ISAI 49:23 - Mara Bible RV (BSI)

²³ Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

ISAI 49:23 ပူးပေါင်းရင်းမြစ်များ

ÂTHAONA 27:29

Phopizy ta cha chakao ei sala, Râhzy ta châ naoh mawh ei sy! Na unawhzy chô liata bei ta y la, Na nô sawzy ta châ naoh mawh ei sy! Chhie châ sapatuhpa maih, Chhiesapa ta y ei sala; Byhnâ châ awpatuhpa maih, Byhnâ topa ta y mawh ei sy!” tah ta.

ÂTHAONA 43:26

Zawsi â vaw di nahta, ama kuhriazy o chhôh lâ cheipa ei ta, alei lâ a bôhpa ta ano cha a naoh ei ta.

HLAZY 138:4

Hy Abeipa, na pakah biezy ama thei hapa vâta, Lei bei zydua ta alyna bie ama cha hlâ aw.

HLAZY 25:3

Nâma châ hâtuhpazy cha, Maophyuhpa ta y leipa aw ei ta, Piehpie aohraohpazy deikua cha, Maophyuhpa ta ama y aw.

HLAZY 34:22

Abeipa ta ano a chakaotuhpazy hrona cha chatlai tyh ta, Ano a chhaituhpazy cha ahy hmah thailei pachâsapa châ aw veih ei.

HLAZY 68:31

Izi râh tawhta lyuhchâpazy a khy aw ei ta, Kusi ta Khazohpa lâ a ku thlai a pazawh aw.

HLAZY 69:6

Hy Pheisaihzy Abeipa Zehôvâh, Nâma châ hâtuhpazy cha, Keima vâta nozapa ta y leipa ei sala; Hy Izarei Khazohpa, Nâma châ tluatuhpazy chhao, Keima vâta hmiachhiepa ta y khah ei sy.

PUASAINA 6:7

Ei phopi châta cha hnei aw ei na ta, nama Khazohpa ei châ aw. Chatanachata kei he Izi mo ta phaohri ama cha pavina tawhta châ thaoh papuatuhpa Zehôvâh nama Khazohpa ei châ tahpa nama pahno aw.

ISAI 14:1

Abeipa ta Zakaw ngiachhiepa ta, Izarei a tlyh heih aw ta, ama râh tlai liata a paysa heih aw ei. Chihropazy ta âmo cha a bai aw ei ta, Zakaw pathlazy cha amâ pazao aw.

ISAI 14:2

Phopizy ta Izarei pathlazy cha a chhipa ta, ama y nawpa su tlôkhei aw ei ta, Izarei pathlazy ta âmo cha seichapawzy nata seichanôzy ta Abeipa râh liata ama hnei aw. Sei ta âmo a vaw patu tyhpazy kha, Izarei pathlazy ta sei ta patu aw ei ta, âmo a vaw tlybai tyhpazy chô liata ryu ama reih aw.

ISAI 25:9

Cha noh liata hetana heta ama tah aw: “Moh teh u, he he eima Khazohpa cha châ ta, Miah pachha awpa ta eima hâpa Khazohpa cha a châ hih. He he Abeipa cha châ ta, Ano tlai he eima hâpa a châ hih. A pachhana liata a ly ei sih la, Thaphapa ta y ei suh u.”

ISAI 26:8

Hy Abeipa, na lâpi dopa liata cha hâ pi ta, Na moh nata na mohphana zy he, Eima hro ta a tlaichhaipazy cha a châ.

ISAI 29:22

Chavâta Zakaw pathlazy kyh liata, Abeipa, Abarahâ chatlaituhpa ta hetana heta a tah: “Zakaw cha nozapa ta y khao leipa aw ta, A hmia hlâh khao aw vei.

ISAI 41:20

Chatanachata Abeipa ku ta chazy cha tao ta, Izarei Mo Pathaihpa ta a paysapa a châzie, Hmô aw ei ta ama pahno aw; Pachâ khoh aw ei ta, Ama no â vâh aw.

ISAI 43:10

“Nâmo tlai he nâ pahnokheituhpa châ ei chi ta, Nâ chakaotuhpa ei tlyhpazy nama châ. Chatanachata keima tlai he, Khazohpa cha ei châ tahpa nama novâh aw ta, Pahno aw ei chi ta, Einâ ngiapâ aw ei chi. Kei ei y hlâta cha, Khazoh hropa rai y leipa ta; Keima khai tawhta chhao, Khazoh hropa y khao aw vei,” Abeipa ta a tah.

ISAI 45:14

Abeipa ta hetana heta a tah: “Izi hneirôna nata Kusi sôdaohna zy nâ lâ a vy aw ei ta, Sâbia doh seihpazy nâ lâ amâ vy aw; Na eih châ aw ei ta, Nâ ama cha pazi aw. Bâlia chhaota nâ lâ a vy aw ei ta, Na hmiakô liata amâ bôh aw. ‘Khazohpa cha na hnohta y tlai ta, Khazoh hropa y veih ei, Nâ leipa ta Khazohpa hropa rai y veih ei,’ Tah aw ei ta, Ngiachhiena ama châ haw aw.”

ISAI 45:17

Izarei deikua cha Abeipa ta pachha ta, Tlyzaw pachhana ta a pachha haw. Nozapa ta y khao leipa aw ei chi ta, Tlyzaw taihta nohzaopa ta y khao aw veih ei chi.

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

ISAI 50:7

Châhrasala Abeipa Zehôvâh ta na bao ta, Chavâta nohzaopa ta y va na. Chavâta pachielô hawhta ei hmia pachâ na ta, Maophyuh aw va na tahpa ei pahno.

ISAI 52:15

Râh hluhpizy cha, A thisaih thiapa ta pathaisa aw ta; Ano vâta beizy hmaomopa ta ama y aw. Rei beih leipa hmozy hmô aw ei ta, Thei beih leipa hmozy ama pahno thai aw.

ISAI 52:6

Chavâta ei phopi ta ei moh pahno aw ei ta, Bie a reihtuhpa kha keima ei châzie Cha noh liata ama pahno aw. Keima tlai he ei châ,” Abeipa ta a tah.

ISAI 60:14

Pasa châ pataosatuhpa sawchapawzy cha, A bôhpa ta nâ lâ a vy aw ei ta; Châ mohnaotuhpa zydua chhao, Na phei thaby liata amâ bôh aw. “Abeipa Khihpi” cha tah aw ei ta, “Izarei Mo Pathaihpa Zaio Khihpi” ama cha tah aw.

ISAI 60:16

Phopizy sâhpiti pazy aw chi ta, Beizy sâhpi nâ ngieh aw. Chatanachata kei he Abeipa châ na ta, Châ Pachhatuhpa ei châpa na pahno aw; Châ Chatlaituhpa châ na ta, Zakaw Thatlôpa ei châpa na pahno aw.

ISAI 60:3

Phopizy na khaihna lâ a vy aw ei ta, Beizy na nohchhi khaihpa lâ amâ vy aw.

ISAI 62:2

Râhzy ta na siana hmô aw ei ta, Bei zydua ta na rônahna ama hmô aw. Moh thiehpa ta cha aw aw ei ta, Cha cha Abeipa pakah ta a bipa moh a châ aw.

ISAI 64:4

Nâ hawhpa Khazohpa thâtih he, Hlâno tawhta nah ta thei beih leipa ei ta; Ano a hâtuhpazy châta hmo a tao tyhpa chhao, Nâma leipa ta cha, Khazoh hropa mo ta hmô beih veih ei.

EZEKIA 37:6

Nâmo liata tharizy soh aw na ta, sapa ta cha vaw pahly aw ei na ta, vo ta ei cha khu aw ei. Nama chhôh liata hu soh aw na ta, nama hroh aw. Chatanachata kei he Abeipa ei châ tahpa nama pahno aw,’ tah mah y” tah ta.

ZÔELA 2:27

Izarei hry liata ei y tahpa pahno aw ei chi ta, Kei he Abeipa nama Khazohpa châ na ta, Khazoh hropa y vei tahpa nama pahno aw. Ei phopi cha, Maophyuhpa ta y heih khao aw veih ei.”

MIKÂ 7:17

Parih hawhta dohlei palie aw ei ta, Alei liata âlyhpasazy hawhta dohlei ama palie aw. A chalyuna chôta ama thokhyzy tawhta amâ vy aw; Thlazohpa ta Abeipa eima Khazohpa lâ a heih aw ei ta, Nâ cha ama cha chi ngaita aw.

MALUHREINA 11:12

He zawpi zydua he ei phaopa ma ama châ? Ei sapazy ma ama châ? Khazia nawh apyhpa ta sâhpi a bâhpa hawsaih â pyhpa hawhta, âmo cha ei kalachhôh liata a pyh laih ta, ama pathlatuhpazy hnohta bie nâ taihpa râh lâ siekhei awpa ta eina chho chi?

MATHAI 25:16

Talent miapangawh a vaotuhpa cha thlai sie ta, talent â vaopazy hmâpa ta sôh palie ta, talent miapangawh hropa papôhsa ta.

RAWMA 10:11

Biehrai ta, “Ahy rai ano a ngiapâpa maih maophyuh aw veih ei,” a tah.

RAWMA 5:5

Thlahpa Pathaihpa miah a piepa khata Khazohpa kyhpachâna eima pathipalôh liata a hry hapa vâta, cha hnabeiseihna chata maophyuhpa ta miah paysa vei.

RAWMA 9:33

“Pachâ teh, Zaio liata achapiana lô soh na ta, Moleina lôpanô ei soh; Ahy rai ano a ngiapâpa cha, Maophyuh aw vei,” tahpa ta ropa hawhta.

1 PITY 2:6

Chavâta Biehrai liata, “Moh teh u, Zaio liata alô paryh na ta, Ano cha a ki liata alô sôhpa nata atlyhpa châ ta; Ahy rai ano a ngiapâpa cha, Maophyuh aw vei,” tahpa ta ropa a châ.

BIEPHUAH 3:9

Moh teh, Sâtâ pakhyna o liata chyhsazy, Zu chyhsa hmeiseihpa châ tlôh leipa ta, haipa ta Zu chyhsa â tahpazy cha na phei thaby liata vaw pabôhsa aw ei na ta, kyh ei cha pachâ tahpa ama pahno aw.