ISAI 49:6 - Mara Bible RV (BSI)

⁶ “Zakaw chizy paduapathi ta, Izarei saw pahlôhpazy a vaw chhi pakhua awpa ta, Nâ chakaotuhpa na châ awpa cha, Hmo chyhpata mah a châ tâh. Râhzy pakhaihsatuhpa ta cha tao aw na ta, Ei pachhana cha, Khizaw kaokih taihta patlôsapa a châ aw.”

ISAI 49:6 ပူးပေါင်းရင်းမြစ်များ

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

2 ABEIZY 20:10

Hezekia ta a chhy ta, “Nohpahlipa cha hmia lâ keih hrawh sie awpa cha nao kaw ta, châhrasala nohpahlipa cha hnôhlâ keih hrawh tlao a sy sy,” tah ta.

2 ABEIZY 3:18

Cha cha Abeipa pachâ ta hmo chyhpata dei a châ. Môabâ mo cha nama ku liata a cha pie aw ei.

HLAZY 37:28

Abeipa cha ryureina dopa khoh ta, A mopathaihpazy a heihsai beih leipa ta, Chhâzaw ta a hrôbieh ei. Moleipa pathlazy deikua cha, Chhawh pathlahpa ama châ aw.

HLAZY 67:3

Hy Khazohpa, phopizy ta cha reithai ei sala, Phopi to ta cha reithai mawh ei sy!

HLAZY 97:10

Nâmo, Abeipa kyh a pachâtuhpa zydua saih u, Moleina a hao muh vy; Ano cha a mopathaihpazy hrona pabohsa ta, Hmoparaopazy ku tawhta a pachhatuhpa a châ.

ISAI 11:10

Cha noh liata, Zese thari cha phopizy châta ngiana poh hawhta a duah aw ta, râhzy ta a thâtih patluah aw ei ta, â pahâna su cha a rônah ngaita aw.

ISAI 42:10

Nâmo, tilaipi lâ zu ei chi ta, Cha liata a ypa zydua saih u, Nâmo, tilaipi kiah râhzy nata a chyhsazy saih u, Abeipa lâ hla thiehpa sa u la, A reithaina hla alei chhâna tawhta sa teh u.

ISAI 42:6

“Kei he Abeipa ei châ; Siana ta cha aw na ta, Na ku cha patu aw na ta ei cha hrôbieh aw; Izarei phopi châta biehrai ta cha tao aw na ta, Râhzy châta khaihna ta ei cha tao aw.

ISAI 45:22

“Khizaw kaokih liata a ypa zydua saih u, Kei lâ a vaw heih u la, Pachhapa ta y teh u! Kei he Khazohpa cha châ na ta, Khazoh hropa y veih ei.

ISAI 46:13

Ei siana vaw pahniasa hai na ta, A hla khao vei; Ei pachhana chhao, Bohpi châ khao aw vei. Zaio liata pachhana patlôsa aw na ta, Izarei liata ei rônahna ei paysa aw.”

ISAI 48:20

Babylaw tawhta pua u la, Kaldia tawhta a râ teh u; He kyh he hla ta awh u la, A lypa ta phuah teh u; Khizaw kaokih taihta pathâhsa u la, “Abeipa ta a chakaotuhpa Zakaw cha a chatlai haw!” Tahpa ta phuah teh u.

ISAI 51:4

“Hy ei phopi, ei bie nathlie la, Hy ei râh, kei lâta nah pachôh teh. Keima tawhta ryhpa bie pua aw ta, Phopizy khaihna châta ei ryureina dopa ei padua aw.

ISAI 52:10

Abeipa ta râh zydua mohmô liata A bâh pathaihpa chaluah ha ta, Khizaw kaokih zydua ta Eima Khazohpa pachhana cha ama hmô aw.

ISAI 55:5

Abeipa na Khazohpa ta cha parônahsa ta, Izarei Mo Pathaihpa ta a cha parônahsapa vâta, Na pahno beih leipa phopi aw aw chi ta, Châ pahno beih leipa phopi ta nâ lâ â vaw râ aw.

ISAI 56:8

Izarei paipatlapazy a pahmaohpakhytuhpa Abeipa Zehôvâh ta hetana heta a tah: “Ei pahmaohpakhy hapazy thota, Mohropazy chhao ei pahmaohpakhy lymâ aw ei.”

ISAI 60:3

Phopizy na khaihna lâ a vy aw ei ta, Beizy na nohchhi khaihpa lâ amâ vy aw.

ISAI 62:11

Pachâ teh u, Abeipa ta phuah ha ta, Khizaw kaokih taihta a phuah haw. “Zaio sawchanô hnohta hetana heta tah teh u: ‘Moh teh, na pachhana cha a vaw tlô haw, Lymâ a pie awpa ano liata y ta, Pahleipa a thô nawpa a hmiakô liata a y.

ZEREMIAH 12:16

Chatawhcha hetana heta a vaw châ aw. Phopi hropazy ta Bâlâ moh ta bie a taih awpa ta ei phopi ama vaw pachu hapa chhao ta, ei phopi hroziezy pakhâta ta a chu ei sala, ‘Abeipa hrona reipa ta ei reih,’ tahpa ta ei moh ta bie amâ taih khiahta cha, ei phopi hry liata âmo chhao ei padua aw ei.

MIKÂ 5:3

Chavâta sawzeihpa ta saw a sa hlâlei cha, Abeipa ta âmo cha a heihsai chy aw ta, Cha khai tawhta a unawh laibâhpazy cha, Izarei sawzy lâ ama kua heih aw.

ZEKARIA 6:13

Ano ta Abeipa Achhyna o cha sa aw ta, bei chysia ta tobipa châ aw ta, a beichyuchhai liata a tyuh aw ta, ryu a reih aw. Theihthaipa chhao ano beidyuchhai liata a tyuh hra aw ta, ama pano likah liata a dyryhna a y aw,’ tahpa ta na chho aw.

ZEKARIA 8:22

Chatanachata Pheisaihzy Abeipa pado ta, a khokheina hia awpa ta, phopi hluhpi nata râh thatlôpa hluhpizy cha Zerusale lâ amâ vy aw.

LUKA 2:32

Zenitaizy hnohta aluahna châta khaihna châ aw ta, Na phopi Izarei rônahna a châ aw,” tahpa ta Khazohpa reithai ta.

HMOTAOPAZY 13:47

Cha hawhta tao awpa ta Abeipa ta, “‘Khizaw kaokih chhâna taihta Pachhana tlôkhei awpa ta, Zenitaizy châta khaihna ta ei cha tao aw,’ tahpa ta bie miah a pie,” tah ei ta.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

HMOTAOPAZY 26:23

Hrohsopazy nata Mawsi ta Mesia cha riethei tao aw ta, athihpa thyuheihna hmia a sahtuhpa a châpa vâta, keimo phopi hnohta nata Zenitaizy hnohta khaihna a phuahtuhpa a châ awpa kyh ama reipa dei leipa cha, bie hropa khâpa hmah reih va na,” tah ta.