ISAI 49:24 - Mara Bible RV (BSI)

²⁴ Pasaipha ku tawhta hraona sôh chhu theipa a châ ma? Pahnietuhpa seizy pachha theipa a châ ma?

ISAI 49:24 ပူးပေါင်းရင်းမြစ်များ

EZRÂ 9:13

Eima chô liata hmo tlôpazy he moleina hmo eima taopazy nata eima thaileichâna lai ngaitapazy vâta a châ. Chatanachôta Hy eima Khazohpa y, eima moleina nata â phuhpa hlâta a nai viapa ta miah hrie chi ta, he hawhta laibâhpazy miah na pahlôh.

EZRÂ 9:9

Seizy châ pi ta, châhrasala eima Khazohpa cha eima seichâna liata miah a heihsai vei. Persia beizy hmiakô liata eima chô liata a zawngiahna a palâsa. Eima Khazohpa o padua ta, a raonazy taopathi awpa ta, eima seichâna tawhta miah pahua ta, Zudâh nata Zerusale liata abohna thokhyzy miah a taopa.

NEHEMIAH 9:33

Eima chô liata hmo a tlôpa zydua liana heta, nâ cha asiapa na châ. Ngâchhihpa ta hmo tao chi ta, keimo deikua molei ngaitapa ta hmo eima tao tyh.

NEHEMIAH 9:37

Eima moleina vâta eima chô liata bei châ awpa ta na raopazy ta râh kôvei phanazy ama to khai ha hih. Ama khozie hawhta eima pôhpa nata eima sahrohzy chô liata biehnei ei ta, nôpo pachârôhpa ta eima y.

ISAI 42:22

He phopi deikua he cha, Hrao hapa phopi châ ei ta; Ama hmo ama la hapa phopi ama châ. Ama zydua ta khaohtlô liata pathla ei ta, Patâhna o liata ama nyu. Pachhatuh a hnei leipa hraona sôh lâta a lie ei ta, “Pie pakhua ha teh u,” a tah awpa a hnei leipa Parupa sôh lâta amâ lie haw.

ISAI 5:29

Amâ rôhpa pyu chakeibarôhneipa a rôhpa pyu lyu ta, Chakeibarôhneipa lochopazy hawhta amâ rôh. Siechahnuapa ta sa tai aw ei ta, Siekhei aw ei ta, a pachha thei awpa y veih ei.

ISAI 53:12

Thina taihta a hrona leihtha ta, Moleipazy hry liata rei pâpa ta a ypa chhao ta, Chyhsa hluhpi moleina phaoh ta, Hmoparaopazy châta thlah a chhâpa vâta, Ano cha chyhsa rônahpazy hry liata tovyuh rai aw na ta, Thatlôpazy hry liata hraona sôh a hmô hra aw.

EZEKIA 37:11

Chatawhcha ei hnohta, “Chyhsa sawchapawpa y, he ruzy he Izarei pathlazy ama châ hih. Pachâ teh, Izarei pathlazy ta, ‘Eima ruzy chawhkaraipa ta, eima hnabeiseihna lei khai ha ta, chhawh pathlahpa ta eima y haw,’ ama tah.

EZEKIA 37:3

Abeipa ta, “Chyhsa sawchapawpa, he ruzy he ama hroh thei aw ma?” na tah ta. Kei ta, “Hy Abeipa Zehôvâh, nâ ta na pahno,” tah na ta.

NÂHU 2:13

“Pachâ teh, ei châ dyuh na,” Pheisaihzy Abeipa ta a tah. “Na talailihzy rao aw na ta, A khuh ta ei pakhusa aw; Na chakeibarôhneipa lochopazy chhao, Zaozi ta pahleipadiapa ama châ aw. Sa na tai awpazy cha, Alei tawhta pachhâsa aw na ta, Na lyuhchâpazy ao theipa châ khao aw vei.”

MATHAI 12:29

Chyhsa ta chyhsa thatlôpa o liata a ngia sala, cha chyhsa thatlôpa cha a chahry ha tua leipa khiahta cha, kheihta a hmozy a hrao thei aw? A chahry khai tawhta a o cha a hrao thei aw.

MÂKA 3:27

Ahy hmahta chyhsa thatlôpa o liata a ngiapa ta a sôhzy hrao a chhuah sala, chyhsa thatlôpa cha a chahry ha tua leipa ta cha hrao thei aw vei. A chahry khai tawhta a o cha a hrao thei aw.