ISAI 49:18 - Mara Bible RV (BSI)

¹⁸ A heih la, na chheipâh zydua moh tua, Na saw zydua a pahmaoh ei ta, Ama cha vaw pangai hih. Ei hrona reipa ta ei reih,” Abeipa ta a tah. “Sôh nata thih hawhta, Âmo cha nâ tobina ta hmâh aw chi ta, Myuh thieh chysia hawhta nâ tobi aw ei.

ISAI 49:18 ပူးပေါင်းရင်းမြစ်များ

ÂTHAONA 13:14

Lawta ta Abarâ â pasiesai tawhta, Abeipa ta Abarâ hnohta, “Na yna tawhna khata mohmia pasaih la, maw nata chho lâ zy, nochhi nata notla lâzy sai tua.

ÂTHAONA 22:16

“Kha hmo kha na taopa vâta, keima tlai ta bie ei châ taih. Na sawchapawpa, na sawchapaw matlupa tlai chhao pie awpa ta na thlyu leipa vâta,

BIESOZY 17:6

Samohzy cha machâpazy lakho châ ei ta, Sawzy rônahna chhao ama pawzy a châ.

ISAI 45:23

Ei moh a reipa ta keimasasyh ta bie a taih na ta, Ei pakah tawhta siana ta bie pua ha ta, Vaw kua khao aw vei. Pakhu to ei hmiakô liata paneih aw ei ta, Paleih to ta na pazi awpa ta bie amâ taih aw.

ISAI 49:12

Moh teh u, lâhlapi tawhta ei phopi amâ vy huh; Maw lâ tawhta a vy ei ta, Notla lâ tawhta a vy ei ta, Sini mo râh tawhta amâ vy.”

ISAI 49:22

Abeipa Zehôvâh ta hetana heta a tah: “Pachâ teh u, râhzy lâta ei ku pazawh aw na ta, Phopizy lâta keima ngiana poh ei chaluah aw. Na sawchapawzy ama kalachhôh liata a pyhpa ta, Nâ lâ a vaw chhi aw ei ta; Na sawchanôzy chhao ama ngiatlâh liata vaw khaihpa ta, Nâ lâ amâ vaw chhi aw.

ISAI 52:1

Hy Zaio, a hra la, a hra la, Na thatlôna ta a tobi mah y; Hy Zerusale, khihpi pathaihpa, Na chysia a ngiapazy ta a tobi mah y. Tahmâ tawhta cha, Chopawtaileipa nata pathaih leipazy Na chhôh liata a ngia khao aw veih ei.

ISAI 54:7

Buakhata cha siesai na ta, Châhrasala ngiachhiena rônahpa ta ei châ chhi heih aw.

ISAI 54:9

“Cha hmo cha, Ei châta Nôah hro no hawhna khata châ ta; ‘Nôah tizy ta alei vao khao aw vei,’ Tahpa ta bie ei vaw taih hapa hawhna khata, Na chô liata chhao, Hiehâh khao lei awpa ta bie a taih na ta, Cha ra khao lei awpa ta bie ei taih haw.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ISAI 66:20

Nama unawhpa zydua cha, Abeipa lâta hmohlâpa châta râh to tawhta a vaw chhi aw ei ta, arâzy, talailihzy, asynazy, sabaituzy, râraoseihpazy kiapa ta ei tlâh pathaihpa Zerusale lâ amâ vaw chhi aw,” Abeipa ta a tah. “Izarei sawzy ta hmobaoh pathaihpa ta Abeipa o lâ niepa hlâna ama vaw cheipa hawhta, nama unawhzy cha Abeipa lâta hmohlâpa châta amâ vaw chhi aw.

ZEREMIAH 2:32

Laihsa kôpa ta a sôh nata thih atobinazy a my aw ma? Myuh ta a myuh chysia a my thei aw ma? Ei phopi deikua cha na my ha ei ta, Noh rei tiah lei eina my ha ei.

ZEREMIAH 31:8

Pachâ teh u, maw lâ râh tawhta a vaw chhi aw ei na ta, Alei su lâhla chaipazy tawhta ei vaw chhi aw ei; Ama hry liata mochaopa nata pheisypazy a hlao aw ei ta, Saw phaohpa nata nawh zeihpazy amâ hlao aw; Chatanachata zawpi hluh ngaita pa ta, He su lâ he ama vaw kua aw.

ZEREMIAH 43:12

Izi khazohzy o liata mei patih aw na ta, khazoh ozy cha Nebukaneza ta mei ta rao aw ta, khazoh nothlahpazy a siekhei ha aw ei. Mietaku vaituhpa ta a chyhsa liata lôvâpazy a pathaipa hawhta, Izi râh cha pathai aw ta, cha su tawhta thlalôhpa ta a pua aw.

EZEKIA 33:11

Ama hnohta hetana heta reih teh: ‘Ei hrona reipa ta ei reih. Moleipa thina liata alyna rai hnei leipa na ta, moleipa ta a hrozie siesaipa ta a hroh awpa cha ei lyna tlao a châ. Nama hrozie pha leipa tawhta kua u la, kua ha teh u. Hy Izarei pathlazy saih u, khazia nama thi aw tly?’ Abeipa Zehôvâh ta a tah.

MALUHREINA 14:21

Châhrasala ei hrona reipa ta ei reih; leilô zydua he Abeipa rônahna ta a bie aw.

ZAWHÂNA 4:35

Nâmo ta, ‘Sâh hria â daih nawpa thla palih a byuh,’ tah veih ei chi ma? Moh teh u, ei cha chho ei, sai u la, lyuzy moh tua u, hria awpa ta a maih haw.

BIEPHUAH 21:2

Chatawhcha khihpi pathaihpa, Zerusale thiehpa hmô na ta. Myuhthieh ta a vahpa châta a tobi ta, a mâ chiehpa ta a ypa hawhta, avâ liata Khazohpa tawhta za chô ta.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.