a pietuhpa a châ. Abeipa cha atâhpazy papua ta,

HLAZY 22:26

Pasataopazy lôhrâtlôpa ta nie aw ei ta, Ano a tluatuhpazy ta Abeipa cha ama reithai aw! Nama palôhzy chhâzaw ta hroh thlâh ha mawh sy!

HLAZY 69:33

Abeipa ta phahlapazy ao thei ta, A phopi atâhpazy mohnao vei.

ISAI 41:18

Awphy tlâh sâhpazy liata chavahzy palosa aw na ta, Saikao liah khophiezy liata tihnawhzy ei paysa aw. Râhchawhpa cha tipo ta tao aw na ta, Râh raohpa chhao tikhaohzy ta ei tao aw.

ISAI 42:16

Mochaopazy cha, Ama pahno beih leipa lâthlôh liata a chhi aw ei na ta, Ama pahno beih leipa lâpi liata ei chhihtha aw ei. Ama hmiakô liata zohna cha khaihna ta tao aw na ta, Su byuhpazy ei paraih khai aw. Cha hmozy cha tao aw na ta, Âmo siesai aw veih ei na.

ISAI 42:7

Mochaopazy mo pavâsa aw chi ta, Atâhpazy na papua aw ei; Âmo cha lei ry patâhna o tawhta papua aw chi ta, Patâhna o zohpa tawhta na papua aw ei.

ISAI 48:17

Abeipa ta hetana heta reih ta, Nâmo châ Chatlaituhpa, Izarei Mo Pathaihpa ta hetana heta a tah: “Kei he Abeipa na Khazohpa châ na ta, Na pha nawpa ta cha pachu na ta, Na sie nawpa lâpi liata châ chhihthatuhpa ei châ.

ISAI 5:17

Mietakutawzy ta khihpi rypazy cha ama lao bâna su châta hmâh aw ei ta, Chihropazy ta hneirôhpazy siesaipa ama nie aw.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

ISAI 65:13

Chavâta Abeipa Zehôvâh ta hetana heta a tah: “Pachâ teh u, nâ chakaotuhpazy cha nie aw ei ta, Nâmo deikua cha nodipa ta nama y aw; Nâ chakaotuhpazy cha doh aw ei ta, Nâmo deikua cha dâhphipa ta nama y aw; Nâ chakaotuhpazy cha a ly aw ei ta, Nâmo deikua cha nozapa ta nama y aw;

ISAI 9:2

Zohna liata a chareipa phopi ta, Khaihna rônahpa hmô ei ta; Thina nohpahli râh liata a pahrâpazy chô liata, Khaihna a vaw khaih haw.

EZEKIA 34:23

Nâ chakaotuhpa Dâvi cha âmo vaituhpa ta soh aw na ta, ano ta âmo cha a pasa aw. Âmo cha pasa aw ta, âmo vaituhpa a châ aw.

EZEKIA 34:29

Chichei bialo pha ngaitapazy pie aw ei na ta, râh liata nodipa ta thi khao leipa aw ei ta, phopizy pahneisaopa ta y khao aw veih ei.

ZÔELA 3:18

“Cha noh liata, Tlâhpizy tawhta kresawhti thlôhpa a zâ thlaoh aw; Tlâhthlôhzy liata sâhpiti loh aw ta, Zudâh vahtiepa zydua liata tizy a loh aw; Abeipa o tawhta tihnawh vaw pua aw ta, Siti Saikao cha ti ta a bao aw.

THEIHTHAINA 25:54

Cha hawhna chata chatlaipa a châ leipa chhao ta, zubili kô liata cha, a sawzy chhaota a pua awpa a châ.

MIKÂ 5:4

Ano cha a duah aw ta, Abeipa thatlôna ta a mietaku zaw a vaih aw; Abeipa a Khazohpa moh rônahna ta A mietaku zaw cha a vaih aw ei. Â bohpa ta y aw ei ta, A rônahna cha, Khizaw kaokih chhâna taihta a tlô aw.

LUKA 1:79

Zohna liata a tyuhpazy khaihna piepa ta, Thina nohpahli liata a tyuhpazy pakhaihsa awpa ta, Thlalôhna lâpi liata eima pheizy chakâsa awpa ta,” tah ta.

LUKA 2:32

Zenitaizy hnohta aluahna châta khaihna châ aw ta, Na phopi Izarei rônahna a châ aw,” tahpa ta Khazohpa reithai ta.

LUKA 4:18

“Abeipa Thlahpa cha ei chô liata y ta, Dyhchhiepazy hnohta thâtihpha chho awpa ta sathaw eina thu. Atâhpazy hnohta puana bie chho ta, Mochaopazy mopavâsa awpa ta na tuah ta, Tlybaipazy khotalaina pie ta,

ZAWHÂNA 10:9

Kei he ochhi ei châ. Ahy rai keima liata a ngiapa cha, pabohsapa ta y aw ta, a ngia aw ta, pua aw ta, sibiepa su a hmô aw.

ZAWHÂNA 8:12

Zisu ta ama hnohta bie reih heih ta, “Kei he khizaw khaihpa ei châ. Ahy rai nâ zipa cha zohna liata charei leipa aw ta, hrona khaihpa tlao a hnei aw,” tah ta.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

EPHESI 5:14

Hmô theipa ta a ypa maih cha khaihpa a châ. Chavâta, “Nâ, a môpa, a hra la, Athihpa hry tawhta thyu teh! Krista ta a cha khaipahlie aw,” tahpa a châpa kha.

EPHESI 5:8

Hlâno cha zohpa châ ei chi ta, tahmâ deikua, Abeipa liata khaihpa nama vaw châ haw. Khaihpa sawzy hawhta hroh teh u.

RYHPACHANEINA 32:13

Lei su sâhpazy chô liata patyusa ta, Lyu kôveizy a paniesa tyh; Lôpanô tawhta kheihti ta chyh ta, Lôsohpa tawhta sathaw ta a chyh.

KAOLAOSÂ 1:13

Khazohpa ta zohna biehneina tawhta miah pachha ta, a Sawchapawpa kyhpachâ ngaitapa khinarâh lâ miah â chhi haw.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.